Esdras 9:8 - Qheshwa Biblia DC

⁸ Jinallataj kunanqa Señor Diosniyku, khuyakuyniykiman jina ruwakun uj puchoj llajta masiyku kacharisqa kananta, qampaj t'aqasqa jallp'api wasita ruwakunaykupaj. Qanqa mosoj k'anchayta rikuchiwarqayku, uj pisi kusisqa kausayta qoshawayku jap'isqa kausanayku chaupipi.

DIOSPA QHELQACHISQAN DEUTEROCANONICAL

⁸ Kunantajrí, Tata Diosniyku, khuyakuyniykiman jina munarqanki puchoj israelitakuna kacharichisqa kanaykuta, qanpaj t'aqasqa jallp'api tiyakunaykupaj. Wata runa kanamanta samarichiwayku, sonqoykutapis kawsarichiwayku.

DIOSPA QHELQACHISQ

⁸ Kunantajrí, Tata Diosniyku, khuyakuyniykiman jina munarqanki puchoj israelitakuna kacharichisqa kanaykuta, qanpaj t'aqasqa jallp'api tiyakunaykupaj. Wata runa kanamanta samarichiwayku, sonqoykutapis kawsarichiwayku.

Esdras 9:8 ပူးပေါင်းရင်းမြစ်များ

2 Reyes 19:4

Ichapis Señorqa uyarinña, chay kuraj kamachejpa parlasqasninta, pitachus wiraqochin Asiriamanta reyqa kachamorqa, kausaj Diosmanta sajrata parlanampaj. Señor Diosniykeqa chay ch'ichi palabrasninta uyarispa jasut'ichun. Kunanqa kaypi qhepakojkunarayku Diosmanta mañay ari.

Esdras 9:9

Jap'isqapis kashajtiyku, mana saqewarqaykuchu presochasqa kashajtiyku. Khuyakuyniykita rikuchiwarqayku Persiapi kaj reypa ñaupaqempi. Qan kausayta qowarqayku, qanta yupaychana urmasqa wasiykita watejmanta ruwanaykupaj. Judapi jinallataj Jerusalempipis waqaychawarqayku.

Nehemías 1:11

Mañarikuyki ari Señorníy, mañakususqayta uyarinawaykita, kamachisniyki qhaparikamususqaykutapis, paykunaj k'ata munayninkoqa qampa sutiykita jatunchaylla. Mañakullaykita tukuy imapi allin rinawanta, jinallataj reypa khuyakuyninta tarinayta, nispa. Noqaqa Artajerjespa ujyanasninta wakichejnin karqani.

Nehemías 9:31

Chaywampis jatun khuyakuyniykirayku mana paykunataqa tukuyninkutachu tukucherqanki, nitaj saqerparerqankichu; khuyakoj Dios, munakuyniyojtaj kasqaykirayku.

Job 33:30

wañuymanta runataqa salvan, k'anchayta rikojta saqenraj.

Salmos 13:3

Señor Diosníy, qhawaway, ñawisniyta qhawariway, uyariwaytaj. Ñawisniyman k'anchaywan junt'achiy, ama wañuypi puñukapunaypaj.

Salmos 13:4

Enemigosniytaj ama niyta atinankupaj, “atipani” nispa! Ama kusikuchunkuchu mana allin riwajtenqa!

Salmos 138:7

Llakiy chaupipi rikukojtiy, qan kausayta qollawankipuni; atiyniykiwan salvawanki, jinallataj enemigosniypa phiñakuyninmantapis.

Salmos 34:5

Señorta qhawajkunaqa, manchay kusisqas kanku. Ni jayk'ajpis k'akeqa qhepakunmanchu.

Salmos 85:6

Manachu watejmanta kausayta qowasqayku, aylluyki qanrayku kusikunampaj?

Proverbios 29:13

Ñak'arisqa kajwan, ñak'arichejwanqa uj rejlla kanku, Señorqa iskayninkoj ñawisninta k'ancharichin.

Eclesiastés 12:11

Yachayniyojkunaj palabrasnenqa wach'ina jina. Yachachejkunaj palabrasnin tantasqasqa tantakojtinku ch'akarpu jina sumaj takasqa, uj sumaj michejpa churasqampis kanman jina.

Isaías 1:9

Manachus Tukuy Atiyniyoj Señor noqanchejmanta wakinkunata qhepachinman karqa chayqa, kunampacha kashasunman karqa Sodoma jina, Gomorra jinataj.

Isaías 14:3

Israel ayllu, maypachachus Señor samarikuyta qosojtin chay jinata ñak'arisqaykimanta, phutikusqaykimanta, chay jina sinch'i llank'aymanta ima, chaypachaqa, kay jina asikuna palabrasta Babilonia reypa contranta ninki: Qhawariychej ñak'arichejqa imapichus rikhurisqanta, runaykachajqa imaynatachus tukukusqanta.

Isaías 56:5

noqa wasiypi uj cheqata qosaj, perqaswan muyuykuchisqata, churismanta, ususismantapis aswan sumaj sutita qosaj. Chay sutitaqa wiñaypaj qosaj ama jayk'aj chinkanampaj. Karu llajtayojkuna Señorta qhatejkunaman, Señorpa sutinta munakojkunaman, samakuna p'unchayta sumajta waqaychajkunaman, trato ruwasqayta mana p'akejkunaman ima, noqa paykunata Santo orqoyman pusasaj, Diosmanta mañakuna wasiypi paykunata kusichisaj, uywa wañuchisqankuta ruphachinankupaj altarniyman apamusqankutaqa jap'isaj. Waseyqa Diosmanta mañakuna wasi sutichasqa kanqa tukuy aylluspaj.

Isaías 57:15

Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.

Isaías 6:13

Sichus chunkamanta ujllapis qhepakunman, chaypis chinkachisqallapuni kanqa. Imaynatachus roble sach'ata, encina sach'atapis k'utojtinchej k'ullullanña qhepakun, ajinata qhepakonqa chay ajllasqay aylloqa.

Jeremías 42:2

Profeta Jeremiasman qayllarqanku, nerqankutaj: Uj imata mañakuyku: Ama qhesachawaykuchu. Kay pisi p'unchaykunapaj Diosniykimanta mañapuwayku. Ñaupajta ashkhas karqayku. Kunantaj uj chhikallaña puchurpariyku kay imaynatachus rikunki ajinata, chayman jina Señor Diosniyki yachachinawaykupaj, ima ñantachus qhatinaykuta, imatatajchus ruwanaykuta.

Jeremías 44:14

Puchoj judíos, Egiptoman tiyakoj ripojkunamanta mana ujllapis ayqeyta atenqankuchu Judaman mayta kutipuyta munashaspapis. Jinamanta manapuni tiyakapoj kutiponqankuchu, manachayqa pisislla chay ayqekojkunamanta kutenqanku.

Ezequiel 14:22

Chaymanta pisilla kausashaj qhepakonqanku, qhari wawasninkuwan, warmi wawasninkuwan llojsiyta atenqankutaj. Qankunajman paykuna jamusojtinkutaj qankuna rikunkichej, imaynatachus kasqankuta, imastatajchus ruwasqankuta. Chantá kusikunkichej Jerusalenman jasut'ita apachimusqaymanta.

Oseas 6:2

Uj ratollapi kausayninchejta kutichipuwasunchej, sayarichiwasunchej ñaupaqempi kausananchejpaj.

Habacuc 3:2

Qanmanta uyarisqasniy, ruwasqasniykimantapis yachasqasneyqa, astawan manchachiywan ñaupaqeykipi apawan. Kunan ruwallaytaj, kausayniykupi chay ñaupa tiempospi jina ruwasqasniykita, jinamanta noqaykupis chay ruwasqasniykita rejsinaykupaj. Ajinamanta, chay phiñakuyniykipi rikuchiwayku khuyakuyniykita.

Sofonías 3:12

Noqa saqesaj qankuna ukhupi llamp'u sonqoyoj runasta, pisi kapuyniyoj runastapis. Paykunataj sutiypi confianzankuta churanqanku.

Zacarías 10:4

Paykunamanta llojsenqa Esquina Rumi, Toldo estacapis, maqanakupaj Arcopis. Paykunamanta llojsenqanku maqanakupaj sinch'i runaspis.

Zacarías 8:12

Imaraykuchus sonqo tiyasqallapi kausakoyqa paykuna ukhupi tarpusqa kanqa. Uvas chajraspis poqonqanku tukuy jallp'api kaj chajraspis poqollanqankutaj, janaj pachapis tukuy jallp'ata chhullachenqa. Noqataj chayta qopusaj chayaqenkupaj jina kay ayllumanta tukuy qhepakojkunapaj.

Zacarías 8:6

Jaqay tiempopeqa aylluymanta puchojkunapajqa, mana ni jayk'aj atikunampaj jinachu karqa. Chayqa noqaman tukuy ima allimpuni rijch'awarqa. Noqa Tukuy Atiyniyoj Señor chayta nini.

Romanos 9:27

Israelitasmanta Isaías nerqa: Israelitaspa mirayninchus mar qochaj t'iyun jina kanman chaypis, chaykunamanta pisi puchojkunalla salvasqas kanqanku.

Apocalipsis 3:12

Atipajtaqa uj pilarta jina sayachisaj Diosniypa wasimpi, ama jayk'aj jawaman llojsinampaj, Diosniypa sutintataj paypi escribisaj, Diosniypa llajtampa sutintawan. Chayqa mosoj Jerusalén. Chaytaj janaj pachamanta uraykamun, Diosniypamanta, mosoj sutiywantaj.

1 Samuel 14:27

Jonatantaj mana uyarisqachu tatan soldadosta jurachisqantaqa. Makimpi jap'isharqa chay tojnu puntanwan chhapurispa misk'ita mikhorqa, chaywantaj kallpacharikorqapacha.

1 Samuel 14:29

Jonatantaj kuticherqa: Tatayqa tukuynin llajtata llakiyman churan. Qhaway, imayna kallpachasqataj kashani chay uj chhikan misk'ita llamirispalla.