Éxodo 33:4 - Qheshwa Biblia DC

⁴ Señorpa sinch'i palabranta uyarispa israelitasqa mayta llakikorqanku, ni mayqenninku ima k'achanchakunasninta churakorqankuchu.

DIOSPA QHELQACHISQAN DEUTEROCANONICAL

⁴ Israelitakunaqa Tata Dios k'araj simiwan parlasqanta uyarispa, mayta llakikorqanku. Chayrayku ni pipis jaluchuta churakuspa k'achanchakorqankuchu,

DIOSPA QHELQACHISQ

⁴ Israelitakunaqa Tata Dios k'araj simiwan parlasqanta uyarispa, mayta llakikorqanku. Chayrayku ni pipis jaluchuta churakuspa k'achanchakorqankuchu,

Éxodo 33:4 ပူးပေါင်းရင်းမြစ်များ

2 Samuel 19:24

Chantá Saulpa wawan Mefi-bosetpis llojsillarqataj reyta taripamunampaj. Rey llojsisqanmantapacha walejlla kutimpunankama, Mefi-bosetqa chaskisninta mana mayllakusqachu, nitaj sunkhasnintapis k'utukusqachu, nillataj p'achasnintapis t'ajsakusqachu.

1 Reyes 21:27

Chay palabrasta uyarikuspa Acabqa p'achasninta llik'ikorqa, ukhunmantaj qhashqa p'achasta churakorqa, manataj mikhorqachu, ajina qhashqa p'achayojtaj puñorqa, phutisqataj purerqa.

2 Reyes 19:1

Rey Ezequiasqa kay tukuy imasta uyariytawan, p'achasninta llik'ikuspa, qhashqa p'achasta churaykukuspataj Señorpa wasinman rerqa.

Esdras 9:3

Kay jinata uyarispa sonqo nanayniyta rikuchinaypaj p'achayta llik'ikorqani, chujchayta, sunkhaytawan sik'irakorqani manchay phutisqataj tiyakorqani.

Job 1:20

Chayta uyarispa Jobqa manchay llakisqa sayarikuspa, p'achasninta llik'irakorqa, chujchasnintapis k'uturakorqa. Jinaspataj pampaman k'umuykukorqa, nerqataj: Noqaqa q'alalla mamaypa wijsanmanta llojsimorqani, q'alallataj llojsipusaj kay mundomanta. Tukuy imasniyta Señor qowarqa, kunanqa payllataj chay imasta qhechukapuwan. Chaywampis Señorpa sutenqa bendicisqa kachun!

Job 2:12

Karullamantaraj qhawariytawan mana rejsiyta aterqankuchu Jobtaqa, chayrayku qhaparerqanku, waqarqankutaj, p'achasninkutataj llik'irakorqanku, jallp'awantaj pataman umasninkuman ima qhallarqanku.

Éxodo 33:6

Chayta uyariytawan israelitasqa tukuyninku chay k'achanchakunasninkuta qhechukorqanku Horet orqomantapachaña.

Isaías 32:11

Qankuna, mana imata ruwaspa chukoj warmis, manchachikuychej ari; mana imamanta llakiyniyoj warmis, kharkatiychej ari. Chay p'achasniykichejta lluch'ukuychej. Qhashqa p'achasta churakuychej llakisqa kasqaykichejta rikuchinaykichejpaj.

Ezequiel 24:17

Ch'inllamanta phutikuy, amataj llakiy p'achata churakuychu wañusqayoj runa jinataqa. Umaykita mayt'ukuy, ujut'asniykitataj churaykukuy. Umaykitapis ama p'antawan llakiyniyoj jinataqa qhatakuychu, amataj llakiypi kashaspa mikhuna imasta mikhuychu.

Ezequiel 24:23

Uyaykichejta mayt'ukunkichej, ujut'astapis churakunkichej. Manaña llakikunkichejchu, nitaj waqankichejchu. Manachayqa sajra ruwayniykichejrayku tukukunkichej, ujkuna ujkunawantaj waqapayanakunkichej.

Ezequiel 26:16

Mar qocha canto jallp'aspi kamachejkunaqa, tukuyninku tiyanankumanta uraykonqanku. Pata p'achasninkuta orqhokonqanku, k'acha awakipasqa p'achasninkutataj lluch'ukonqanku. Sinch'i manchariywantaj pampapi tiyarikonqanku chay jinata rikuspa, sapa rato kharkatispa qanmanta t'ukonqanku.

Oseas 7:14

Qhaparqachanku camankupi kashaspa manataj sonqowanchu wajyakuwanku. Trigota jinataj vinota mañakuspa nanarachikunku. Contraypi oqharikorqanku!

Levítico 10:6

Chaymantataj Moisesqa Aaronman, Eleazarman, Itamarmanwan nerqa: Ama q'ara umalla kaychejchu, nitaj p'achasniykichejtapis llik'ikuychejchu, wañusqarayku llakisqa kasqaykichejta rikuchispa, ama qankunapis wañunaykichejpaj, amataj qankunarayku Dios astawan sinch'i phiñakuyninta israelitasman rikuchinampaj. Manachayqa tukuynin ayllu masiykichej israelitasqa Señormin wañojkunata ninawan ruphachisqanmanta waqallachunku.

Jonás 3:6

Chay willaykunataj Nínivej reyninman chayarqa. Paytaj kamachinanmanta sayarispa, p'achasninta lluch'ukuspa, llakiy p'achasta churaykukuytawan ushpha patapi tiyamorqa.

Números 14:1

Chaymantataj uyariytawan israelitasqa chay tutantin mayta qhaparerqanku, waqarqankutaj.

Números 14:39

Chayta ajinata israelitasman willajtintaj tukuyninku maytapuni llakikorqanku.

1 Samuel 6:19

Chaypacha Bet-semes llajtapi tiyakojkunamanta wakinta Señorqa wañucherqa Señorpa trato cajonnin ukhuta imaschus kasqanta rikuyta munaspa qhawaykusqankurayku. Chaypacha qanchis chunka runasta wañucherqa, tukuy ayllutaj waqarqanku chay chhikata Señor chay p'unchaypi paykuna ukhupi wañurachisqanmanta.