Esdras 10:18 - Qheshwa Biblia DC

¹⁸ Waj llajtayoj warmiswan casarasqanku chay sacerdotesta tarerqanku, kaykunataj karqanku: Josadacpa wawan Josuejpa mirayninmantawan wauqesninmantawan karqanku kaykuna: Maazías, Eliezer, Jarib, Gedalías ima.

DIOSPA QHELQACHISQAN DEUTEROCANONICAL

¹⁸ Waj llajtayoj warmikunawan casarasqanku, chay sacerdotekunaqa kaykuna karqanku: Josadacpa churin Josuejpa ayllunmanta, wawqenkunamantawan, Maseías, Eliezer, Jarib, Gedalías ima.

DIOSPA QHELQACHISQ

¹⁸ Waj llajtayoj warmikunawan casarasqanku, chay sacerdotekunaqa kaykuna karqanku: Josadacpa churin Josuejpa ayllunmanta, wawqenkunamantawan, Maseías, Eliezer, Jarib, Gedalías ima.

Esdras 10:18 ပူးပေါင်းရင်းမြစ်များ

Esdras 10:17

Ñaupaj p'unchaypi, ñaupaj killapi parlayta tukorqanku waj llajtayoj warmiswan casarasqanku chay runasmanta.

Esdras 2:2

Paykunata pusarejkuna kaykuna karqanku: Zorobabel, Jesúa, Nehemías, Reelaías, Mardoqueo, Bilsán, Mispar, Bigvai, Rehum, Baana ima. Israel ayllumanta qharisqa kay jina yupasqas karqanku:

Esdras 2:36

Jedaiaspa miraynin sacerdotesmanta: Isq'on pachaj sojta chunka kinsayoj. Paykunaqa, Josuejpa ayllunmanta karqanku.

Esdras 3:2

Chaypacha Josadacpa wawan Josué, chanta sacerdote masisnin, jinallataj Salatielpa wawan Zorobabel, chanta ayllu masisnin ima, Israelpata Diosnimpa altarninta ruwarqanku, chay patapi uywasta wañuchispa ruphachinankupaj, Diospa runan Moisespa leynimpi qelqasqanman jina.

Esdras 3:8

Jerusalempi Diospa wasinman chayamusqankumanta, iskay watamanta iskay kaj killapi, Salatielpa wawan Zorobabel, Josadacpa wawan Josuetaj, sacerdote masisninwan, levitaswan ima karqanku. Chaykunawan khuska, chanta pikunachus jap'isqamanta kutimporqanku Jerusalenman, chaykuna Diospa templonta watejmanta ruwayta qallarerqanku. Chayta ruwachinapajqa ajllarqanku, iskay chunka wata kurajniyoj levitasta.

Esdras 5:2

Chaypacha Salatielpa wawan Zorobabel, Josadacpa wawan Josuetaj watejmanta Jerusalempi kaj Diospa templonta ruwayta qallarerqanku. Diospa profetasnintaj paykunata umachaspa kallpachasharqanku.

Esdras 9:1

Kay imas tukukojtintaj, kurajkuna qayllaykamuwarqanku israelitas, sacerdoteswan, levitaswan ima ninawampaj: Kay jallp'api kaj runakunamanta mana t'aqakunkuchu: Cananeosmanta, hititasmanta, fereseosmanta, jebuseosmanta, amonitasmanta, moabitasmanta, egipciosmanta, amorreosmanta, ima. Paykunaqa kay runaspa millay ruwanasninta ruwanku.

Esdras 9:2

Israelmanta kaj runasqa, jinataj wawasninkupis chay runakunaj warmi wawasninkuwan casararqanku. Ajinamanta waj llajtamanta kaj runakunawan llimphupaj qhawasqa aylloqa chajrukorqa. Kay juchata ñaupajta ruwajkunaqa, kurajkuna, kamachejkunawan karqanku, nispa.

Nehemías 12:10

Josueqa Joiacimpa tatan karqa, Joiacintaj Eliasibpata, Eliasibtaj Joiadajpata,

Nehemías 13:28

Kuraj kaj sacerdote Eliasibpa wawan Joiadaj wawanqa ujnin kaj horonita Sanbalatpa tolqan karqa. Chayta ñaupaqeymanta ayqecherqani.

Nehemías 8:4

Yachachej Esdrastaj sayasharqa maderamanta ruwasqa patachapi. Chay kutillapaj chaytaqa ruwasqanku. Paña ladompitaj sayasharqanku: Matatías, Sema, Anías, Urías, Hilcías, Maasías ima. Lloq'e ladompitaj sayasharqanku: Pedaías, Misael, Malquías, Hasum, Hasbadana, Zacarías, Mesulam ima.

Nehemías 8:7

Kay levitas: Josué, Bani, Serebías, Jamín, Acub, Sabetai, Hodías, Maasías, Kelita, Azarías, Jozabet, Hanan, Pelaía ima ayllutinman leymanta yachachisharqanku. Chaykamataj runasqa kikin sayasqallankupipuni kasharqanku.

Jeremías 23:10

Kay nacionqa qhenchaswan junt'a kashan, juchata ruwaypi purejkunallawan, atiyninkuta mana cheqan kajta ruwanallankupaj churajkunawan ima. Chayraykumin Señorqa kay jallp'ata maldicerqa. Jallp'aqa ch'akiporqa, ch'in pampapi kaj pastospis ch'akiporqanku.

Jeremías 23:11

Señorqa nin: Tukuy profetasnintin, sacerdotesnintin puraj uyas juchasapas kanku. Paykunata kikin yupaychana wasiypi juchasta ruwashajta taripani.

Jeremías 23:14

Jerusalenmanta profetasta rikullanitaj manchay millay imasta ruwashajta. Qhenchachakunku, ch'aukiyankutaj, astawantaj umachakunku chay juchasapasta. Chayrayku paykunaqa mana juchamanta t'aqakunkuchu. Paykuna, chantá llajtapi tiyakojkuna noqapaj Sodoma llajta jina, Gomorra llajta jinataj kanku.

Ezequiel 44:22

Mana casarakonqankuchu saqerasqa warmiwan, chayri viuda warmiwampis. Manachayqa Israel ayllumanta kaj doncella warmiwan, chayri uj sacerdotej viudanwan.

Levítico 21:7

Chantapis ama mana allin puriyniyoj warmiwan casarachunkuchu, ni qharispa imanasqan warmiwan, nitaj saqerpayasqa kaj warmiwan; imaraykuchus sacerdotesqa Señorpaj llimphuchasqas kanku.

Hageo 1:1

Darío iskay wataña rey kashajtin, sojta kaj killamanta ñaupaj p'unchaypi, Señor parlarqa Hageo profetanejta Judapi kamachej Salatielpa wawan Zorobabelman, Josadacpa wawan Josueman ima, mayqenchus sacerdotespa kurajnin karqa.

Hageo 1:12

Zorobabel, Josué, jinallataj tukuy runakuna manchachikorqanku uyarispa Señorpa nisqanta paykunapaj, Hageo profetanejta. Chaytarí, Señor Dios, profetaman kamachisqa sut'inchanampaj.

Hageo 2:4

Kallpachakuy, Zorobabel! Jinallataj, qampis kuraj sacerdote Josué, kallpachakuy! Tukuy runakuna, qankunapis kallpachakullaychejtaj. Llank'aychej, noqa qankunawan kashani. Noqa, Tukuy Atiyniyoj Señorqa cheqamanta niykichej.

Zacarías 3:1

Chay qhepanta Señor rikuchillawarqataj mosqoypi jina, jatun sacerdote Josueta, Señorpa angelnimpa ñaupaqempi sayashajta. Chay ch'ataykoj angelqa Josuejpa paña ladompi kasharqa, ch'ataykojtaj churakorqa.

Zacarías 6:11

Oqhariytaj colectata: Qolqemanta, qorimanta. Chay qolqeta, qorita oqharisqaykiwantaj pilluta ruwaytawan Josadacpa wawan jatun sacerdote Josuéj umanman churaykuy.

1 Timoteo 3:11

Warmispis jinallataj allimpaj qhawasqas kachunku, ama tumpajkuna, mikhuypi ujyaypipis allin yuyayniyoj, tukuy imapipis allin kausayniyojkuna.