Éxodo 25:9 - Qheshwa Biblia DC

⁹ Chay toldota, chaypi kanay tiyan, chaykunatapis ruwankichej imaynatachus noqa nisqaykichej chayman jina.

DIOSPA QHELQACHISQAN DEUTEROCANONICAL

⁹ Tiyakunay toldota, jinataj chaypi tukuy imachus kajta, noqa rikuchisqayki, chayman jinapuni ruwanqanku, nispa.

DIOSPA QHELQACHISQ

⁹ Tiyakunay toldota, jinataj chaypi tukuy imachus kajta, noqa rikuchisqayki, chayman jinapuni ruwanqanku, nispa.

Éxodo 25:9 ပူးပေါင်းရင်းမြစ်များ

Éxodo 25:40

Chaykunataqa ruwanki imaynatachus Sinaí orqopi rikuchisorqa ajinata.

Éxodo 26:30

Ajinata Diospa tiyakunanta sayarichinki, imaynatachus Sinaí orqopi rikucherqayki ruwanaykita chayman jina.

Éxodo 39:32

Dioswan tinkukuna toldo tukukun. Chaytaqa israelitas ruwarqanku imaynatachus Moisesman Señor kamachisqanman jina. Moisesman israelitas Dioswan tinkukuna tukuy imasnin tukusqata; ganchosnintinta, tablasnintinta, sayachina maderasta, maderaspa sayanasnin chukusta; tapanapaj pukaman teñisqa oveja qarasta, tapanapaj qowi qarasta, ñaupajninta jark'achinapaj velosta; Diospa leyninwan kasharqa chay cajonta, k'aspisnintawan, kirpanasnintawan; mesata, vasosnintawan, qayllapi nisqa t'antatawan; qorimanta ruwasqa k'anchachinata, k'anchachinasnintawan, chay k'anchachina imaynachus ruwasqa kanan karqa chaykunasninta, tukuy imasninta, k'anchanapaj aceitetawan; qori altarta, jawina aceiteta, sumajta q'apashaj inciensota, Dioswan tinkukuna punkuman yaykuyta jark'achinapaj awasqastawan; bronce altarta, bronce rejillasnintinta, k'aspisninta, imasninchus chay patasnimpi karqa chaykunastawan, ch'illamita, maypichus sayanantawan; patiota jark'achinapaj awasqasta, plantasta jina sayachinapaj maderasninta, chay maderaspa sayanasnin chukusta, patio punkuta jark'achinapaj awasqasta, waskasninta, estacasta, imasninchus kanan karqa chaykunasnintinta Diospa tiyakunampi ruwanapaj Dioswan tinkukuna wasipi; chaypi kaspa imastapis ruwaspa churakuna p'achasta, sacerdote Aarompaj sumaj ruwasqa p'achasta, Aarompa wawasnimpaj p'achasta sacerdoteman p'achallikuspa Diospa tiyakunan wasipi ruwanankupaj.

Éxodo 39:42

Chay tukuy imasta israelitasqa ruwarqanku, imaynatachus Moisesman Señor kamachisqanman jina.

Éxodo 39:43

Chay tukuy imasta Moisesqa rikorqa sumaj kasqanta, Señorpa kamachisqanman jina sumaj ruwasqas kasqanmanta, chaymantataj paykunata bendicerqa.

Números 4:12

Chaymantataj toldo ukhupi Diospa tiyakunampi imasninchus tiyan chaykunasninta tukuyninta panti bayetaman oqharenqanku. Chaytataj sumaj qarasmanta ruwasqa qhatanawan mayt'uykonqanku. K'ispis patamantaj churanqanku, chaymanta oqharispa wantunapaj.

Números 8:4

Moisesqa chay k'anchachinasta martillowan ch'eqosqa qorimanta ruwacherqa, sayananmanta maymantachus palqasnin llojsisharqa chaykama, imaynatachus Señorqa Moisesman nisqanman jina, chayman jinataj ruwachinampaj.

Hechos 7:44

Tatasninchejpata toldonqa ch'in pampapi karqa, maypichus Diosmanta yachaj kanku. Diospa kamachisqanman jina ruwasqa; imaynatachus Moisesman kamacherqa, maychus rikusqanman jina ruwananta.

Hebreos 8:2

Payqa llimphu kaj imasta jaywan, jaqay cheqa kaj tabernáculo nisqa wasipi. Chaytataj Señor sayaricherqa, mana runachu.

Hebreos 8:5

Paykunaqa uj rijch'aylla, llanthu jinalla kanku janaj pacha imasmanta. Chayrayku Dios nerqa Moisesman, tabernaculota wakichinan kashajtin: Orqopi rikucherqayki chay rijch'ayman jina tukuy imata ruway, nispa.

Hebreos 9:2

Tabernáculo waseqa, kay jinamanta ruwasqa karqa: ñaupaj kajpi k'anchachi karqa, mesa, rikuchiku t'antaspiwan. Chay cheqatataj, lugar santo nispa suticharqanku.