Éxodo 14:4 - Qheshwa Biblia DC

⁴ Noqataj faraompa sonqonta rumiyachisaj qankunata qhatirimunasuykichejpaj. Chaypitaj atiyniyta rikuchisaj paypa patampi, tukuy soldadosnimpa patampiwan. Ajinamanta egipciosqa yachanqanku noqa Señor kasqayta. Israelitastaj chayta uyarispa kikinta ruwarqanku.

DIOSPA QHELQACHISQAN DEUTEROCANONICAL

⁴ Noqataj ujtawan faraonpa sonqonta rumiyachisaj, qankunata qhatiykamunasuykichejpaj. Chaypacha faraonta, jinataj soldadonkunata chinkachispa, noqa may atiyniyoj kasqayta rikuchisaj. Ajinamanta Egipto llajtayojkuna yachanqanku noqa Tata Dios kasqayta, nispa. Chantá Moisés ajinata paykunaman willasqanrayku israelitakunaqa Diospa kamachisqanta kasorqanku.

DIOSPA QHELQACHISQ

⁴ Noqataj ujtawan faraonpa sonqonta rumiyachisaj, qankunata qhatiykamunasuykichejpaj. Chaypacha faraonta, jinataj soldadonkunata chinkachispa, noqa may atiyniyoj kasqayta rikuchisaj. Ajinamanta Egipto llajtayojkuna yachanqanku noqa Tata Dios kasqayta, nispa. Chantá Moisés ajinata paykunaman willasqanrayku israelitakunaqa Diospa kamachisqanta kasorqanku.

Éxodo 14:4 ပူးပေါင်းရင်းမြစ်များ

Nehemías 9:10

Faraompa contrampi, jinataj kamachisnimpajpis, chay jallp'api tukuy runaspa ñaupaqempipis jatuchaj t'ukuna imasta qan rikucherqanki. Qan rikorqanki imaynatachus israelitasta wapu wapulla may llakiyta ruwasqankuta. Jinamantataj may jatun uyarisqa sutiyoj karqanki kunankama.

Éxodo 10:2

Chayta qan willanaykipaj wawasniykiman, allchhisniykiman ima, noqa egipcio runa ukhuspi, jatuchaj t'ukunasta ruwasqasniyta ima; ajinapi yachankichej noqamin Señorqa kasqayta.

Éxodo 10:27

Señorqa ujtawan faraompa sonqonta rumiyacherqa, israelitasta ama llojsejta saqenampaj.

Éxodo 12:28

Israelistastaj rispa tukuy imata ruwarqanku Señorpa kamachisqanman jina Moisesman Aaronmanwan.

Éxodo 14:23

Egipciostaj caballosninkupi, carrosninkupi ima israelistaspa qhepanta yaykuykorqanku, paykunata qhatiykuspa, marpa khuskanninkama.

Éxodo 14:25

Carrosninkoj ruedasnin urmararqa, umankupis muyusqa jina kajtin manaña ñaupajman riyta aterqankuchu. Chaymanta egipciosqa ninakorqanku: Ayqekunachej israelitaspa ñaupaqenmanta, Señor maqanakushan paykunapaj sayakuspa noqanchejpa contranchejta.

Éxodo 14:3

Faraonqa nenqa: Israelitasqa mana yachankuchu maymanchus rinankuta. Ch'in pampaspi chinkasqas jina kashanku, jark'asqas jinataj, nispa.

Éxodo 14:5

Chaykamataj Egiptomanta reyqa yacharqa israelitasqa ayqesqankuta. Faraonqa mayta phiñarikuspa, jinallataj kamachisnimpis, nerqanku: Imatataj noqanchej ruwashanchejri, imapajtaj israelitasta rejta saqerqanchejri, noqanchejpaj imatapis ruwananku kashajtinri?

Éxodo 14:8

Egipto rey faraompa sonqonta Señorqa rumiyacherqa, israelitasta qhatirinampaj, mana kasuspa israelitasqa chay jina atiywan llojsishajtinku.

Éxodo 18:11

Imaraykuchus paykunaqa may jinata ñak'arichisorqachej. Kunanqa yachani Señorqa aswan jatun atiyniyoj kasqanta tukuy dioskunamanta nisqaqa.

Éxodo 6:7

Noqa orqhokapusqaykichej: Qankunaqa aylluy kankichej; noqataj Diosniykichej kasaj. Chaypi qankunaqa yachankichej noqamin Señorqa, qankunaj Diosniykichej kasqayta, egipcios mayta ñak'arichispa llank'achisusqaykichejmanta, noqa qankunata orqhosqayta.

Éxodo 7:17

Chayrayku Señorqa nimusunki: Kaypi yachawanki noqa Señor kasqayta: Kay tojnuywan kay mayupi kashaj yakuta wajtasaj, yakutaj yawarman tukonqa.

Éxodo 7:3

Noqataj faraompa sonqonta rumiyachisaj, astawantaj ashkhayachisaj may t'ukunasta ruwayta, milagrostawan ruwayta Egipto jallp'api.

Éxodo 7:5

Chaymantaraj Egiptopi atiyniyta rikuchejtiy, egipciosqa yachanqanku noqa Señorqa kasqayta, paykunaj chaupinkumanta israelitasta orqhomusqaymanta.

Éxodo 9:16

Chaywampis cheqamanta churayki, qampi atiyniyta rikuchinaypaj, qannejta sutiy willasqa kanampaj tukuy mundontimpi.

Ezequiel 20:9

Chay tukuywampis, sutiyrayku chay yuyasqayta saqerqani. Paykuna kasharqanku chay llajtasniyoj runakuna rejsiwarqanku, paykunaj ñaupaqempi ama p'enqaypi rikhurinayrayku, paykunata Egiptomanta orqhorqani.

Ezequiel 32:15

Egipto llajtata ch'in pampaman tukuchisaj, jallp'asnintataj mana runayojta, nitaj imayojta saqejtiy, chaypacha noqa Señor kasqayta yachanqanku.

Ezequiel 38:16

Llojsimunkitaj Israel aylluypa contrampi, yana phuyus jina jallp'ata urphuykuspa. Chay qhepa p'unchaykunapi pusamusqayki jallp'aypa contrampi, waj jallp'asmanta kaj runas qannejta noqata rejsinawankupaj, llimphu kayniyta noqa rejsichisaj ñaupaqenkupi chaypacha.

Ezequiel 38:23

Ajinamanta sut'inchasaj may jatun kasqayta, nitaj llimphu kasqayta. Rejsisqa kasaj ashkha runaspa ñaupaqempi, yachanqankutaj noqa Señor kasqayta.

Ezequiel 39:13

Tukuy runas ayasta p'ampaspa kanqanku chay p'unchaykunapi. Chay p'ampajkunapajtaj uj may jatun p'unchay kanqa, noqa jatun k'anchayniypi rikhurikusaj chaypacha, nin Señorqa.

Levítico 10:3

Chaymantataj Moisesqa Aaronman nerqa: Kaytamá Señorqa niyta munarqa kay jinata nishaspa: Noqaman qayllamuwajkunamanqa llimphu kayniyta rikuchisaj. Tukuynin israelitasman jatun lliphipiyniyta rikuchikusaj, nispa. Aaronqa ch'inlla karqa.

Romanos 11:8

Escribisqa kasqanman jina, Dios paykunaj yuyayninkuta pejtorqa; qorqataj mana rikoj ñawista, mana uyarej ningrista ima kunan p'unchaykama.

Romanos 9:17

Escriturapi faraonman nerqa: Kaypajmin qantaqa sayaricherqayki, qampi atiyniyta rikuchinaypaj, sutiytaj tukuynej jallp'api willasqa kanampaj.

Romanos 9:18

Ajinapeqa pitachus Dios khuyayta munan, chayta payqa khuyan. Pejpa sonqontachá rumiyachiyta munan, chayta rumiyachin.

Josué 11:20

Imaraykuchus Señorpuni chay llaytayoj runaspa sonqosninta rumiyacherqa, israelitasman sumajta ch'ajwapi sayaykunankupaj, jinamanta atipaspa chinkachinankupaj mana khuyakuspa, imaynatachus Señorqa Moisesman kamachisqanman jina.

Jueces 4:7

Jabimpa soldadosnin kamachej Sisarata noqa jamuchisaj soldadosninwan, carrosninwan ima, Cisón wayq'okama qankunawan maqanakunampaj. Noqataj makiykiman paykunata jaywasqayki!