Éxodo 31:6 - Qheshwa Biblia DC

^6-9 Payta yanapanampaj ajllani Dan ayllumanta Ahisamacpa wawan Aholiabta. Tukuy yachayniyojkunamantaj aswan yachakuyta qorqani tukuyninku qanman kamachisqasuyta ruwanankupaj: Dioswan tinkukuna toldota, Diospa leyninwan kaj cajonta, kirpantapis, Dioswan tinkukuna toldopi kashan chaykunatapis mesata, imasninchus chay patapi kashan chaykunatapis qori purumanta k'anchachinata tukuy imasnintinta, incienso altarta, ruphachina rikuchiku altarta, imaschus chay altarpi kashan chaykunatawan; mayllakuna ch'illamita, maypichus sayasqa kashan chaytawan;

DIOSPA QHELQACHISQAN DEUTEROCANONICAL

⁶ Ajllallanitaj Besalelta yanapananpaj Dan jatun ayllumanta Ajisamacpata churin Aholiabta. Chay waj yachayniyojkunamanpis astawan yachayta qollanitaj, qanman kamachisusqayta tukuyninta ruwanankupaj.

DIOSPA QHELQACHISQ

⁶ Ajllallanitaj Besalelta yanapananpaj Dan jatun ayllumanta Ajisamacpata churin Aholiabta. Chay waj yachayniyojkunamanpis astawan yachayta qollanitaj, qanman kamachisusqayta tukuyninta ruwanankupaj.

Éxodo 31:6 ပူးပေါင်းရင်းမြစ်များ

1 Reyes 3:12

Chayrayku imatachus mañakusqaykita ruwaniña, qoykiña jatun yachayniyoj sonqota, yuyayniyoj kaytapis, imaraykuchus mana ujpis karqachu qan jinaqa, nitaj qanmanta qhepamampis kanqañachu qan jinaqa.

Éxodo 28:3

Qan parlay tukuy yachayniyojkunaman, pikunachus k'acha sonqoyoj kanku chaykunaman, pikunamanchus yachayta yuyaytataj qoni chaykunaman, Aarompaj sumaj p'achasta ruwapunankupaj sumaj respetasqa sacerdotesniy kanankupaj.

Éxodo 35:10

Tukuy qankuna ukhupi yachayniyojkuna imastapis k'achitusta ruwajkuna jamuchunku, imastachus Señor kamachin chaykunata ruwanankupaj: Diospa tiyakunanta, toldo wasita, imaswanchus qhatasqa chayta, ganchosninta, tablasninta, k'aspisninta, postesninta, chukusninta, cajonta, chay cajonta wantuspa apana k'aspisninta, cajompa kirpananta, wasita velos pakan chaykunata, mesata, apana k'aspisninta, imaschus chay mesapi kan chaykunata, Diosman jaywasqa t'antata, k'anchachinata, imasninchus tiyan chaykunatawan, puntasnimpi k'anchan chaykunata, k'anchachina aceiteta; incienso altarta, apana k'aspisninta, jawina aceiteta, k'achata q'apaj inciensota, Dioswan tinkukuna toldo punku yaykuyta jark'achina telasta; rikuchiku ruphachina altarta, broncemanta ruwasqa telasninta, chay altarta apana k'aspisninta, imaschus tukuy chaykunapi tiyan chaykunata, mayllakuna ch'illamita, maypichus chay sayasqa kashan chaynintinta; pationta jark'achina telasta, kurkusninta, imaspichus chay k'aspis sayashan chaykunata, patio punku jark'achina telasta; Diospa tiyakunanta jap'ichina estacasta, jap'ichina waskasninta; sacerdotej awasqa p'achasninta Diospa tiyakunman yaykunapaj, sacerdote Aarompa sumaj kaj p'achasninta, wawasnimpa p'achasninta, chaykunata churakuspa imastapis chaypi ruwanankupaj Diospa tiyanan toldompi.

Éxodo 35:34

Chantaqa ajllallantaj yachachinampaj Dan ayllumanta Ahisamacpa wawan Aholiabta, payman qon yachayta tukuy sonqowan yachachinampaj, tukuy imata k'achitusta ruwachinampaj pallayniyojta lila p'achaspi, puka panti p'achaspi, puka p'achaspi, sumaj lino p'achaspi, awasqa p'achaspipis. Ajinata imallatapis imaynachus señalasqa kashan chayman jina ruwanankupaj.

Éxodo 35:4

Moisesqa tukuynin israelitasman parlarqa, kay jinata: Kayta Señorqa kamachin:

Éxodo 36:8

Chay tukuynin llank'ajkunamanta aswan yachayniyojkuna qallarerqanku Diospa tiyanan nisqata ruwayta; chaypaj ruwarqanku chunka jark'achina telasta sumaj rakhu t'ullkusqa linomanta, lilamanta, puka pantimanta, pukamanta ima. Chaykunataj jatuchaj pallaynisniyoj karqa iskay angelesniyoj.

Éxodo 38:23

Paywan karqa Dan ayllumanta Ahisamacpa wawan Aholiab, mayqenchus artesano karqa, imastapis yuyayninman jina ruwaj, k'acha pallayniyojta lilamanta, puka pantimanta, pukamanta, sumajnin kaj linomantawan.

Éxodo 6:26

Kaykuna karqanku Aaronwan Moiseswan, mayqenkunamanchus Señorqa nerqa israelitasta orqhomunankuta Egipto jallp'amanta, ashkha soldadosta jina.

San Lucas 10:1

Chaymanta qhepamantaj, Señorqa ajllallarqataj qanchis chunka [iskayniyoj] runasta. Paykunatataj iskaymanta iskay kacharqa, paypa ñaupaqenta rinankupaj tukuy llajtasman, ranchosman ima, maykunamanchus rinan karqa chaykunaman.

Hechos 13:2

Uj p'unchay ayunaspa Señorta yupaychashajtinku, Santo Espíritu paykunaman nerqa: Bernabeta, Saulotawan t'aqapuwaychej, imapajchus ajllarqani chayta ruwanankupaj.

Santiago 1:5

Mayqellampis qankunamanta mana yachayniyoj kanman chayqa, Diosmanta mañakuchun. Dios qon tukuyman ashkhamanta mana k'amispalla. Cheqamanta chay yachayqa payman qosqa kanqa.