Esdras 10:1 - Qheshwa Biblia DC

¹ Diosta yupaychana wasin punkumpi, Esdras qonqoriykukuspa mañakushajtin, waqaspa juchasninta willakushajtintaj, israelitasmanta ashkha ukhu, qharis warmis ima waqarallarqankutaj jik'un jik'unta, qayllanman muyuykamuspa.

DIOSPA QHELQACHISQAN DEUTEROCANONICAL

¹ Esdrasqa Temploj ñawpaqenpi pampakama k'umuykukuspa, waqan waqan israelitakunaj juchankuta Diosman rimarisharqa. Chaykamataj israelitakunamanta qharikuna, warmikuna, wawakuna ima Esdrasta muyuykamuspa, jik'un jik'unta waqallarqankutaj.

DIOSPA QHELQACHISQ

¹ Esdrasqa Temploj ñawpaqenpi pampakama k'umuykukuspa, waqan waqan israelitakunaj juchankuta Diosman rimarisharqa. Chaykamataj israelitakunamanta qharikuna, warmikuna, wawakuna ima Esdrasta muyuykamuspa, jik'un jik'unta waqallarqankutaj.

Esdras 10:1 ပူးပေါင်းရင်းမြစ်များ

1 Reyes 8:30

Uyariy ari, kay kamachiykej mañakusqanta, Israel llajtaykejtapis, kay cheqapi mañakojtinu, janaj pachapi tiyakunki chaymantapacha uyariwayku perdonawaykutaj.

1 Reyes 9:3

Señortaj payman nerqa: Noqaj ñaupaqeypi mayta mañakuwasqaykita uyariykiña. Kay ruwapuwasqayki wasitapis llimphuchaniña, chaypi sutiy wiñaypaj kanampaj, chayllapitaj ñawisniy sonqoypis tukuy p'unchay kanqa.

2 Crónicas 20:13

Judamanta kajkunaqa tukuyninku Señorpa ñaupaqempi sayasqas kasharqanku, warmisninkuwan, qhari wawasninkuwan, jinataj aswan juch'uy wawasninkuwan ima.

2 Crónicas 20:9

Ima mana allimpis jamuwaykuman chayqa, maqanakuy, onqoy, chayri yarqhaypis kanman chayqa, kay yupaychana wasiykiman jamusqayku, qampa ñaupaqeykimantaj, imaraykuchus sutiykeqa kay wasipi kashan. Tukuy llakiykunasniykupitaj qanmanta yanapata mañakoj jamusqayku, qantaj uyariwasqayku, salvawasqaykutaj.

Esdras 10:6

Chaymanta Esdrasqa Diosta yupaychana wasimanta riporqa Eliasibpa wawan Johanampa wasinman rinampaj. Chaypitaj mana imata mikhuspa, nitaj imatapis ujyaspa tutantin karqa, may phutisqataj kasharqa presochasqasmanta kutirimojkuna juchallisqankumanta.

Nehemías 1:4

Chayta willawajtinkukamataj waqaj tiyaykukorqani. Uj mashkha diasta jina sinch'i llakisqa karqani, ayunaspa, janaj pacha Diosmanta mañaspataj.

Nehemías 1:6

Kunanqa mañayki uyarinawaykita kay tuta p'unchay kay mañakamususqayta, kamachisniyki israelitasmanta khuyakunaykita. Yachakuyku noqayku israelitasqa contraykipi juchallisqaykuta. Ayllusniypis, noqa kikiypis juchallillaykutaj.

Nehemías 10:28

Kay tukuy Israel ayllumanta kajkunapiwan, chay sacerdotes, levitas, punku qhawajkuna, takejkuna, yupaychana wasipi imastapis ruwajkuna, tukuy chay llajtayoj runasmanta Diospa junt'anankupaj t'aqakojkuna, warmisninkuwan khuska, qhari wawasninkuwan, warmi wawasninkuwan, tukuy yuyayniyoj yachaqajkunapiwan, familiasninkuwan jinataj kurajkunasninkuwan tantaykukorqanku Dioswan uj tratota ruwanankupaj. Jurarqanku Diospa leyninman jina purinankupaj. Chaytaj qosqa karqa Diospa kamachin Moisesnejta. Ajinamanta mana pantaspa junt'anankupaj Señor Diosninkoj kamachisqasninta, nisqasninta, leykunasninta ima.

Nehemías 8:9

Tukuynin ayllutaj chay leymanta librota leesqankuta uyarispa waqarqanku, kamachej Nehemías, chanta yachachej sacerdote Esdraspis, leymanta yachachejkuna levitaspis, tukuy runasmantaj nerqanku: Ama llakikuychejchu, amataj waqaychejchu, kay diaqa Señor Diosman t'aqasqa kasqanrayku, nispa.

Salmos 119:136

Waqay mayus ñawisniymanta llojsin, kamachisqasniyki mana junt'akusqanrayku.

Salmos 32:5

Mana imata pakaspa, tukuy juchayta, sajra ruwasqasniytawan willakorqayki. Nerqani juchasniyta willakusunayta, qantaj Señor perdonawarqanki.

Jeremías 13:17

Sichus mana kasuwankichej chayqa, mayta runaykachasqaykichejrayku pakayllapi waqasaj, ñawisniymanta waqaykuna sururenqanku; Señorpa ayllonqa waj llajtaman presos apasqas kashanku.

Jeremías 9:1

Imaynapichus ñawisniy yaku juturi jina kanan, jinamanta tuta p'unchay unun paranta waqanaypaj llajtay ukhupi wañurasqankumanta.

Daniel (hebreo) 9:20

Diosmanta mañakushallarqanipuni, juchasniyta willakuspa, jinallataj Israel aylluypa juchasninta willaspa, Señor Diosniypa ñaupaqempi majakuspa ajllakusqan lomanrayku.

Oseas 14:2

Señorman kutiriychej, kay jina mañakuywan qayllaykuychej. Perdonapuwayku tukuy juchasniykumanta, kay allin ruwasqasniykutataj jap'iy, kay yupaychaykunasta apamusqaykutapis jap'iy.

Zacarías 12:10

Davidpa mirayninman, jinataj Jerusalempi tiyakojkunaman khuyakoj Espirituyta qosaj. Diosmanta mañakoj Espirituytataj qosaj. Jinamantaraj qhawarenqanku pitachus t'ojsinawan wañucherqanku chayta, may jinatataj llakikonqanku, waqanqankutaj Paymanta imaynatachus uj k'ata kuraj wawanku wañojtin waqanku ajinata.

San Mateo 3:6

Juantaj juchasninkuta willakojtinku, Jordán mayupi bautizaj.

San Lucas 19:41

Jerusalén llajta qayllaman chayaspataj, Jesusqa rikuytawan Jerusalenmanta waqarqa, nispa: Allin kanman qampis kay p'unchayniykipi unanchanayki, imachus kausayniykipaj allin kasqanta! Jinapis, kunanqa pakasqa kashan ñawisniykimanta.

Hechos 10:30

Corneliotaj nerqa: Tawa p'unchayña kashan, kay horata jina, kay wasipi ayunasharqani, chaupi p'unchayta jina. Diosmanta mañakushajtiy, chayllaman uj qhari ñaupaqeypi rikhurerqa lliphipej p'achayoj.

Hechos 21:5

Chay qanchis p'unchaymantataj riporqayku. Tukuy hermanostaj warmisninkuwan, wawasninkuwan ima, noqaykuwan rerqanku llajta llojsiykama. Qocha cantopitaj qonqoriykukuspa Diosmanta mañakorqayku.

Romanos 9:2

Jatun llakiyniy tiyan, sonqoypitaj mana tukukoj nanay.

Deuteronomio 31:12

Chaymantaqa, tukuy runas tantakamunanku tiyan, qharis, warmis, wawas, llajtasniykichejpi tiyakoj karu llajtasniyoj ima, kay leymanta leejta uyarinankupaj, Señor Diosniykichejta jatunchayta yachanankupaj; chay leypi tukuy nisqanman jina ruwanankupaj.

Josué 7:6

Josuewan, israelitaspa kurajkunasninkuwantaj llakiywan p'achasninkuta llik'ikorqanku, umankumantaj ñut'u jallp'awan jich'akorqanku llakisqa kasqankuta rikuchinankupaj. Chaymantataj qonqoriykukorqanku Señorpa trato ruwasqan cajonnimpa ñaupaqenman, pampaman umankuta chayachinankukama, ch'isiyaykunankamataj.

Josué 8:35

Moisespa kamachisqasninmanta tukuy palabrasta Josueqa tukuy tantasqa israelitasman warmisman, wawasman, chanta karu llajtayojkuna paykunawan tiyakorqanku chaykunamanwan.