Esdras 10:8 - Qheshwa Biblia DC

⁸ Sichus paykuna kinsa p'unchay junt'api mana chayamunkumanchu, kurajkunaj nisqankuman jina, chanta yuyaychajkunaj nisqankuman jinataj, jallp'ankutapis qhechuchikuspa chaykunaqa presochasqas kutirimojkuna ukhumanta wijch'usqas kanqanku.

DIOSPA QHELQACHISQAN DEUTEROCANONICAL

⁸ Kurajkuna chantá yuyaychajkuna kamachillarqankutaj, sichus pipis kinsa p'unchaypi mana chayamunman chayqa, Babiloniamanta kutimojkuna ukhumanta wijch'usqa kananta, jallp'antataj qhechunankuta.

DIOSPA QHELQACHISQ

⁸ Kurajkuna chantá yuyaychajkuna kamachillarqankutaj, sichus pipis kinsa p'unchaypi mana chayamunman chayqa, Babiloniamanta kutimojkuna ukhumanta wijch'usqa kananta, jallp'antataj qhechunankuta.

Esdras 10:8 ပူးပေါင်းရင်းမြစ်များ

Esdras 10:7

Chay qhepata tukuynin wajyachisqas karqanku Judapi kajkuna Jerusalempi kajkuna ima, tukuyninku Jerusalempi tantakunankupaj, pikunachus presochasqasmanta kutirimorqanku chaykuna.

Esdras 10:9

Chayrayku Judamanta kajkuna, Benjaminmanta kajkunapis Jerusalempi tantakorqanku kinsa kaj p'unchaypi isq'on killamanta iskay chunka p'unchaypi. Diosta yupaychana wasej plazampi tukuyninku tiyarakorqanku, kharkatitispa imatachus parlanankumanta, manchayta paramusqanmantawan.

Esdras 7:26

Diosniykej kamachisqanta, chayri reypa kamachisqantapis mana junt'anqachu chay tukoyqa chay ratopacha juchachasqa kanan tiyan: Wañuchisqa kanqa, chayri wijch'usqa kanqa, chayri multata paganqa, chayri carcelman wisq'asqa kanqa.

Nehemías 13:28

Kuraj kaj sacerdote Eliasibpa wawan Joiadaj wawanqa ujnin kaj horonita Sanbalatpa tolqan karqa. Chayta ñaupaqeymanta ayqecherqani.

Nehemías 13:3

Ajinaqa, leypi nisqanta uyarispa israelitas ukhumanta t'aqarqanku chay waj llajtayojkunawan chajrukojkunata.

Levítico 27:28

Sichus mayqellampis kapuyninmanta wiñaypaj Señorman qopunman: Runasta, uywasta, jallp'asninta ima chayqa, chaykunata mana vendekuyta, nitaj watejmanta rantikapuytapis atinchu. Chaykunaqa Señorpaj t'aqasqaña.

San Mateo 18:17

Paykunatapis mana uyarejtenqa iglesiaman willay, iglesiatapis manallataj uyarejtinrí, gentil runata jina, chayrí impuesterota jinallaña qhaway.

San Juan 16:2

Sinagogasmanta wijch'usonqanku; hora qayllamushanña maypachachus pillapis qankunata wañuchispa yuyanqa Diospaj allinta ruwashasqanta.

San Juan 9:22

Jinata tatasninku nerqanku, judiosta manchachikuspa. Judíos parlanakorqankuña, pillapis Jesusta Mesías kasqanta ninman chaytaqa, sinagogamante wijch'unankuta.

San Juan 9:34

Paykunataj kutichispa nerqanku: Qanqa juchawan junt'asqa nacerqanki, qanchu noqaykuman yachachiwasqayku? Jawamantaj payta qharqorqanku.

1 Corintios 5:13

Jawapi kajkunataqa Dioslla juzganqa. Chay juchallikojtataj qankuna ukhumanta qharqoychej.

Josué 6:19

Chantaqa, qori, qolqe, imaschus broncemanta kajkuna, fierromantawan imasqa, Señorman qosqa kanqa. Chaykunaqa maypichus qolqes churakun chayman yaykonqa, nispa.

Jueces 21:5

Tapunakorqankutaj: Pistaj tukuy noqanchejmanta Señorpa ñaupaqempi tantakuyninchejman mana rerqachuri? Imaraykuchus jurasqanku wañuchinankuta pischus chay Mizpapi tantakuyninkuman mana rejkunata.

1 Samuel 11:7

Chantaqa iskay bueyesta jap'ispa cuchillowan t'unarqa. Kachaswantaj apacherqa chay khuchurasqa aychasta tukuynin Israel jallp'aman. Chay kachastaj nerqanku: Pikunachus mana renqankuchu Saulwan, Samuelwan ima chayqa, chaykunaj bueyesninku ajina khuchurasqas kanqanku. Chayta uyarejtinkutaj Señormanta uj sinch'i manchariy chay runasman jamorqa, uj runa jinallataj paykunawan ujchakoj rerqanku.