Esdras 3:10 - Qheshwa Biblia DC

¹⁰ Maypachachus albañiles Señorpa templonta ruwayta qallarerqanku chaypacha, sacerdotes sayarikorqanku linomanta p'achasninwan p'achallisqas, pututusniyojtaj. Asafpa wawasnin levitastaj platillosniyoj karqanku, Señorta yupaychanankupaj, Israelpi kaj rey Davidpa yachachisqanman jina.

DIOSPA QHELQACHISQAN DEUTEROCANONICAL

¹⁰ Maypachachus wasi ruwajkuna Tata Diospa Templonta ruwayta qallarerqanku chaypacha, sacerdotekunaqa sayarikorqanku sacerdote p'achawan p'achallisqa, pututuyojtaj. Asafpa churinkuna levitakunataj platillokunayoj karqanku, Tata Diosta yupaychanankupaj, Israelpa ñawpa kuraj kamachejnin Davidpa yachachisqanman jina.

DIOSPA QHELQACHISQ

¹⁰ Maypachachus wasi ruwajkuna Tata Diospa Templonta ruwayta qallarerqanku chaypacha, sacerdotekunaqa sayarikorqanku sacerdote p'achawan p'achallisqa, pututuyojtaj. Asafpa churinkuna levitakunataj platillokunayoj karqanku, Tata Diosta yupaychanankupaj, Israelpa ñawpa kuraj kamachejnin Davidpa yachachisqanman jina.

Esdras 3:10 ပူးပေါင်းရင်းမြစ်များ

1 Crónicas 15:24

Sacerdotesmantataj Sebanías, Josafat, Natanael, Amasai, Zacarías, Benaías, Eliezer ima Diospa cajonnimpa ñaupaqempi trompetasta tokaj kanku. Obed-edonwan, Jehiaswan Diospa cajonninta qhawaj kanku.

1 Crónicas 15:27

Davidtaj sumaj lino p'achawan p'achallisqa rerqa, ajinallatataj Diospa cajonninta apajkuna levitaspis, takejkunapis, takiyta yachachej Quenaniaspis ajina p'achallisqasllataj karqanku. Chay jawa Davidqa linomanta efodwan p'achallisqa rerqa.

1 Crónicas 16:37

Ajinata Davidqa Señorwan trato ruwasqa cajompa ñaupaqempi saqerqa Asafta hermanosnintawan, chaypi sapa p'unchay imaschus ruwanas kasqanman jina imastapis ruwanankupaj.

1 Crónicas 16:42

Paykunaqa pututusta, chanta platillosta ima tocaj kanku, waj takichinaspaj nisqa tocanastawan Diosman takiykunasta takichispa. Jedutumpa wawasnenqa punkuta qhawanamanta mink'asqas karqanku.

1 Crónicas 23:5

Tawa waranqa runastaj punku qhawajkuna karqanku. Tawa waranqataj churasqas karqanku Señorta yupaychanankupaj tocanasninkuwan, David chaypaj nispa ruwacherqa chaykunawan.

2 Crónicas 35:14

Chaymantataj levitasqa paykunapajñataj, jinataj Aarompa ayllunmanta kajkuna sacerdotespajpis wakicherqanku, imaraykuchus sacerdotesqa ch'isiyanankama ruwanaspi karqanku q'olachinasta jaywaspa, wirasnin kajtawan ruphachispa. Chayrayku levitasqa paykunapaj, jinataj Aarompa ayllunmanta sacerdotespajpis chayaqesninkuta wakicherqanku.

2 Crónicas 35:15

Asafpa ayllunmanta takejkunaqa kanankupi kasharqanku Davidpa kamachisqanman jina, Asaf, Hemán, reypa profetan Jedutún kamachisqanman jina. Punkusta qhawajkunapis, sapa ujpis punkusninkupi kasharqanku; mana mayqenninkupis Pascuata qhawanataqa saqerparerqankuchu, hermanosninku levitasqa paykunapajwan wakichisqankurayku.

2 Crónicas 5:12

Levitasmanta tukuy takejkunataj Asaf, Hemán, Jedutún ima, qhari wawasninkuwan khuska, jinataj waj ayllusninkuwan ima, linomanta p'achallisqas altarpa ñaupaqempi inti llojsimuy ladopi sayasharqanku. Platilloswan, salterioswan, arpaswan ima kasharqanku. Paykunawantaj pachaj iskay chunkayoj sacerdotes tocajkuna kasharqanku.

Esdras 2:41

Takejkunamanta: Pachaj iskay chunka pusajniyoj. Paykunaqa Asafpa ayllunmanta karqanku.

Esdras 5:16

Ajinamanta Sesbasar chayamorqa, Jerusalempi Diospa templonta qallaricherqataj. Chaymantapacha temploqa mosojmanta ruwakushan, manataj tukuchasqarajchu kashan.

Salmos 150:5

Payta yupaychaychej jatun kalanniyoj platolluswan. Payta yupaychaychej chhallaj chhallaj nej platilloswan.

Hageo 2:15

Kunanmanta ñaupajmanqa kay imaspi yuyaychej, manaraj templo ruwayta qallarishajtiykichej, imaynataj karqankichej? Pillapis iskay chunka carga granosta oqhariyta munajqa, chunkallata oqharerqa. Pitajchus maypichus vino ruwana chayman rispa, phishqa chunka yuruspi vinota junt'arachinampaj, iskay chunka yurusllapi junt'achiyta aterqa.

Zacarías 4:10

Piskunachus cheqamanta mana uyarerqankuchu, chay mana kasuna imaswan qallarikushajtin, chaykunaqa kunanqa Zorobabelpa tukuychasqanta rikuspa kusikonqanku. Chaymantataj ángel nillawarqataj: Kay qanchis k'anchaykunasqa Señorpa ñawisninmin, tukuy jallp'ata qhawashan chay.

Zacarías 4:6

Chaypi nillawarqataj: Kayqa, Señormanta uj willay Zorobabelman: Atipayqa mana maqanakojkuna soldadoswanchu, nitaj kallpaywanchu, manachayqa Espirituwanmin, nin Tukuy Atiyniyoj Señor.

Zacarías 4:7

Pitaj qan kanki jatun orqo? Zorobabelpa ñaupaqempi q'ala pampachasqa kanki. Pay orqhonqa sumaj ñaupaj kaj ruminta, runastaj qhaparenqanku may k'achitu, may k'achitu nispa.

Zacarías 6:12

Niytaj: Tukuy Atiyniyoj Señor nillantaj, chay wiñashan nisqa qhareqa kikin saphisninmanta p'utumunanta, Señorpa yupaychana wasintataj jatarichinanta.

1 Samuel 22:18

Chayraykutaj reyqa kamacherqa Edonmanta Doegta: Qan wañurachiy, nispa. Chaypacha Doegqa sacerdotespa contrampi churakorqa, chay kutipeqa pusaj chunka phishqayoj qharista wañuracherqa. Paykunaqa linomanta efod p'achasniyoj kasharqanku.