Éxodo 23:13 - Qheshwa Biblia DC

¹³ Tukuy kay ima nisqasniyta waqaychaychej. Ama jayk'ajpis waj dioskunaj sutinta mentankichejchu, ni simillaykichejwampis oqharinkichejchu.

DIOSPA QHELQACHISQAN DEUTEROCANONICAL

¹³ Tukuy kamachisqayta kasuychej. Ama jayk'ajpis waj dioskunaman k'umuykuychejchu, nitaj sutillankutapis oqharinkichejchu.

DIOSPA QHELQACHISQ

¹³ Tukuy kamachisqayta kasuychej. Ama jayk'ajpis waj dioskunaman k'umuykuychejchu, nitaj sutillankutapis oqharinkichejchu.

Éxodo 23:13 ပူးပေါင်းရင်းမြစ်များ

Salmos 16:4

Chay runasqa chaykunata tukuy sonqo qhatikunku. Noqaqa ni jayk'ajpis chaykunaman uywa wañuchisqasta jaywasajchu. Sutisnillankutapis simeyqa ni jayk'aj parlanqachu.

Salmos 39:1

Noqa nerqani: Allinta kausasaj, qalluywan ama juchachakunaypaj, simiyta wisq'asaj ñukuwan jina, sajra runas ñaupaqeypi kanankukama.

Éxodo 23:24

Ama chay runas jina imatachus ruwayta yachasqankutapis ruwankichu, ama dioskunasninkuman qonqorikunkichu yupaychanaykipaj, manachayqa tukuyninta chinkachinki mana ujniyojta, jinamanta chay lantisninkuta chay yupaychana rumisninkutapis t'unaranki.

Éxodo 23:32

Ama paykunawanqa ni ima tratota ruwankichu, nitaj dioskunasninkuwampis.

Jeremías 10:11

Qankuna, Israelitas, niychej lantista yupaychajkunaman: Chay dioskunaqa mana kay pachata, nitaj janaj patatapis ruwarqankuchu, chaykunaqa kay pachamanta chinkarenqanku, mana ujllapis janaj pachaj urampeqa qhepakonqañachu.

Oseas 2:17

Siminkumantataj qhechusaj, chay baalesmanta parlayta, ni jayk'aj sutillantapis oqharenqankuñachu.

Zacarías 13:2

Tukuy kaj jallp'api lantikunata phirisaj, sutisnintinta chinkachinaypaj jinamanta manaña pipis qhaparikunankupaj. Jinallatataj profetasninkuta chay jallp'amanta chinkachisaj, chantá millay espirituyoj kajkunatapis. Noqa Señor niykichej.

Efesios 5:12

Uj p'enqay pakaypi ruwasqasninkumanta parlayllapis.

Efesios 5:15

Allinta qhawakuychej imaynatachus purisqaykichejta, amataj mana yuyayniyoj wampus jinaqa, manachayrí, yachayniyojkuna jina.

Deuteronomio 12:3

Altaresninkuta thuñinkichej, yupaychana rumisninkuta p'akinkichej, yupaychana k'ullusninkuta ninawan q'olaykuchinkichej; dioskunasninkoj lantisnintarí p'akirankichej. Ajinamanta sutisninkupis manaña rejsisqasñachu kanqanku.

Deuteronomio 4:15

Señorqa mayk'ajchus Horeb orqopi nina lauraj chaupimanta parlapayamusorqachej, chaypacha qankuna mana rikorqankichejchu ima rijch'ajchus kasqanta. Chayrayku sumajta qhawakuychej ama urmanaykichejpaj.

Deuteronomio 4:23

Qankunataj amapuni qonqaychejchu Señor Diosniykichej qankunawan tratota ruwasqanta. Amapuni ima lantitapis ruwakuychejchu. Amataj ruwankichejchu, mayqenkunatachus Señor Diosniykichej mana munanchu ruwanaykichejta imaman rijch'akojllatapis chaykunatawan.

Deuteronomio 4:9

Ajina ari, qankunaqa allinta qhawakuychej, ama qonqapuychejchu imatachus rikusqaykichejta. Amataj jayk'ajpis chayqa tukuy kausayniykichejpi umaykichejmanta karunchakuchunchu. Aswampis wawasniykichejman allchhisniykichejman ima chayta willaychej.

Deuteronomio 6:1

Kaykuna kanku kamachiykunas, leyes, imachus ruwana, Señor Diosniykichej niwasqasnin qankunaman yachachinaypaj, chaykunata ruwanaykichejpaj ima jallp'atachus jap'ikunkichej chaypi.

1 Timoteo 4:16

Qan kikiykita qhawakuy, yachachisqaykitapis. Chaypi allinta sayay. Kayta ruwaspa qan kikiykita salvakunki, jinallataj uyarisojkunatapis.

Hebreos 12:15

Allinta qhawakuychej, pajtá pipis Diospa yanapayninmanta karunchakunman; pajtá ima jaya saphipis p'utumuspa onqochisunkichejman, chaynejtataj ashkhas onqoyta chimpachikunkuman.

Josué 22:5

Kunanqa kayllata mañakuykichej, kamachiykunata, Señorpa kamachin Moisés ima kamachiytachus qosorqachej chaykunata sumajtapuni junt'aychej. Niyta munani, Señor Diosniykichejta munakuychejpuni, ñankunasnintapuni puriychej, kamachisqasninta kasuychejpuni. Payta qhatiychejpuni, tukuy sonqowan, tukuy almawantaj kamachisusqaykichejta ruwaychej.

Josué 23:11

Chayrayku qankuna kikiykichejta allinta qhawakuychej, Señor Diosniykichejtataj munakuychejpuni.

Josué 23:7

Ajinamanta chaupiykichejpi waj runas tiyashankuraj chaykunawan amapuni chajrukunaykichejpaj, dioskunasninkuta ama yupaychanaykichejpaj, ama kasunaykichejpaj, ni chaykunamanta parlarillankichejpischu, nitaj qonqorikunkichejchu, nitaj chaykunaj sutimpi jurankichejchu.