Éxodo 24:17 - Qheshwa Biblia DC

¹⁷ Chay p'unchaypi Señorpa kusiy k'anchaynin israelitasman rikhurimorqa uj nina qanqey jina.

DIOSPA QHELQACHISQAN DEUTEROCANONICAL

¹⁷ Tata Diospa jatun kayninpa lliphipiynintaj nina lawrarishaj jina israelitakunaj rikunankuta rikhurimorqa.

DIOSPA QHELQACHISQ

¹⁷ Tata Diospa jatun kayninpa lliphipiynintaj nina lawrarishaj jina israelitakunaj rikunankuta rikhurimorqa.

Éxodo 24:17 ပူးပေါင်းရင်းမြစ်များ

2 Samuel 22:13

Uj sinch'i k'anchay ñaupaqenmanta llojserqa; larwashaj carbonestaj paramorqanku.

2 Samuel 22:9

Senqanmanta q'osñi llojsimoj, siminmantataj wañuchikoj nina llojsimoj; siminmantarí larwashaj brasasta wijch'umoj!

Éxodo 19:11

Ajinata tukuyninku wakichisqas kachunku minchhapaj; imaraykuchus minchha Señorqa uraykamonqa Sinaí orqoman tukuy israelitaspa rikunankuta.

Éxodo 19:18

Tukuynin Sinaí orqo q'osñirerqa, imaraykuchus Señor uraykamorqa chay orqoman ninapi. Q'osñisqa wicharisharqa hornomantapis wicharishanman jina; chay puntastaj tukuynin kharkatirerqanku manchayta.

Éxodo 3:2

Chaypitaj Señorpa angelnin rikhurerqa uj zarza nisqa sach'api nina lauraj ukhupi. Moisesqa chay zarzapi nina larwashajta allinta qhawarerqa, nitaj chay zarzataqa q'olasharqachu.

Ezequiel 1:27

Chay runaman rijch'akojpata ñañu wasanmanta pataman llosq'osqa bronceta jina rikorqani lliphipishajta, ninawan muyuykusqatataj. Ñañu wasanmanta uramantaj ninata jina rikorqani. K'anchaywan muyuykusqataj karqa.

Ezequiel 1:28

Imaynatachus k'uychi phuyus chaupipi p'unchay paramojtin rikhurin, ajina muyuynimpi karqa. Kay jinamanta Señorpa jatun kaynenqa mosqoypi jina rikhuriwarqa. Chay jinata rikuspa, pampakama k'umuykorqani. Chay rato uj parlamojta uyarerqani.

Nahúm 1:6

Phiñakuynimpiri, pitaj sayasqallapipuni kanmanri? Pitaj chay phiñakuyninta ñak'ariyta atinmanri? Sinch'i phiñakuynenqa nina jinapuni t'akarikamun, ñaupaqempeqa qaqaspis iskayman lajrarikunku.

Deuteronomio 4:24

Señorniykichejqa ujllapi q'olarparej nina jinamin, payllata munakunaykichejta munan.

Deuteronomio 4:36

Payqa janaj pachamantapacha parlasqanta uyarichisorqachej yachachisunaykichejpaj. Kay jallp'a patapitaj atiyniyoj ninanta rikuchisorqachej. Nina chaupimantataj palabrasninta uyarinkichej.

Deuteronomio 9:3

Kunanqa yachanaykichej tiyan, qankunaj ñaupaqeykichejta Señor Diosniykichej renqa. Payqa uj k'ajashaj nina nina ruphaspa k'umuykachachenqa ñaupaqeykichejpi nacionesta chinkachinankama. Qankuna chay llajtasninkumanta qharqospa ujllapi chinkachinkichej, imaynatachus Señor qankunaman nisqaykichejman jina.

Hebreos 12:18

Qankunaqa, mana qayllarqankichejchu llankhay atina orqoman, nitaj nina larwaymampis, nitaj laqhayajmampis, nitaj tutayajmampis, nitaj sinch'i para wayramampis.

Hebreos 12:29

Diosninchejqa q'olaj ninaj larwaynin.