Esdras 3:13 - Qheshwa Biblia DC

¹³ Mana pipis yachayta aterqachu, kusiywanchus, chayri llakiywanchus qhaparishasqankuta, imaraykuchus karumantapacha runa ch'ajwajqa uyarikorqa.

DIOSPA QHELQACHISQAN DEUTEROCANONICAL

¹³ Mana pipis yachayta aterqachu, kusiywanchus, chayrí llakiywanchus qhaparishasqankuta, imaraykuchus karumantapacha chay ch'ajwaqa uyarikorqa.

DIOSPA QHELQACHISQ

¹³ Mana pipis yachayta aterqachu, kusiywanchus, chayrí llakiywanchus qhaparishasqankuta, imaraykuchus karumantapacha chay ch'ajwaqa uyarikorqa.

Esdras 3:13 ပူးပေါင်းရင်းမြစ်များ

1 Reyes 1:40

Chaymantaqa tukuynin ayllu paypa qhepanta wicharerqanku qhenasta tocaspa, may jatun kusiywan ch'ajwaspa, jallp'atapis kuyurichej jinapuni karqanku.

1 Reyes 1:45

Profeta Natanwan, sacerdote Sadocwan Gihompi Salomonta rey kanampaj aceitewan jawiykunku, chaymantataj kusisqas kutimunku. Chayrayku ari chay jinata tukuy ayllu ch'ajwashanku, chaytataj qankunapis uyarerqankichej.

Esdras 3:12

Ashkha sacerdotes, levitas, chanta familiaspa tatasninkutaj machusña karqanku. Paykunaqa ñaupa templota rejserqanku, chayrayku jatunmanta qhaparispa waqarqanku, Señorpa templonta mosojmanta ruwakushajta rikuspa. Wakintaj kusiywan qhaparisharqanku.

Esdras 4:1

Judata, Benjamintawan chejnejkunaqa yacharqanku, preso jap'isqamanta kutimojkuna, Israelpata Señor Diosnimpa templonta watejmanta ruwashasqankuta.

Nehemías 12:43

Chay p'unchaypi ashkha uywa wañuchisqasta jaywarqanku, runastaj mayta kusikorqanku Dios paykunaman jatun kusiyta qosqanrayku. Warmiswan wawaswampis sinch'itapuni kusikusharqanku. Jerusalempi kusikusqankoqa karumantapacha uyarikorqa.

Salmos 5:11

Kusikuchunku qanman k'askaykojkuna; kusisqaspuni kachunku qan paykunata waqaychasqaykirayku. Munakusojkunaqa qanrayku kusikunku.

Jeremías 33:11

Kaypi watejmanta uyarikullanqataj, fiestaspi kusiy takiykuna, casarkojkunapaj kusiy takiykuna. Kaypis uyarikullanqataj: Tukuy Atiyniyoj Señorman graciasta qoychej, imaraykuchus Señorqa k'achamin, wiñaypajtaj munakuynenqa. Diosta yupaychana wasimantaj agradecekuna jaywanasta apamonqanku. Arí, noqa kay jallp'aj kausayninta allinyachisaj qallariypi karqa ajina. Noqa Señor chayta nini.

Jeremías 50:4

Señorqa nin: Jaqay p'unchaykunapi israelitas, jinataj Judamanta kajkuna ima noqa Señor Diosninkuta waqaspa mask'awanqanku.

Zacarías 4:7

Pitaj qan kanki jatun orqo? Zorobabelpa ñaupaqempi q'ala pampachasqa kanki. Pay orqhonqa sumaj ñaupaj kaj ruminta, runastaj qhaparenqanku may k'achitu, may k'achitu nispa.

Jueces 2:5

Chayrayku chay lugarta suticharqanku Boquim nispa, chayllapitaj Señorman uywa ñak'asqasta jaywarqanku.

1 Samuel 4:5

Jaraman chayachimojtinkutaj Señorpa trato cajonnintaqa, tukuy imata israelitas qhaparerqanku sinch'i kusiywan jallp'ata kharkatichinankukama.