Esdras 3:7 - Qheshwa Biblia DC

⁷ Chanta ruwanankupaj qolqeta qorqanku, wasita ruwanampaj rumi ch'eqojkunaman, carpinterosman ima. Chanta, Tiromanta kajkunaman, Sidonmanta kajkunamampis, mikhunasta, ujyanasta, aceitetawan qollarqankutaj, cedro k'aspita qochanejta apamunankupaj Libanomanta Jopekama, Persiapi kaj rey Ciroj munayninman jina.

DIOSPA QHELQACHISQAN DEUTEROCANONICAL

⁷ Chantá Templota ruwanapaj qolqeta jaywarqanku rumi ch'eqojkunaman, carpinterokunaman ima. Jinallataj Tiromanta, Sidonmanta kajkunamanpis mikhunata, ujyanata, aceitetawan apacherqanku, pino kurkuta Jatun Qochanejta Libanomanta Jopekama apamunankupaj. Chay karqa Persiamanta kuraj kamachej Ciroj kamachisqanman jina.

DIOSPA QHELQACHISQ

⁷ Chantá Templota ruwanapaj qolqeta jaywarqanku rumi ch'eqojkunaman, carpinterokunaman ima. Jinallataj Tiromanta, Sidonmanta kajkunamanpis mikhunata, ujyanata, aceitetawan apacherqanku, pino kurkuta Jatun Qochanejta Libanomanta Jopekama apamunankupaj. Chay karqa Persiamanta kuraj kamachej Ciroj kamachisqanman jina.

Esdras 3:7 ပူးပေါင်းရင်းမြစ်များ

2 Samuel 5:11

Chayrayku Tiroj reynin Hiramqa kacharqa runasninta parlapayamunankupaj, chay jawa kachallarqataj, k'ullusta llajllaj runasninta, jinataj rumi ch'eqoj runasnintapis. Chaykunataj cedro k'ullusta apaspa Davidpa palacio wasinta ruwarqanku.

1 Reyes 5:6

Kunanqa kamachiy ari Libanomanta cedro sach'asta k'utupunawankuta. Noqaj kamachisneyqa qampa kamachisniykita yanapanqanku, noqataj pagasqayki kamachisniykimanta mashkhatachus niwasqaykita. Imaraykuchus qanqa yachanki, noqaykoqa sach'asta k'utuyta mana yachasqaykuta sidonios jinaqa.

2 Reyes 12:10

Maypachachus cajapi ashkha qolqetaña rikuspa, reypa secretarion, kuraj sacerdotewan jamuspa, mashkhachus Señorpa wasimpi qolqe karqa chayta yupaykuspataj waqaychaj kanku.

2 Reyes 12:13

Chay tukuynin qolqesta Señorpa wasinman apamusqankumantaqa, mana ruwarqankuchu qolqe vasosta, espermaj pabilosninta k'utunasta, jatuchaj vasosta, trompetastawan. Manataj qorimanta, qolqemantapis waj imastawan ruwarqankuchu Señorpa wasimpajqa.

2 Crónicas 34:10

Chaymantataj qorqanku Señorpa yupaychana wasinta ruwachinankupaj churasqas karqanku chaykunaman, paykunataj paganankupaj yupaychana wasi jallch'aypi llank'ajkunaman.

Esdras 3:6

Manarajpis Señorpa templonta watejmanta ruwayta qallarerqankuchu. Chaywampis qanchis kaj killapi ñaupaj p'unchaymantapacha, Señorman jaywana kajta ruphachiyta qallarerqankuña.

Ezequiel 27:17

Judá ayllu, jinallataj Israel jallp'amanta kajkunapis qanwan ranqheyaj kanku. Paykunaqa Minit nisqa trigota pagasunankupaj apamoj kanku. Chantá apamullajtaj kanku pastelesta, misk'ita, aceiteta, k'acha q'apaj jampistawan.

Jonás 1:3

Jonastaj kasunantaqa, Señorpa ñaupaqenmanta ayqeyta munarqa, jinataj Jonasqa mar qocha cantopi Jopeman ayqerqa. Chaypitaj uj buqueta Tarsisman puririshajtaña taripasqa. Usqhayta pasajeta rantikuspataj wichariytawan riporqa.

Hechos 12:20

Kamachej Herodestaj phiñasqa kasharqa tiriospaj, sidoniospaj ima. Chayrayku paykunaqa uj yuyaylla tantaykukuspa Herodeswan parlaj rerqanku. Ñaupajtaqa Herodespa wasimpi, kamachejnin Blastoman qolqeta lluk'iykorqanku, paynejta allinyakunankupaj Herodeswan paykunaqa Herodespa llajtanmanta mikhunata jap'isqankurayku.

Hechos 9:36

Chaypacha Jopepi tiyakorqa uj creej warmi, Tabita sutiyoj. Griegopi niyta munan Dorcas. Paytaj sumaj ruwanasta ruwaspapuni kaj, wajchastapis yanapaspa.

Hechos 9:38

Jope llajtaqa mana karupichu karqa Lidamanta. Lidapi Pedro kasqanta yachaspataj, creejkuna kacharqanku iskay qharista, kayta nichispa: Ama jinachu kay, kunampacha jamuriwayku.

Hechos 9:43

Pedrotaj Jopepi unayta qhepakorqa, curtidor Simompa wasimpi.