Éxodo 23:31 - Qheshwa Biblia DC

³¹ Mojonesniykita ruwapusqayki Puka Mar qochamantapacha filisteospa marninkama, ch'in pampamanta Eufrates mayukama. Chay jallp'aspi tiyakojkunataqa makisniykiman jaywasqayki, qantaj paykunata wijch'unki.

DIOSPA QHELQACHISQAN DEUTEROCANONICAL

³¹ Jallp'aykichejpa mojonnenqa ajina kanqa: Puka Mama Qochamantapacha, filisteokunaj mama qochankukama. Chantá ch'innejmantapacha Éufrates mayukama kanqa. Chay jallp'api tiyakojkunata makiykichejman churaykusaj, qankunataj paykunata qharqonkichej.

DIOSPA QHELQACHISQ

³¹ Jallp'aykichejpa mojonnenqa ajina kanqa: Puka Mama Qochamantapacha, filisteokunaj mama qochankukama. Chantá ch'innejmantapacha Éufrates mayukama kanqa. Chay jallp'api tiyakojkunata makiykichejman churaykusaj, qankunataj paykunata qharqonkichej.

Éxodo 23:31 ပူးပေါင်းရင်းမြစ်များ

Génesis 15:18

Chay kikimpacha Señorqa uj tratota Abramwan ruwarqa, nispa: Mirayniykiman qosaj kay jallp'ata. Chaytaj kanqa Egipto mayumanta, Eufrates jatun mayukama.

1 Reyes 20:13

Chaypachataj Israelmanta rey Acabman uj profeta jamorqa, nerqataj: Señorqa ajinata nin: Rikhunkichu chay chhika runasta? Kunantaj makiykiman noqa jaywaykusqayki, yachanaykipaj noqa Señor kasqayta.

1 Reyes 4:21

Salomontaj chay tukuynin waj nacionesta kamacherqa, Eufrates mayumantapacha Filisteospa jallp'ankukama, mojonesnimpis Egipto chaykamataj karqa; paymantaj apamoj kanku tukuy allin imasta, rey Salomón kausanankama atiynin urapi karqanku.

1 Reyes 4:24

Imaraykuchus Salomonqa chay tukuynin llajtasta kamacherqa, Eufratesmanta inti yaykuy ladopi, Tifsamanta Gaza chaynejkama, chay tukuy llajtaspa muyuynimpitaj allin tiyakuylla karqa.

1 Reyes 8:65

Chay p'unchaykunapi Salomonqa tukuy israelitaswan khuska jatun fiestata ruwarqa, ashkhapuni tantakamorqanku, Hamat chaymantapacha Egipto mayu chaynejkama, chay fiestataqa Señor Diosninchejpa ñaupaqempi qanchis p'unchayta ruwarqanku, chanta uj qanchis p'unchaytawanraj ruwallarqankutaj, tukuynimpi chunka tawayoj p'unchayta.

2 Crónicas 9:26

Salomontaj kamacherqa tukuy reyesta Eufrates mayumantapacha, filisteospa jallp'ankama, Egipto jallp'aj tinkuyninkamataj.

Salmos 72:8

Kamachichun uj marmanta uj markama, Eufrates mayumanta kay jallp'aj k'uchunkamataj.

Números 21:34

Señortaj Moisesman nerqa: Ama manchachikuychu chay runasmanta, noqa makisniykiman churasaj, tukuy soldadosnintinta llajtantinta ima. Ajinallatataj qan paywan ruwanki, Sehonwan ruwarqanki, chaynejpi tiyakoj amorreospa reynin Hesbonwan, ajinata, nispa.

Deuteronomio 1:7

Tukuy imasniykichejta oqharikuspa amorreospa orqosninkuman riychej, tukuy vecinosninkoj muyuyninkupi kaj jallp'asninkuman ima. Arabaman, sach'arara lomasman, vallesman, Neguevman, mar qocha cantosman, cananeospa jallp'anman, Libanoman, Eufrates jatun mayukama.

Deuteronomio 1:8

Noqa qoykichej chay jallp'asta; chayrayku rispa mojonakamuychej, dueñochakamuychej chay jallp'asta; chaytaqa noqa Señor, juraspa qosqaykichej nerqani ñaupa tatasniykichej Abrahamman, Isaacman, Jacobman ima, jinallataj mirayninkumampis.

Deuteronomio 11:24

May jallp'amanchá chakisniykichej saruykonqa chay jallp'as qankunajta kanqa. Lindesniykichejqa kanqa ch'in pampamantapacha Libanokama. Eufrates mayumantaj mar qocha Mediterraneokama.

Deuteronomio 2:33

Señor Diosninchejtaj paykunata makinchejman urmachimorqa. Noqanchejtaj atiparqanchej, payta, wawasninta, tukuy soldadosninta ima.

Deuteronomio 2:36

Chayta ruwarqanchej Aroer llajtamantapacha, Arnón mayu chimpapi kashan chaymanta, vallesnimpi kaj llajtamantapacha, Galaad llajtakama. Chay llajtasqa ni mayqen kutichikuyta atiwarqanchejchu, Señor Diosninchej tukuyninkuta makisninchejman urmachimorqa.

Deuteronomio 20:16

Señor Diosniykichej qosonqachej chay jallp'aspeqa tukuy kausayniyojkunata tukuchinkichej.

Deuteronomio 3:2

Señortaj niwarqa: Ama paymanta manchachikuychu, imaraykuchus noqa makiykiman churasaj, tukuy runasninta, jallp'anta ima munasqaykita ruwanaykipaj, imaynatachus Hesbonmanta amorreos rey Sehonta ruwarqanki ajina, nispa.

Deuteronomio 6:19

Ajinamanta enemigosniykichejqa ñaupaqeykichejmanta ayqenqanku, Señor nisqanman jina.

Deuteronomio 9:3

Kunanqa yachanaykichej tiyan, qankunaj ñaupaqeykichejta Señor Diosniykichej renqa. Payqa uj k'ajashaj nina nina ruphaspa k'umuykachachenqa ñaupaqeykichejpi nacionesta chinkachinankama. Qankuna chay llajtasninkumanta qharqospa ujllapi chinkachinkichej, imaynatachus Señor qankunaman nisqaykichejman jina.

Josué 1:4

Chay jallp'astaj kanqa ch'innejmantapacha Líbano orqokama, Eufrates jatun mayumantapacha Mediterráneo mar qochakama. Chantá tukuynin heteospa jallp'asnintin qankunajta kanqa.

Josué 10:8

Señortaj Josueman nerqa: Ama paykunamantaqa manchachikuychu, noqa makisniykiman jaywasqayki, ni mayqenninku ñaupaqeykipi sayayta atenqankuchu.

Josué 13:6

Israelitaspa ñaupaqempi noqa tukuchisaj sidoniosta, orqospi tiyakojkunata, Libanomanta Misrefot-maimkama. Qantaj chay jallp'asta israelitasman chayaqenkupaj rak'irapunki, imaynatachus kamachishayki chayman jina.

Josué 2:24

Nerqanku: Señorqa chay tukuynin jallp'asta makisninchejmanña churan. Tukuy chaypi tiyakojkunaqa may mancharisqas kashanku.

Josué 21:44

Señorqa chay jallp'api allin tiyakuyta qorqa, imastachus juraspa tatasninkuman nisqanman jina. Enemigosninkupis mana ujtawan torearqankuñachu, imaraykuchus Señorman makisninkuman enemigosninkuta churarqa.

Josué 23:14

Noqaqa wañuy patapiña kani, amaraj wañupushaspataj yachanaykichejta munani tukuy sonqo, tukuy alma ima allin imastachus Señorqa nerqa qonasuykichejta, chaykuna junt'akusqanta. Ni ima palabrasnimpis qhepakunchu mana junt'akuspaqa.

Josué 24:11

Chaymantataj qankunaqa Jordán mayuta chimpamorqankichej, jamorqankichejtaj Jericokama. Chay llajtayojkunataj qankunawan maqanakorqanku, chaykunataj karqanku: Amorreos, fereseos, cananeos, heteos, gergeseos, heveos, jebuseos ima. Chaykunata noqaqa makisniykichejman churarqani.

Josué 24:12

Chay iskaynin reyesta qankunaqa mana wañucherqankichejchu espadawan, k'aspi flechaykichejwampis. Manachayqa noqa kachamorqani ñaupaqeykichejta uj manchariyta, chayrayku paykunaqa manaraj chayashajtiykichej ñapis ayqerqankuña.

Josué 24:18

Señorqa tukuy runasta qharkorqa ñaupaqeykumanta, jinallataj kaypi tiyarqanku chay amorreostapis. Chayrayku noqaykupis kunanqa Señortapuni kasusqayku, imaraykuchus paymin Diosniykoqa.

Josué 24:8

Chaymantataj noqaqa amorreospa jallp'anman pusamorqaykichej, pikunachus Jordán mayu chimpapi tiyakorqanku chayman. Paykunataj qankunawan maqanakorqanku, noqataj paykunata makisniykichejman churarqani, qankunataj paykunataqa atiparqankichej, jallp'asninkutataj jap'ikorqankichej. Ajinata qhawashajtiykichej noqaqa paykunata chinkacherqani.

Josué 8:18

Señortaj Josueman nerqa: Makiykipi kashan chay espadata Hai llajta cheqaman oqhariy, noqa chay llajtata makiykiman jaywasqayki nispa. Jinata nejtintaj Josueqa makimpi kasharqa chay espadata oqharerqa Hai llajtaman yaykunankupaj.

Josué 8:7

Chaykamataj qankunaqa pakakusqaykichejmanta llojsimuytawan llajtata jap'inkichej, imaraykuchus Señor Diosniykichej makisniykichejman jaywasonqachej.

Josué 9:7

Israelitastaj heveosman kuticherqanku: Ichapis qankunaqa kay noqayku qayllallamanta kankichej. Imaynatataj qankunawan uj tratota ruwasunmanri?

Jueces 1:4

Ajinamanta Judá ayllumanta kajkunaqa maqanakoj yaykorqanku cananeospa jallp'asninman, jinataj ferezeospamanpis, paykunatataj Señorqa makisninkuman jaywarqa. Bezecpitaj cananeosmanta ferezeosmantawan chunka waranqa runasta atiparqanku, Adonisedectaj paykunawan kasharqa.

Jueces 11:21

Israelpa Señor Diosnenqa atipacherqa Sehonta jinataj soldadosnintapis, jinamanta jap'ikaporqanku chay cheqapi amorreokunaj jallp'asninkuta:

1 Samuel 23:4

Chaypacha Davidqa watejmanta Señorta tapullarqataj, Señortaj kay jinata nerqa: Rillayña Keilaman, noqataj chay filisteosta makisniykiman churasaj, nispa.