Éxodo 32:34 - Qheshwa Biblia DC

³⁴ Kunanqa rispa israelitasta pusay, maymanchus noqa pusay nerqayki chayman. Chaymantaj noqaj angelniy pusasonqa. Mayk'ajchus jasut'iy p'unchay chayamonqa, chaypacha noqa juchasninkumanta jasut'isaj paykunata.

DIOSPA QHELQACHISQAN DEUTEROCANONICAL

³⁴ Kunanqa israelitakunata pusay, maymanchus pusanaykita nerqayki, chayman. Noqaj angelniytaj pusasonqa. Chaywanpis jasut'inay p'unchay chayamojtin, noqa paykunata juchankumanta jasut'isaj, nispa.

DIOSPA QHELQACHISQ

³⁴ Kunanqa israelitakunata pusay, maymanchus pusanaykita nerqayki, chayman. Noqaj angelniytaj pusasonqa. Chaywanpis jasut'inay p'unchay chayamojtin, noqa paykunata juchankumanta jasut'isaj, nispa.

Éxodo 32:34 ပူးပေါင်းရင်းမြစ်များ

Salmos 99:8

Señor Diosniyku, qan paykunaman kuticherqanki, qan paykunaj juchasninkuta pampacharqanki. Juchallikojtinkutaj jasut'erqanki.

Éxodo 15:17

Oh Señor, qan pusawayku ari tiyakunaykupaj sumaj llimphu orqoykiman, chayaqeyki orqopi tiyakunaykupaj, maypichus qan tiyakunki chaypi, maynejtachus qan Señor ajllakorqanki chaypi; chay llimphu cheqata makisniyki sayacherqa.

Éxodo 20:5

Ama qonqorikunkichu chaykunaman, ama yupaychankichu; imaraykuchus noqamin Señor Diosniykeqa kani, sinch'i, Dios celoso, noqata chejniwajkunaj juchasninkuta jasut'ej, tatasninkoj juchasninkuta wawasninkupi jasut'ini, chantá allchhisninkupi, nieto allchhisninkupi ima.

Éxodo 23:20

Noqa angelniyta kachamusaj qampa ñaupaqeykita rispa pusasunampaj, ñampitaj waqaychasunampaj, chayachisunampajtaj, ima jallp'atachus qampaj wakicherqani chayman.

Éxodo 3:17

Chantaqa nillawantaj, Egiptopi may llakiyta ñak'arinaykichejmanta kacharichinasuykichejta; pusasunaykichejtataj lechewan misk'iwan yaku jina corrishan chay jallp'aman, maypichus tiyakushanku, cananeos, hiteos, amorreos, ferezeos, heveos, jebuseos ima, chayman.

Éxodo 33:12

Moisesqa Señorman nerqa: Qhawariy, qan niwarqanki noqaman: Kay runasta orqhoy, nispa; manataj sut'inchawankichu pitachus kachamunawaykita noqawan rinampaj. Chaywampis qan niwarqanki, noqa qanta allintapuni rejsiyki, nispa. Chanta nillawankitaj: Noqapi khuyakuyta tarinki, nispa.

Éxodo 33:2

Noqa kachamusaj angelniyta ñaupaqeykita rispa pusasunampaj; ñaupaqeykimantataj qharqosaj karuman cananeosta, amorreosta, hititasta ferezeosta, heveosta, jebuseosta ima.

Isaías 63:9

Israelitas llakisqa kashajtinku, paypis llakisqallataj karqa, angelnintaj paykunataqa orqhomorqa. Munakuyninwan khuyakuyninwantaj paykunataqa librarqa, unaymantapacha sapa p'unchay waqaychaspa pusamorqataj.

Jeremías 14:10

Señorqa kayta Israel ayllunmanta parlaspa nerqa: Ujnejmanta ujnejman puriyta kay aylloyqa maytapuni misk'ichikun. Chayrayku, qhawajteyqa mana allimpajchu rijch'awan. Kunan juchasninkumanta yuyarikuspa, paykunamanta cuentata mañasaj.

Jeremías 23:2

Israelpa Señor Diosnin nillantaj, paypa ayllunta kamachinku chaykunaman: Qankunamin ovejasniyta ch'eqerachinkichej, ayqerachinkichejtaj, manataj allintachu qhawarqankichej. Noqapis jasut'isqaykichej sajra ruwasqasniykichejmanta. Noqa Señor chayta nini.

Jeremías 5:29

Manachu kay tukuymantaqa jasut'isaj? Manachu ajina runasmanqa chay ruwasqankuman jina qopusaj? Noqa Señormin chayta nini.

Jeremías 5:9

Manachu chay tukuymanta jasut'iymanri? Manachu ajina ayllumanqa chayta mask'akusqanman jina qopuymanri?

Oseas 8:13

Paykunapajqa may sumaj kasqa chay ñak'ariy rikuchikusqa, chay rikuchikustataj jaywanku, chay rikuchikusmanta jaywasqankumanta aychastataj mikhunku; jinapis noqa Señor chaykunawanqa mana kusisqachu kani; noqa yuyarikusaj chay millay ruwasqasninkumanta jasut'isajtaj chay juchasninkumanta, Egiptoman paykunata kutirichispa.

Amós 3:14

Ima p'unchaychus Israelmanta cuentata mañasaj juchata ruwasqasninmanta, chaypacha Betelpa altaresninta phirisaj, wajrasnimpis p'akikuspa pampaman urmanqanku.

Números 20:16

Jina kajtintaj Señormanta yanapayninta mañakorqayku. Paytaj waqasqasniykuta, llakiyniykuta uyarispa uj angelninta kachamuwarqayku, ajinamanta Egiptomanta orqhomuwayku. Kunanqa Cades llajtapi kashayku, jallp'aykiwan tinkuypi.

San Mateo 23:35

Mana juchayojkunaj yawarnin, kay jallp'a patapi jich'akusqan qankunaj pataykichejman jamonqa, cheqan kaj Abelpa yawarninmantapacha, Zacariaspa yawarninkama, pichus Berequiaspa wawan karqa. Paytaqa templopi, altar qayllapi wañucherqankichej.

Deuteronomio 32:35

Ayniyta kutichina diapaj, chaypi ruwasqankuman jina qopunayaj urmanqanku chaypacha. Chinkananku diaqa chayamushanña. Ñapis qayllamushanña.