Éxodo 32:13 - Qheshwa Biblia DC

¹³ Yuyarikuy ari, ima tratotachus ruwasqaykita kamachisniyki Abrahamwan, Isaacwan, Israelwan ima. Qan chayta ruwashaspa nerqanki: Noqa mirayniykichejta mirachisaj qoyllurkunata jina, kay jallp'ata qosaj mirayniykichejman imatachus qosaj nisqayman jina, paykunataj chayaqenkupaj wiñaypaj jap'ikunankupaj.

DIOSPA QHELQACHISQAN DEUTEROCANONICAL

¹³ Kamachiyki Abrahamman, Isaacman, Israelman ima sutiykirayku tiluspa, nisqaykimanta yuyarikuy. Qan paykunata nerqanki: Noqa janajpi ch'askakunata jinapuni mirachisqaykichej, nisqayman jinataj wiñaypaj qankunaman kay jallp'ata qosqaykichej, nispa.

DIOSPA QHELQACHISQ

¹³ Kamachiyki Abrahamman, Isaacman, Israelman ima sutiykirayku tiluspa, nisqaykimanta yuyarikuy. Qan paykunata nerqanki: Noqa janajpi ch'askakunata jinapuni mirachisqaykichej, nisqayman jinataj wiñaypaj qankunaman kay jallp'ata qosqaykichej, nispa.

Éxodo 32:13 ပူးပေါင်းရင်းမြစ်များ

Génesis 12:2

Mirayniykimanta ruwasaj uj jatun aylluta; bendicisqayki, sutiyki may yuyarisqa kanqa, qannejta wajkuna bendicisqas kanqanku.

Génesis 12:7

Chaypi Señorqa Abramman rikhurerqa, nerqataj: Kay jallp'ata mirayniykiman qosaj. Abramtaj chaypi uj altarta Diospaj ruwaporqa, chaypi Señorqa payman rikhurisqanrayku.

Génesis 15:18

Chay kikimpacha Señorqa uj tratota Abramwan ruwarqa, nispa: Mirayniykiman qosaj kay jallp'ata. Chaytaj kanqa Egipto mayumanta, Eufrates jatun mayukama.

Génesis 15:5

Chaymanta Señorqa Abramta jawaman pusarqa, chaypitaj nerqa: Qhawariy allinta cielota, ichapis atiwaj yupayta qoyllurkunata. Ajina kanqa qampa mirayniyki, mana yupay atina.

Génesis 15:7

Chaymanta nerqa: Noqa orqhomorqayki Caldea Ur llajtamanta, kay jallp'ata chayaqeykipaj qosunaypaj.

Génesis 17:8

Qanman paykunamanwan qosqaykichej kay tukuynin Canaán jallp'ata, kunan maypichus tiyakushanki chayta, chayaqeyki wiñaypaj kanampaj, noqataj Diosniyki kasaj.

Génesis 22:17

Kunanqa bendicisqayki, mirayniykitapis ashkhata mirachisaj mana yupay atinata cielopi qoyllurkunata jina, mar qocha cantopi t'iyuta jina. Chantapis tukuy enemigosninkuta atipanqanku.

Génesis 24:7

Señor janaj pachapi kaj Dios orqhomuwarqa, tataypa wasinmanta, ayllusniypa jallp'anmanta; niwarqataj kay jallp'ata mirayniymanwan qonawanta. Chay Dios kachamusonqa uj angelninta qampa ñaupaqeykita rinampaj, yanapasunampajtaj wawaypaj warmita pusamuyta.

Éxodo 13:11

Maypachachus Señor chayachisonqachej Canaán jallp'aman, mayqentachus juraspa nerqa qankunaman qonanta, jinallataj ñaupa tatasniykichejmampis, chayman chayaspa, Señorman jaywankichej tukuy kuraj kaj qhari wawasniykichejta, jinallataj tukuy uywasniykichejpa phiwi uñasintapis. Orqos kajkunaqa Señorpata kanqa.

Éxodo 13:5

Kay kikin killallapitaj yuyarikuspa qhochukuta Señorman ruwankichej, maypachachus Señor yachachisonqachej lechewan misk'iwan phullchisaj chay jallp'aman chaypacha; mayqen jallp'amantachus Señorqa orqhonqa cananeosta, heteosta, amorreosta, heveosta, jebuseosta ima. Chay jallp'ata Señorqa juraspa nerqa tatasniykichejman qonanta.

Éxodo 33:1

Señorqa Moisesman nerqa: Kunanqa riy, wichariychej mashkha runastachus Egiptomanta orqhomorqanki chay runaswan; ima jallp'atachus juraspa nerqani qonayta Abrahamman, Isaacman, Jacobmanwan, mirayniykichejman qosaj kay jallp'ata, nispa, chayman.

Levítico 26:42

Chaymantaraj yuyarikusaj trato ruwasqaymanta Jacobwan, Isaacwan, Abrahamwan ima. Jinallataj yuyarikusaj ima jallp'atachus qosqaymantapis.

Deuteronomio 1:10

Señor Diosniykichejqa kay chhikata mirachisunkichej. Kunan qankunaqa jatun ayllu ashkha kankichej, janaj pacha estrellas jina.

Deuteronomio 7:8

Señorqa ajllasunkichej munakususqaykichejrayku. Chayrayku payqa Egiptopi ñak'arishajtiykichej, faraompa kamachimpi kashajtiykichej jatun atiyninwan orqhomusorqachej, ñaupa tatasniykichejman imatachus ruwapusqaykichej nisqanta junt'ananrayku.

Deuteronomio 9:27

Yuyarikuy ari kamachisniyki Abrahammanta, Isaacmanta, Jacobmanta ima. Ama qhawaychu ari rumi sonqos kasqankuta, sajra kayninkuta, nitaj juchasninkutapis.

Hebreos 6:13

Diosqa qosqayki nishajtin Abrahamman, mana jatun sutirayku jurayta atispa, pay kikin sutimpi jurarqa, nerqataj: Cheqamanta yanapaywan junt'achisqayki, mirachisqaykitaj ashkhata.