Esdras 6:12 - Qheshwa Biblia DC

¹² Mayqen reychus, chayri llajtachus, Jerusalempi kashan chay temploj contrampi mana allinta ruwayta munajtaqa, tiyakunampaj Jerusalenta ajllakoj Dios t'unaykuchun! Noqa Darío kaytaqa kamachini. Kay nisqayqa kikimpuni junt'akuchun, nispa.

DIOSPA QHELQACHISQAN DEUTEROCANONICAL

¹² Sichus mayqen kuraj kamachejpis, chayrí llajtapis, Jerusalenpi kashan, chay Temploj contranpi mana allinta ruwayta munanqa chayqa, pichus sutin yupaychasqa kananpaj Jerusalenta ajllakoj Diosmin paytaqa chinkarparichichun. Noqa Darío kaytaqa kamachini, kay nisqaytaj kikinpuni junt'akuchun, nispa.

DIOSPA QHELQACHISQ

¹² Sichus mayqen kuraj kamachejpis, chayrí llajtapis, Jerusalenpi kashan, chay Temploj contranpi mana allinta ruwayta munanqa chayqa, pichus sutin yupaychasqa kananpaj Jerusalenta ajllakoj Diosmin paytaqa chinkarparichichun. Noqa Darío kaytaqa kamachini, kay nisqaytaj kikinpuni junt'akuchun, nispa.

Esdras 6:12 ပူးပေါင်းရင်းမြစ်များ

1 Reyes 9:3

Señortaj payman nerqa: Noqaj ñaupaqeypi mayta mañakuwasqaykita uyariykiña. Kay ruwapuwasqayki wasitapis llimphuchaniña, chaypi sutiy wiñaypaj kanampaj, chayllapitaj ñawisniy sonqoypis tukuy p'unchay kanqa.

2 Crónicas 7:16

Kunan yupaychana wasita ajllani, llimphuchanitaj, chaypi wiñaypaj sutiy kanampaj. Waqaychallasajpuni, yuyayniymantataj mana llojsenqachu.

Esdras 6:13

Chaypacha, Eufrates mayu chimpapi kamachej Tatnai, chanta Setar-boznaiwan, kamachej masisninwantaj, rey Daríoj kamachisqantaqa kikintapuni junt'arqanku.

Esdras 6:14

Ajinamanta, judiokunata kamachejkunaqa, mosojmanta ruwasharqanku chay templota ruwallarqankupuni, profeta Hageoj nisqanman jina, chanta, Idompa wawan Zacarías profetaj nisqanman jinataj. Mosoj temploqa tukuychasqa karqa Israelpa Diosnin kamacherqa chayman jina. Chantapis, Persiamanta reykuna: Ciro, Darío, Artajerjes ima kamachisqankuman jinataj.

Esdras 7:15

Reyqa umachaj runasninwantaj, qolqeta, qoritawan, Jerusalempi tiyakoj Israelpa Diosninman, sonqonkumanta qoyta munanku, chaykunata qan apay.

Esdras 7:17

Chay qolqewantaj allinta unanchaspa rantinayki tiyan torillosta, carnerosta, corderosta, grano ofrendastawan, vino ofrendastawan, Jerusalempi kaj Diosniykichejpata altarnimpa patanman jaywanaykichejpaj.

Esdras 7:26

Diosniykej kamachisqanta, chayri reypa kamachisqantapis mana junt'anqachu chay tukoyqa chay ratopacha juchachasqa kanan tiyan: Wañuchisqa kanqa, chayri wijch'usqa kanqa, chayri multata paganqa, chayri carcelman wisq'asqa kanqa.

Ester (hebreo) 8:14

Reypa chay kamachisqantataj chaskis aparqanku reypa sumajta correj caballosnimpi. Chay kamachisqaqa reypa tiyanan Susa llajtapipis willasqa karqa.

Salmos 5:10

Diosníy, paykunata wanachiy ari: imatachus yuyasqankuta pantachiy: anchata juchallikusqankurayku, ñaupaqeykimanta qharqoy; imaraykuchus contraykipi oqharikorqanku.

Éxodo 20:24

T'urumanta altarta ruwapuwankichej, chay patapi ruphachina rikuchikusta jaywawankichej, allinyanakuy ofrendata, wakasta, ovejasta ima apamuwasqaykichejta. Maypichari kay jinasta ruwaspa sutiymanta yuyarikunkichej chayqa, chayman jamuspa bendicisqaykichej.

Eclesiastés 9:10

Imaschus ruwanaykipaj jina chaykunata, kallpaykiman jina ruway; imaraykuchus wañuspa maymanchus rinki chaypeqa manaña ima ruwanapis kanchu, ni yuyanapis, ni yachana, nitaj yachaypis.

Isaías 60:12

Chayrayku mayqen nacionchá, chayri ima llajtachá qanta mana kasuyta munanqachu chayqa, chinkachisqa, ch'inyachisqataj kanqa.

Abdías 1:10

Qhepakunki q'ala p'enqaywan junt'asqa wiñaypajtaj t'una ruwasqa kanki Jacob hermanoykita sajrawan rikusqaykirayku wañuchisqaykiraykutaj.

Hechos 9:5

Saulotaj nerqa: Pitaj kanki, wiraqochi?, nispa. Parlamojtaj kuticherqa: Noqa kani Jesús, pitachus qan qhatiykachashanki chay. [Manamin allinchu qampajqa yunta jina aguijompa puntanta jayt'anaykeqa.

Deuteronomio 12:11

May cheqapichus Señorqa sutin yupaychasqa kanampaj ajllakonqa chaypi, qankunaqa kamachisusqaykichejman jina kay tukuy imasta Señorman jaywankichej: Ruphasqa kanampaj uywasta, ruphachinapaj kajta, sapa chunkamanta uj kaj ofrendata, rama ofrendasta, imastachus ajllaspa Señorman qosaj nerqankichej chay ofrendasta ima.

Deuteronomio 12:5

Señorqa ayllusniykichej ukhupi uj cheqata mask'anqa, qankuna chaypi sutinta yupaychanaykichejpaj.

Deuteronomio 16:2

Chay Pascuapeqa Señor Diosniykichejpaj ñak'ankichej wakasta, ovejasta ima; maypichus Señor ajllakorqa uj cheqata, sutin jatunchasqa kanampaj, chaypi.