Éxodo 1:10 - Qheshwa Biblia DC

¹⁰ Chayrayku kunan noqanchejqa sumajta qhawakuspa imatapis ruwananchejpuni tiyan, paykuna ama astawan miranankupaj. Manachayqa mayk'aj guerra kajtin, enemigosninchejman kutikuspa maqawasunchej, jinaspataj riponqanku.

DIOSPA QHELQACHISQAN DEUTEROCANONICAL

¹⁰ Chayrayku, imatachus ruwananchejta yuyaychakunanchej tiyan, amaña paykuna astawan miranankupaj. Mana jinata ruwasunman chayqa, imaynapi maqanaku kajtin, israelitakunaqa awqanchejkunaman k'askapuspa, contranchejpi sayaykuwasunman. Jinaspataj, suyunchejmanta ripunkuman, nispa.

DIOSPA QHELQACHISQ

¹⁰ Chayrayku, imatachus ruwananchejta yuyaychakunanchej tiyan, amaña paykuna astawan miranankupaj. Mana jinata ruwasunman chayqa, imaynapi maqanaku kajtin, israelitakunaqa awqanchejkunaman k'askapuspa, contranchejpi sayaykuwasunman. Jinaspataj, suyunchejmanta ripunkuman, nispa.

Éxodo 1:10 ပူးပေါင်းရင်းမြစ်များ

Job 5:13

Pay ch'ipaykun sajra yuyayniyojkunata sajra yuyaynillankuwantaj, sajrata ruwanankupaj wakichisqankuta manakajman tukuchin.

Salmos 10:2

Sajra runaqa, phiñakuspa wapu wapu kayninwan, wajcha runata llakichin. Pay kikin tojlla churasqampi ch'ipaykuchikonqa.

Salmos 105:25

Diosninchejqa egipciospa sonqonta uj jinayacherqa, ayllunta chejninankupaj, Diospa runasnimpaj contranta sajrata yuyanankupaj.

Proverbios 1:11

Ichapis nisonqanku: Noqaykuwan jaku rinachej; tojllata churanachej mana juchayojta chaypi wañuchinapaj.

Proverbios 16:25

Ñankunas tiyan; chaykuna runapajqa cheqanman rijch'akunku, chaykunaj tukukuynimpirí wañuylla kashan.

Proverbios 21:30

Señorpa rikuynimpeqa mana yachayqa kanchu, ni sumaj yuyay, nitaj sumaj yuyaychakunaspis.

Números 22:6

Kunampacha usqhayta jamuy ari, kay runasta maldicinaykipaj, imaraykuchus noqamanta aswan atiyniyoj runas kanku. Ichapis qan maldicejtiyki atipayman, qharqoymantaj kaymanta. Noqa yachani qampa maldicisqayki, chayri bendicisqaykeqa ruwakumpuni, nispa.

Hechos 23:12

Q'ayantin paqarintaj wakin judíos, tantakuspa yachachinakusqanku, mana imata mikhunankuta, nitaj ujyanankuta, Pablota wañuchinankukama.

Hechos 7:19

Chay reytaj ñaupa tatasninchejta chejnispa, manchayta ñak'aricherqa. Chayrayku kamacherqa nacisqa qhari wawitasninkuta wijch'umunankuta ama kausanankupaj.

1 Samuel 29:4

Chay filisteospa kurajkunasninkutaj Aquispaj phiñakuspa nerqanku: Kunanqa kachapuy maypichus jallp'ata qorqanki chayman, amataj maqanakuman noqanchejwan richunchu, pajtataj kikin maqanakupi enemigosninchejman kutiykukunman. Davidqa, reyninman allinta rijch'ayta munaspa, kay soldadospa umasninta qholusqasta rikuchiyta munanqa!