Esdras 7:25 - Qheshwa Biblia DC

²⁵ Qantaj Esdras, Diosniyki yachayta qosunki chayman jinaqa, juecesta churay, kamachejkunatawan, Eufrates mayoj chimpampi kaj tukuy runasta cheqanchanankupaj, Diosniykej leyninta yachanku chaykunata. Manaraj yachankuchu chaykunamantaj yachachiy.

DIOSPA QHELQACHISQAN DEUTEROCANONICAL

²⁵ Qantaj Esdras, Diosniyki yachayta qosusqanman jina juezkunata churay, kamachejkunatawan, Éufrates mayoj chimpanpi tiyakojkunapaj justiciata ruwanankupaj, pikunachus Diosniykej kamachisqanta yachanku, chaykunapaj. Pikunachus manaraj yachankuchu, chaykunamantaj Diospa kamachisqanta yachachiy.

DIOSPA QHELQACHISQ

²⁵ Qantaj Esdras, Diosniyki yachayta qosusqanman jina juezkunata churay, kamachejkunatawan, Éufrates mayoj chimpanpi tiyakojkunapaj justiciata ruwanankupaj, pikunachus Diosniykej kamachisqanta yachanku, chaykunapaj. Pikunachus manaraj yachankuchu, chaykunamantaj Diospa kamachisqanta yachachiy.

Esdras 7:25 ပူးပေါင်းရင်းမြစ်များ

Génesis 41:38

Chaymanta faraonqa nerqa: Waj runata tarisunmanchu kay runata jina Diospa espiritunniyojta?

Génesis 41:39

Josemantaj nerqa: Mana pipis kanchu qan jina sumaj yuyayniyoj, yachayniyoj runa. Dios qanmanqa yachachisunki kay tukuy imas kananmanta.

1 Reyes 3:28

Israelmanta tukuynin runastaj astawan manchachikorqanku, rey chay jina k'achatapuni justiciata ruwasqanta uyarispa, imaraykuchus paykuna rikorqanku Diospa yachaynin paypi kasqanta justiciata ruwanampaj.

2 Reyes 17:27

Asiriamanta reytaj kamacherqa: Jaqaymanta apamusqaykichej sacerdotesmanta ujninta jaqayman kutichiychej, rispataj jaqaypi tiyakuspa diosnimpa leyesninta yachachinampaj.

1 Crónicas 22:12

Señor sumaj yuyayta qosuchun, jinataj allin yachayniyoj kaytapis, maypachachus Israelta kamachishajtiyki, chaypacha Señor Diosniykej leyninta junt'anaykipaj.

1 Crónicas 23:4

Kaykunamanta iskay chunka tawayoj waranqa runas churasqas karqanku Diosta yupaychana wasita qhawaspa ruwachinankupaj. Sojta waranqataj kamachejkuna, juezkunapajtaj churasqas karqanku.

Esdras 10:4

Sayarikuy, qan ruwanayki tiyan. Noqaykutaj qanwan kasqayku. Umachakuy, qallariypachataj ruwayta, nispa.

Esdras 6:6

Chayrayku rey Darío kamacherqa kay jinata: Eufrates mayu chimpapi kamachej Tetnaí, chanta Setar-boznai, kamachej masisniykichejtawan ima, Jerusalenmanta llojsiychej, saqeychejtaj, judíospa kamachejnin, kurajkunasninku ima, Diospa templonta maypichus kanampi ruwanankuta,

Esdras 7:10

Esdrastaj, sumajta unanchakorqa Señorpa kamachiyninta allintapuni yachaykuyta, chanta junt'aytataj. Chantapis israelitasman yachachiyta Señorpa kamachisqasninta yachachisqasnintawan.

Esdras 7:14

Noqa reyqa, qanchis umachaj runasniywan ima qantaqa kachashasuyku yachamunaykipaj, Judapi, jinallataj Jerusalempipis imaynatachus junt'ashasqankuta Diospa kamachisqasninta, makiykipi jap'ishanki chayta.

Nehemías 9:3

Chaypi sayashajtinkutaj tukuypa rikunanta kinsa horastapuni Señor Diosninkoj leynin libromanta leerqanku. Waj kinsa horastawan, jinataj juchasninkuta willakorqanku, chanta Señorta yupaycharqanku.

Salmos 19:7

Cheqampuni Señorpa yachachisqanqa, imaraykuchus mosoj kausayta qon. Cheqampuni Señorpa kamachisqanqa. Yachayniyojman tukuchin mana yachajta.

Proverbios 2:6

Señormin qon yachaytaqa; tukuy yachaykuna, sumaj yuyayniyoj kaypis simimanta llojsimun.

Proverbios 6:23

Cheqamanta kamachiykunaqa lamparamin, yachachiykunaqa k'anchaymin; k'amiykunawan reparachiykunawantaj kausay ñanmin.

Malaquías 2:7

Sacerdotesqa runasman yachachinanku tiyan noqata rejsinawankuta; tukuy runastaj sacerdotesman rinanku, sumaj yachachiyta yachaqanankupaj, imaraykuchus sacerdotes kanku Tukuy Atiyniyoj Señorpa kachasqasnin.

San Mateo 13:52

Jesustaj paykunaman nillarqataj: Chayrayku, pi leymanta yachachejpis, janaj pacha reinomanta yachajqa, rijch'akun uj familiayoj runaman, pichus waqaychananmanta orqhomun mosojkunata, mauk'asta ima.

Marcos 6:34

Jesusqa botemanta llojsimuspa ashkha runata rikorqa, paykunatataj khuyakorqa; imaraykuchus mana michejniyoj ovejas jina karqanku; paykunamantaj tukuy imata yachachiyta qallarerqa.

Deuteronomio 16:18

Sapa ayllupi juezkunata, kurajkunatawan ajllaychej, maykunapichus Señor Diosniykichej llajtasta qosonqachej chaypi. Ajinamanta paykunaqa runasta sumajta cheqanchanqanku.

Colosenses 1:28

Kayta Cristomanta noqayku willayku tukuy runaman sonqochaspa, tukuy ima yachaypitaj yachachispa, sapa ujqa Cristopi allinchasqa kanampaj.

Santiago 1:5

Mayqellampis qankunamanta mana yachayniyoj kanman chayqa, Diosmanta mañakuchun. Dios qon tukuyman ashkhamanta mana k'amispalla. Cheqamanta chay yachayqa payman qosqa kanqa.