Esdras 6:20 - Qheshwa Biblia DC

²⁰ Sacerdotes, chanta, levitas imaqa llimphuchakusqankuña. Ajinamanta tukuyninku llimphusña karqanku. Chaymanta Pascuapi jaywana kajta jaywarqanku, jap'isqamanta kutimporqanku chay tukuyninrayku, sacerdotesninkurayku, jinallataj paykuna kikinkuraykupis.

DIOSPA QHELQACHISQAN DEUTEROCANONICAL

²⁰ Sacerdotekuna, chantá, levitakuna imaqa mayllakusqankurayku tukuyninku Diospa ñawpaqenpi llimphupaj qhawasqaña karqanku. Chaymanta Pascua raymipi jaywana kajta jaywarqanku, waj suyuman apasqa kasqankumanta kutimpusqanku, chay tukuyninkurayku, sacerdotekunarayku, jinallataj paykuna kikinkuraykupis.

DIOSPA QHELQACHISQ

²⁰ Sacerdotekuna, chantá, levitakuna imaqa mayllakusqankurayku tukuyninku Diospa ñawpaqenpi llimphupaj qhawasqaña karqanku. Chaymanta Pascua raymipi jaywana kajta jaywarqanku, waj suyuman apasqa kasqankumanta kutimpusqanku, chay tukuyninkurayku, sacerdotekunarayku, jinallataj paykuna kikinkuraykupis.

Esdras 6:20 ပူးပေါင်းရင်းမြစ်များ

2 Crónicas 29:34

Pisilla sacerdotes kasqankuraykutaj, q'olachinapaj kaj uywaspa qarasninta ch'uskiyta mana tukuchiyta aterqankuchu, chaynejta levitasqa hermanosninkuwan yanapachikoj kanku tukunankukama. Levitasqa llimphuchakunankupaj sacerdotesmanta nisqaqa aswan k'uchis karqanku.

2 Crónicas 35:11

Chaypacha Pascuapaj nisqa uywasta ñak'arqanku. Chay uywaspa yawarninwantaj sacerdotesqa altarta ch'ajchorqanku. Chaykamataj levitasqa uywasta ñak'asharqanku.

2 Crónicas 35:14

Chaymantataj levitasqa paykunapajñataj, jinataj Aarompa ayllunmanta kajkuna sacerdotespajpis wakicherqanku, imaraykuchus sacerdotesqa ch'isiyanankama ruwanaspi karqanku q'olachinasta jaywaspa, wirasnin kajtawan ruphachispa. Chayrayku levitasqa paykunapaj, jinataj Aarompa ayllunmanta sacerdotespajpis chayaqesninkuta wakicherqanku.

2 Crónicas 35:15

Asafpa ayllunmanta takejkunaqa kanankupi kasharqanku Davidpa kamachisqanman jina, Asaf, Hemán, reypa profetan Jedutún kamachisqanman jina. Punkusta qhawajkunapis, sapa ujpis punkusninkupi kasharqanku; mana mayqenninkupis Pascuata qhawanataqa saqerparerqankuchu, hermanosninku levitasqa paykunapajwan wakichisqankurayku.

Éxodo 12:21

Chaymantaqa Moisés tantacherqa tukuy kurajkuna israelitasta, nerqataj: Rispa ajllamuychej watayoj corderota chayri watayoj cabritota sapa uj familiasniykichejpaj, chaytataj ñak'ankichej Pascuata ruwaspa mikhunaykichejpaj.

Hebreos 7:27

Payqa mana chay waj kuraj sacerdotes jinachu. Paykunaqa sapa p'unchay ñaupajtaraj uywa wañuchisqasta jaywananku tiyan juchasninkurayku, qhepantataj aylloj juchasninrayku. Kayta Cristoqa uj kutillata wiñaypaj ruwarqa, pay kikin wañuyman qokuspa.