Éxodo 32:7 - Qheshwa Biblia DC

⁷ Señortaj Moisesman nerqa: Kunanqa riy, uraykuy, imaraykuchus Egiptomanta orqhomusqayki runasqa millayta juchallikunku.

DIOSPA QHELQACHISQAN DEUTEROCANONICAL

⁷ Chantá Sinaí orqopi Tata Dios Moisesta nerqa: Kunanpacha kay orqomanta urayk'uy, imaraykuchus Egiptomanta orqhomusqayki runakunaqa millayta ruwashanku.

DIOSPA QHELQACHISQ

⁷ Chantá Sinaí orqopi Tata Dios Moisesta nerqa: Kunanpacha kay orqomanta urayk'uy, imaraykuchus Egiptomanta orqhomusqayki runakunaqa millayta ruwashanku.

Éxodo 32:7 ပူးပေါင်းရင်းမြစ်များ

2 Crónicas 27:2

Jotampa ruwasqasnenqa Señorpa rikuynimpi cheqan karqa, imaynatachus tatan Uzías ruwarqa ajina. Chaywampis mana yaykorqachu Señorta yupaychana wasimanqa. Jinapis runasqa millay ruwanasnillankupipuni kasharqanku.

Salmos 78:36

Qallunkuwan, siminkuwantaj, k'acha llullakuykunasta nej kanku.

Éxodo 19:24

Chaymanta Señorqa Moisesman nerqa: Qan rispa uraykuy, qanlla Aaronwan wicharimunki. Sacerdoteswan runaswanqa ama wicharimuchunkuchu señalesta pasaspa, manachayqa Señor paykunataqa phirita ruwarparenqa.

Éxodo 32:1

Israelitastaj chaykama, Moisés Sinaí orqomanta mana usqhayta uraykamojtin, tantakuytawan Aaronman qayllaykuspa nerqanku: Kunanqa dioskunata ruwapuwayku ari ñaupaqeykuta rinankupaj. Imaraykuchus Egipto jallp'amanta orqhomuwarqayku chay Moisesqa imanakunchus mana rikhurimunchu.

Éxodo 32:11

Moisestaj chayta uyarispa Señor Diosninmanta mañakorqa, nispa: Señorníy, imaraykutaj qan paykunapaj k'ajaj phiñakuyniykita rikuchiwajri, israelita runasniykej contrampiri, mayqentachus Egipto jallp'amanta manchay kallpawan, atiywantaj orqhomusqaykipajri?

Éxodo 32:4

Paytaj chaykunata jap'iytawan, tukuyninta ujllaman unuyarpachiytawan cincelwan uj waka uñata ruwarqs. Chaymantataj nerqanku: “Israelitas, kayqa Diosniykichej, pichus Egiptomanta orqhomusorqachej chay”, nispa.

Éxodo 33:1

Señorqa Moisesman nerqa: Kunanqa riy, wichariychej mashkha runastachus Egiptomanta orqhomorqanki chay runaswan; ima jallp'atachus juraspa nerqani qonayta Abrahamman, Isaacman, Jacobmanwan, mirayniykichejman qosaj kay jallp'ata, nispa, chayman.

Isaías 1:4

Ay, juchasapa runas, sajra kajta q'epirisqa ayllu, millay kajpa miraynin, qhenchachakoj wawas! Paykunaqa Señormanta karunchakunku, Israelpa cheqa kaj Diosninmanta t'aqakunku. Payta wasanchanku.

Daniel (hebreo) 9:24

Aylluyki, ajllasqa llajtaykipis, kayta yachachunku: Qanchis chunka semanas pasananku tiyan, Diospa contranta sayariykuna, juchallikuypis tukukunampaj; sajra kajta chinkachinapaj, wiñaypajtaj cheqa kajta churanapaj. Mosqoypi jina rikusqasniyki, profetaspa willasqasninku ima junt'akunankupaj, ajllasqa kajtaj jawisqa kanampaj.

Oseas 9:9

Q'ala millay kausayman qonkaporqankichej chay Gabaaj tiemposnimpi jina. Chaywampis Señor yuyarikonqa tukuy juchasinkumanta jasut'enqataj chay juchasninkumanta.

Deuteronomio 31:29

Noqaqa yachani wañupusqaymanta qhepamanqa juchallikunaykichejta, saqenaykichej chay ñanta qhatinaykichejta nerqaykichej chayta. Chantaqa yachallanitaj qhepamanqa llakiykuna jamusunaykichejta, Señorpa munasqanta mana allinta ruwasqaykichejmanta, chay imaswan phiñachisqaykichejmantataj.

Deuteronomio 32:5

Machu machu sajra runas, Diosta phiñachejkuna, qankunaqa mana wawasnin ninapaj jinachu kankichej.

Deuteronomio 4:16

Ajinamanta ama imaman rijch'akojtapis ruwanaykichejpaj, ni qhariman rijch'akojta, nitaj warmiman rijch'akojtapis.

Deuteronomio 9:12

Niwarqataj Señorqa: Kunanqa usqhayta rispa kaymanta uraykuy, imaraykuchus Egiptomanta orqhomusqayki runasqa, noqaj kamachisqasniyta mana kasukuspa mana allinta ruwashanku. Noqaj kamachisqasniyta mana junt'aspa saqerparinku, uj lantitataj ruwakunku.

Deuteronomio 9:8

Horeb orqopi Señorta phiñacherqankichejña. Paypis qankunapaj phiñakuspa tukuchinasuykichejpajña kasharqa.

Jueces 2:19

Kuraj runanku wañupojtintaj, watejmanta paykunaqa juchaman urmallajtaj kanku, ñaupa tatasninkumanta astawanraj, sirvispa yupaychaspataj waj dioskunata. Manataj t'aqakorqankuchu millay ruwaykunasninkumanta nitaj wampu jina kausayninkumantapis.