Esdras 9:1 - Qheshwa Biblia DC

¹ Kay imas tukukojtintaj, kurajkuna qayllaykamuwarqanku israelitas, sacerdoteswan, levitaswan ima ninawampaj: Kay jallp'api kaj runakunamanta mana t'aqakunkuchu: Cananeosmanta, hititasmanta, fereseosmanta, jebuseosmanta, amonitasmanta, moabitasmanta, egipciosmanta, amorreosmanta, ima. Paykunaqa kay runaspa millay ruwanasninta ruwanku.

DIOSPA QHELQACHISQAN DEUTEROCANONICAL

¹ Chaymanta qhepaman kurajkunaqa qayllaykamuwaspa, niwarqanku: Israelitakuna, sacerdotekuna, levitakuna ima, kay cheqakunapi tiyakoj runakunawan chhapuykukunku, manataj t'aqakunkuchu cananeokunamanta, jititakunamanta, ferezeokunamanta, jebuseokunamanta, amonitakunamanta, moabitakunamanta, Egipto llajtayojkunamanta, amorreokunamanta ima. Chantá kay llajtayojkunaj millay ruwasqankuta ruwallankutaj.

DIOSPA QHELQACHISQ

¹ Chaymanta qhepaman kurajkunaqa qayllaykamuwaspa, niwarqanku: Israelitakuna, sacerdotekuna, levitakuna ima, kay cheqakunapi tiyakoj runakunawan chhapuykukunku, manataj t'aqakunkuchu cananeokunamanta, jititakunamanta, ferezeokunamanta, jebuseokunamanta, amonitakunamanta, moabitakunamanta, Egipto llajtayojkunamanta, amorreokunamanta ima. Chantá kay llajtayojkunaj millay ruwasqankuta ruwallankutaj.

Esdras 9:1 ပူးပေါင်းရင်းမြစ်များ

Génesis 15:16

Tawa mita qhepata mirayniykeqa kay jallp'aman kutimullanqataj; imaraykuchus amorreospa sajra ruwaynenqa manaraj kaykamaqa chhikapunichu.

1 Reyes 11:1

Rey Salomonqa Faraompa wawan karqa chay warminmanta waj llajtayojkuna ashkha warmistawanraj munakorqa: amonitasta, moabitasta, edomitasta, sidoniasta, hititastawan ima; chay runasmanta Señorqa israelitaspa wawasninman nerqa: Ama paykunawanqa chajrukunkichejchu, nitaj paykunapis qankunawan chajrukamusonqachejchu; imaraykuchus paykunaqa dioskunasninkuman sonqosniykichejta aysasonqachej. Chaywampis Salomonqa chay warmiswan chajrukorqa paykunata munakuspa.

2 Crónicas 33:2

Payqa Señorpa naupaqempi sajra imasta ruwarqa, chay waj nacionespi millay ruwasqasninkuman jina; chaykunatarí Señorqa israelitaspa ñaupaqenmanta wijch'orqa.

2 Crónicas 8:7

Chay jallp'api tiyakojkuna hititasmanta, amorreosmanta, heveosmanta, fereseosmanta, jebuseosmanta ima qhepa kajkunata, paykunaqa mana israelitaschu karqanku.

Esdras 10:2

Chaypacha Jehielpa wawan Secanías, Elampa mirayninmanta ima, Esdrasman parlarqa, nerqataj: Noqaykoqa Diosninchejpa contrampi juchalliyku, imaraykuchus lantista yupaychaj waj llajtasmanta kaj warmiswan casarayku. Chay tukuywampis Israelpajqa suyariy kanraj.

Esdras 10:8

Sichus paykuna kinsa p'unchay junt'api mana chayamunkumanchu, kurajkunaj nisqankuman jina, chanta yuyaychajkunaj nisqankuman jinataj, jallp'ankutapis qhechuchikuspa chaykunaqa presochasqas kutirimojkuna ukhumanta wijch'usqas kanqanku.

Nehemías 13:23

Ajinallatataj chay diaspi rikorqani wakin judiosmanta kajkuna waj llajtayoj warmiswan casarasqankuta. Chaykuna karqanku Asdodmanta, Amonmanta, Moabmanta ima.

Nehemías 4:3

Sanbalatpa ladompitaj amonita Tobías kasharqa, paypis nillarqataj: Chay jawaqa, qhawariychej chay perqa ruwasqankuta: Uj atojllaraj chay pataman wicharispa, urmaykuchinman!

Nehemías 4:7

Jerusalén perqa watejmanta oqharikushasqanta, chay q'asasnintaj wisq'akushasqanta yachaspa mayta phiñakorqanku Sanbalat, Tobías, árabes, Amonmanta kajkuna, Asdodmanta kajkunapiwan.

Nehemías 9:2

Chay mana israelitas kajkunamanta t'aqakuspaña sayaykukuspa sapa ujpis juchasninkuta, jinataj ñaupa tatasninkoj juchasninkutapis Diosman willakorqanku.

Salmos 106:35

Astawampis paykunaqa Diosta mana rejsej runaswan chajrukorqankuña, ususninkutataj ruwarqanku.

Éxodo 13:5

Kay kikin killallapitaj yuyarikuspa qhochukuta Señorman ruwankichej, maypachachus Señor yachachisonqachej lechewan misk'iwan phullchisaj chay jallp'aman chaypacha; mayqen jallp'amantachus Señorqa orqhonqa cananeosta, heteosta, amorreosta, heveosta, jebuseosta ima. Chay jallp'ata Señorqa juraspa nerqa tatasniykichejman qonanta.

Éxodo 23:23

Angelniy qampa ñaupaqeykita renqa, chayachisonqataj amorreoj jallp'anman, heteojpaman, ferezeojpaman, cananeojpaman, heveojpaman, jebuseojpaman ima, mayqenkunatachus noqa chinkachisaj mana ujniyojta.

Éxodo 33:16

Imapitaj yachakonqa qampi khuyakuyniykita tarisqayri, jinallataj israelita runasniyki imari? Manachu yachakonqa qan noqaykuwan purisqaykipi, manachu chanta yachakullanqataj noqata, israelita runasniykita ima kay mundopi tukuy laya runasmanta wajllaman t'aqawasqaykupi?

Isaías 52:11

T'aqakuychej, llojsimuychej Babiloniamanta, ama ch'ichi imastaqa llankhaychejchu. Paykunaj chaupinkumanta llojsimuychej; llimphuchakuychej Diospa imasninta apajkuna.

Jeremías 26:10

Judá ayllumanta kurajkuna, imachus kasqanta uyarispa, reypa palacionmanta Diosta yupaychana wasiman rerqanku, chaypitaj chay mosoj punku nisqapi tiyaykukorqanku.

Jeremías 26:16

Chanta chay kurajkuna, tukuy llajtamanta kuraj runaspis sacerdotesman, jinataj profetasmampis nerqanku: Mana imapis kanchu kay runata wañuyman apanapaj jinaqa; payqa Señor Diosninchejpa sutimpi parlawarqanchej, nispa.

Levítico 18:3

Egiptopi maypichus qankuna tiyakorqankichej, imastachus paykuna ruwanku chaykunata ama ruwankichejchu. Mayqenmanchus pusasqaykichej chay Canaán sutiyoj jallp'aj ususnintapis ama ruwankichejchu, nitaj kamachiykunasnintapis ruwankichejchu.

Malaquías 2:11

Judaqa mana kausanchu Diospa nisqanta junt'aspa, Jerusalempitaj ruwakun millay ch'ichi imas, Israelpipis kikillantaj. Judaqa p'akin Señor munakun chay templopi llimphu kausayta. Judapi tiyakoj qharistaj llulla dioskunata yupaychaj warmiswan casarakunku.

Números 23:9

Kay chhanka patamanta paykunata rikuni, kay orqo patamanta paykunata rikushani. Kay runasqa sapallanku tiyakunku, tukuy runasmanta waj jina runas kanku.

Números 25:6

Chaypachapuni uj israelitaqa madianita warmita jaraman pusaykorqa; Moisespa rikunanta, tukuy israelitas tantakuspa Dioswan tinkukuna toldo punkupi waqarashajtinku.

Deuteronomio 18:9

Maypachachus yaykunkichej Señor Diosniykichej qosonqachej chay jallp'aman, ama chaypi kaj runas jina millaykunata ruwayta yachakunkichejchu.

Deuteronomio 23:8

Chaykunamantaqa kinsa mitamanta qhepaman kajkuna Señorpa tantakuyninman yaykuyta atenqanku.

Deuteronomio 7:1

Señor Diosninchejqa pusasonqachej maypichus jallp'ata jap'ikunkichej chayman. Ñaupaqeykichejmanta Señor qharqonqa qanchis jatuchaj nacionesta, qankunamanta aswan jatun atiyniyojta: Hititasta, gergeseosta, amorreosta, cananeosta, fereseosta, heveosta, jebuseosta ima.

Josué 23:12

Sichus qankuna ukhupi qhepakunkuraj chay runaswan chajrukunkichej, chaykunawantaj casarankichej, paykunawan ujllaman tukuspa, paykunapis qankunawan chayqa, yachanaykichejpaj Señor Diosniykichejqa qankunawan kashan chay runasta mana qharqonqachu, manachayqa paykunata churanqa waskhata jina chaypi layk'ukuspa urmanaykichejpaj, chicoteta jina wasasniykichejpi jasut'isunaykichejpaj, khishkata jina ñawisniykichejpi t'ojsisunaykichejpaj ima, kay chhika sumaj jallp'ata Señor Diosniykichej qosusqaykichejmanta mana ujniyoj chinkanaykichejkama.