Éxodo 28:30 - Qheshwa Biblia DC

³⁰ Warkhunaj patanman churanki cheqanchana imasta Urimta, Tumintawan. Ajinamanta Aarón pechon patapi apanampaj sapa Señorpa ñaupaqenman qayllaspa. Ajinamanta Aaronqa pechompi apanqapuni cheqanchana imasta Señorpa ñaupaqempi.

DIOSPA QHELQACHISQAN DEUTEROCANONICAL

³⁰ Jinallataj pecheraman Urimta, Tumimtawan churanki, Aarón Tata Diospa ñawpaqenman qayllaspa, qhasqonpi apananpaj. Ajinata Aaronqa Tata Diospa ñawpaqenpi qhasqonpi apallanqapuni, israelitakunapaj Tata Dios imatachus nisqanta yachananpaj.

DIOSPA QHELQACHISQ

³⁰ Jinallataj pecheraman Urimta, Tumimtawan churanki, Aarón Tata Diospa ñawpaqenman qayllaspa, qhasqonpi apananpaj. Ajinata Aaronqa Tata Diospa ñawpaqenpi qhasqonpi apallanqapuni, israelitakunapaj Tata Dios imatachus nisqanta yachananpaj.

Éxodo 28:30 ပူးပေါင်းရင်းမြစ်များ

Esdras 2:63

Chantapis, kamachejqa nerqa, manaña mikhunankuta Diosman t'aqasqa mikhuymantaqa. Uj sacerdote Urimnejta, chanta Tumimnejta Diosta tapurispa yachanankama.

Nehemías 7:65

Chay jawaqa kuraj kamachej nerqa, kamachispa ama mikhunankuta chay llimphupaj qhawasqa mikhunamanta sacerdote kayta yachanankama, Urim, jinataj Tumin ima imatachus nisqankuta.

Éxodo 28:29

Aaronqa Diospaj ajllasqa toldoman yaykuspa warkhunaj patampi Israelpa wawasnimpa sutisnin ruwasqasta, cheqanchana imastawan oqharisqa yaykonqa. Jinallataj chay sutis pechompi k'askachisqas kanqa. Ajinata Aaronqa Señorpa ñaupaqempi purenqa, sapa kuti paykunamanta yuyarikunampaj.

Levítico 8:8

Chaypa patanmantaj warkhuykorqa warkhuna nisqa walqa ch'uspata jina. Chaymantataj churarqa Urim Tumim nisqa cheqanchaj imasta.

Zacarías 6:13

Yupaychana wasiyta jatarichejtinñataj, payman tukuy yupaychaykunasta uj reyman jina qonqanku. Uj tronoman tiyaykukonqa kamachinampaj, chay uj ladonmantaj uj sacerdote tiyaykukonqa, iskayninkutaj sonqo tiyasqallapi kanqanku.

Números 27:21

Josuetaj Eleazar sacerdoteman qayllachun. Sacerdote Eleazartaj Urim nisqa suerteta qhawananejta noqata tapuwanqa. Jinamanta Josueqa israelitasta kamachenqa paykuna imatapis ruwanankupaj.

2 Corintios 12:15

Noqaqa may kusiywan tiyapuwasqanta gastasaj. Noqa kikiytaj kausayniyta qosaj almaykichejrayku. Qankunata anchata munakusqaykichejmanta, pisi munasqachu kasaj?

2 Corintios 7:3

Kaytaqa mana juchachanayraykuchu niykichej, imaynatachus ñaupajtaña nerqani. Qankunaqa sonqosniykupi kashankichej, khuska kausananchejpaj, wañunanchejpajpis.

Deuteronomio 33:8

Levimantataj nerqa: Señor, qampata kanku Tumimwan, Urimwan; chaykunawan ajllasqa runasniykinejta, munayniykita rikuchinaykipaj. Paykunataqa Masah sutiyoj cheqapi pruebaman churarqanki. Paykunawan Meriba yaku cantopi phiñanakorqanki.

Hebreos 2:17

Chayrayku, hermanosninman tukuy imapi rijch'akunampi karqa, khuyakuyniyoj, kuraj sacerdote churasqa kaspa, Diospa tukuy imasnimpi junt'aj, runakunaj juchasnintapis pampachanampaj.

Hebreos 4:15

Uj kuraj sacerdote tiyapuwanchej, pichus onqoykunasninchejmanta khuyakuyta atiwanchej. Payqa tukuy imapi tentasqa karqa noqanchej jina; manataj payqa jayk'ajpis juchallikojchu.

Hebreos 9:12

Manataj chivospa, nitaj waka uñaspa yawarninnejtachu, pay kikimpa yawarninnejta, uj kutillata llimphuchasqa jatun santuarioman yaykorqa, wiñaypaj salvacionta wakichispa.

Hebreos 9:24

Cristoqa, mana yaykorqachu runaj makinwan ruwasqa santuarioman. Chayqa cheqa kajpa rijch'aynillan karqa. Payqa kikin janaj pachamampuni yaykorqa; Diospa ñaupaqenman qayllaykuspa noqanchejpa allinninchejrayku.

Jueces 1:1

Josué wañupusqanmanta qhepata, israelitasqa Señorta tapurerqanku, mayqen ayllurajchus ñaupajta cananeoswan maqanakoj rinanta.

Jueces 20:18

Israelitasqa Betelman rerqanku, chaypitaj Diosta tapurerqanku ima aylluchus Benjaminwan ñaupajta maqanakoj rinanta. Señortaj kutichispa nerqa Judaraj ñaupajta rinanta.

1 Samuel 28:6

Chaypacha Señorta taporqa. Señortaj mana kuticherqachu, ni mosqoypi, nitaj Urimnejtapis, profetasnejtapis.