Esdras 8:21 - Qheshwa Biblia DC

²¹ Chay qhepata Ahavá mayu qayllapi ayunota ruwanaykuta nerqani juchasniykumanta Diosniykoj ñaupaqempi k'umuykukunaykupaj, paymanta mañakunaykupaj, allillanta pusanawaykuta, familiasniykuta, jinallataj tukuy kapuwajniykutapis.

DIOSPA QHELQACHISQAN DEUTEROCANONICAL

²¹ Chay qhepata Ahava mayu qayllapi tukuyninku ayunanaykuta kamacherqani, Diosniykoj ñawpaqenpi k'umuykukunaykupaj. Diosmanta yanapata mañakorqayku allillanta pusanawaykupaj, jinallataj aylluykuta, tukuy tiyapuyniykutapis waqaychananpaj.

DIOSPA QHELQACHISQ

²¹ Chay qhepata Ahava mayu qayllapi tukuyninku ayunanaykuta kamacherqani, Diosniykoj ñawpaqenpi k'umuykukunaykupaj. Diosmanta yanapata mañakorqayku allillanta pusanawaykupaj, jinallataj aylluykuta, tukuy tiyapuyniykutapis waqaychananpaj.

Esdras 8:21 ပူးပေါင်းရင်းမြစ်များ

2 Crónicas 20:3

Josafatqa manchachikorqa, Señormantaj k'umuykorqa payta tapurinampaj. Tukuy Judá ayllumantaj kamacherqa ayunanankuta.

2 Crónicas 20:4

Judamanta kajkunataj tantakorqanku Señormanta yanapata mañarikunankupaj. Tukuynin Judá llajtamanta runastaj chayamorqanku Señormanta yanapata mañakunankupaj.

Esdras 8:15

Noqa Esdras tukuyninkuta tantaykorqani Ahava nisqa llajtaman mayu jamushan chaynejpi. Chaypitaj kinsa p'unchay junt'ata jarakorqayku. Maypachatajchus runasta jinataj sacerdotesta waturerqani chaypacha, paykuna ukhupitaj levitakunamanta ni mayqentapis tarerqanichu.

Esdras 8:31

Ahava mayumanta purirerqayku, ñaupaj kaj killapi chunka iskayniyoj p'unchay kashajtin Jerusalén cheqaman rinaykupaj. Diosniyku yanapawarqayku, waqaychawarqaykutaj ñampi sajra runakunamanta wañuchinawaykupaj wateqajkunamantawan.

Nehemías 9:1

Israelitasqa chay kikin killallapitaj iskay chunka tawayoj p'unchaykunasnimpi tantakorqanku ayunanankupaj; qhashqa p'achastataj churakorqanku, jinataj jallp'atapis umankuman jich'akorqanku.

Ester (hebreo) 4:16

Qanqa mashkhachus Susa llajtapi judíos tarikunku chaykunata tantaykuy, noqaraykutaj ayunaychej kinsa diasta, tuta p'unchay ama mikhuychejchu, nitaj ujyaychejchu, noqapis kay kamachisniy sipaskunawan ayunallasqaykutaj; chaymantaraj reypaman yaykusaj, amapis leyman jinachu kachun. Wañunay kanqa chaypis wañusaj.

Salmos 137:1

Babilonia mayus qayllapi tiyaykukuspa, Sionmanta yuyarikuspa waqaj kayku.

Salmos 5:8

Enemigosniyrayku, Señor, cheqan ruwayniykiman jina purichiway, cheqan ñanniykitataj pusaway.

Salmos 5:9

Paykuna llullakullankupuni. Sonqonkupeqa sajrallata yuyanku. Mallq'ankoqa kicharisqa sepultura jina, misk'ita parlaspapis mana cheqantachu ninku.

Salmos 8:2

Juch'uy wawas ñuñojkunapis atiyniykita qhaparinku. Chay qhaparisqaykutawanqa, qan enemigosniykoj ñaupaqempi jark'anata sayachinki, chejnisojkunata, contraykipi oqharikojkunatawan ch'inyachinaykipaj.

Proverbios 3:6

Tukuy ima ruwasqaykipi Señormantaqa yuyarikuy. Paymin pusasonqa cheqan ñantaqa.

Isaías 30:21

Chantaqa wasaykipi kay palabrasta nishajta uyarinki: Kaymin cheqan ñanqa; chayninta riy, ama pantaychu pañaman, nitaj lloq'emampis.

Isaías 35:8

Chaypi kanqa uj sumaj ñan, sutintaj kanqa Santo ñan. Chayta juchayoj runaqa manapuni renqachu, nitaj ima wampu runapis chay ñantaqa pantanqachu.

Isaías 42:16

Ciegosta pusasaj mana rikusqanku ñanta, mana rikusqanku chaki ñankunasninta purichisaj. Ñaupaqenkupi laqhayayta k'anchayman tukuchisaj. Mana puriy atina kajtapis pampaman tukuchisaj. Kay imasta noqaqa ruwasaj, mana saqeraspa.

Isaías 49:10

Mana yarqhachikonqankuchu nitaj ch'akichikonqankuchu, manataj q'oñipis, intipis llakichenqachu; imaraykuchus munakuyniywan paykunata pusaykachanqa, maykunamantachus yaku phullchimushan chaykunaman.

Isaías 58:3

Imaraykutaj ninkichej: Noqaykoqa ayunayku, qantaj mana qhawariwaykuchu; noqaykoqa sonqoykuta llamp'uyachiyku, qantaj mana uyariwaykuchu, nispari? Qankunaqa ayunashaspa munasqaykichejta ruwankichej, chay p'unchaypipuni peonesniykichejtapis astawan llank'achej tukunkichej.

Isaías 58:5

Noqaqa ajinatachu ayunota ruwanaykichejta munarqani, runa llakisqa kasqanta rikuchinan p'unchaypi? Qankunapajqa niytachu munan totora qhora jina k'umuykunata, chayri qhashqa p'achata churakuspa ushpha patapi puñunata? Chaytachu qankunaqa ayuno nispa sutichankichej, Señorpajtaj allin kananta yuyankichej?

Jeremías 10:23

Señor, yachani runaqa kausayninmanta mana dueñochu kasqanta, nitaj kausaynimpi maymanchus rinantapis kamachiyta atisqanta.

Daniel (hebreo) 9:3

Señor Diosman k'umuykukorqani majakuspa, mañakuspa, ayunakuspa ima. Qhashqa p'achata churakuspataj ushphas patapi tiyaykukorqani.

Joel 1:14

Runasta tantarqamuychej, ayunomantataj paykunaman willaraychej. Señor Diosninchejpa templompi tantaykuychej kurajkunasta, kay llajtapi tiyakoj tukuynin runastawan, Señormantataj qhaparikuychej.

Levítico 16:29

Kay kamacheyqa qankunapaj wiñaypaj kanqa: Qanchis kaj killapi chunka días kashajtin sinch'itapuni tukuy sonqoykichejpi llakikunkichej ayunankichejtaj. Chay p'unchaypeqa ni imata ruwankichejchu, ni kikin llajtayoj israelitas, nitaj karu llajtayojkuna qankunawan tiyakojkunapis.

Levítico 16:31

Kay kamacheyqa wiñaypaj kanqa. Chay p'unchay qankunapajqa uj sumaj samarina p'unchay kashan. Chaypi sinch'itapuni sonqoykichejpi llakikunkichej ayunankichejtaj.

Levítico 23:29

Pichus chay p'unchayta mana allimpajchu qhawanqa ayunaspa chayqa, pipis kachun ayllusnin ukhumanta chinkachisqa kanqa.

Jonás 3:5

Chay llajtapi tiyajkunataj Diospi creerqanku, qhaparikorqankutaj ayunota ruwaspa, llakiy p'achastataj churakorqanku jatunmanta juch'uykama.

Jonás 3:7

Chaymanta reyqa, yanapajkunasnin kurajkunawan tukuy chay llajtaman rejsicherqanku uj kamachiyta, kay jinata: Mana pipis mikhunanchu tiyan, nitaj uywaspis: Ovejas, wakaspis. Chaykunamampis ama qarankichejchu, nitaj yakuta ujyachinkichejchu.

Números 14:3

Imapajtaj Señorqa kayman pusamuwarqanchejri? Maqanakupi wañunanchejpajchu? Warmisninchej, wawasninchej ima enemigosninchejpa makisninman presos urmanankupajchu? Chaypajqa allin kanman Egiptoman kutipunanchej.

Números 14:31

Juch'uy wawasniykichejta enmemigosniykichejpa makinman urmanankuta nerqankichej, chaykunallata chayachisaj qankunaj qhesachasqaykichej chay jallp'aman, paykuna chaypi tiyakonqanku.

Hechos 2:39

Diosqa nerqa Santo Espirituta qankunaman qonanta, wawasniykichejman, tukuy karu llajtaspi kajkunamampis, pikunatachus Dios wajyan chaykunamanwan.

Jueces 20:26

Chaypacha Israelmanta tukuy soldados tukuy Israel ayllupis watejmanta Betelman rillarqankutaj Señorpa ñaupaqempi waqamunankupaj. Chaypitaj tukuy p'unchayta mana mikhusqas karqanku, chanta Señorman jaywarqanku q'olachinasta, chantá allinyakuna jaywanastawan.

1 Samuel 7:6

Israel aylloqa Mizpa llajtapi tantakorqa, chaypitaj yakuta orqhospa Señorpa ñaupaqenman jich'arqanku. Chay tukuy diaqa ayunarqanku, nerqankutaj: Señorpa contranta juchallikuyku. Chay Mizpa llajtapimari Samuelqa israelitasta kamachinampaj churasqa karqa.