Efesios 6:9 - Qheshwa Biblia DC

⁹ Qankunapis kamachejkuna, kikillantataj kamachisniykichejwan allinta kausakuychej, ama paykunata manchachispa. Yachaychej, qankunatapis paykunatapis janaj pacha Señor kamachin, imaraykuchus payqa mana runaj rijch'aynillantachu qhawan.

DIOSPA QHELQACHISQAN DEUTEROCANONICAL

⁹ Qankunapis patronkuna, kikillantataj wata runaykichejta allinta qhawaychej. Ama paykunata manchaykuchispa imatapis ruwaychejchu. Manachayqa yuyarikuychej paykunajtapis qankunajtapis Dueñoykichejqa janaj pachapi kasqanta, paytaj tukuyta uj ñawillawan qhawan.

DIOSPA QHELQACHISQ

⁹ Qankunapis patronkuna, kikillantataj wata runaykichejta allinta qhawaychej. Ama paykunata manchaykuchispa imatapis ruwaychejchu. Manachayqa yuyarikuychej paykunajtapis qankunajtapis Dueñoykichejqa janaj pachapi kasqanta, paytaj tukuyta uj ñawillawan qhawan.

Quechua South Bolivia: Dios Parlapawanchej

⁹ Patroncuna, quiquillantataj kancunapis camachisniyquichejwan ruwaychej. Amaña paycunaman manchachinaswan niychejchu. Yachanquichej paycunapis kancunapis janaj pachapi Señorniyoj caskayquichejta. Payka uj runata waj runamanta manamin astawanpajchu khawan.

Efesios 6:9 ပူးပေါင်းရင်းမြစ်များ

Nehemías 5:5

Noqaykutaj, jinataj llajta masisniykupis kikin ayllumanta kayku, wawasniykoqa paykunaj wawasninku rijch'ayllataj. Chaywampis noqaykoqa qhari wawasniykuta, warmi wawasniykutapis runaj kamachin kanampaj churayku. Jinamanta ñapis warmi wawasniykoqa kamachisña kanku, manataj imatapis ruwayta atiykuchu paykunata libranaykupajqa, jallp'asniyku huertasniykupis wajkunajtaña kasqankurayku.

Job 34:19

Payqa mana kamachejkuna jinachu, mana qhapaj runasllamanchu, nitaj wajcha runasllamanchu sayakun, imaraykuchus paymin tukuyninkuta ruwarqa.

Salmos 140:12

Noqa yachani Señorqa wajchaspaj justiciata ruwasqanta, llakisqa runasmantaj maychus kajta qosqanta.

Eclesiastés 5:8

Sichus may naciompi wajchasta ñak'arichejta rikunki, cheqan kajtapis mana kajman tukuchejta, jinallataj cheqanchaypis mana kajtenqa, ama chaykunamanta mancharikunkichu. Paytaqa uj kuraj kaj qhawamushan, paytataj uj aswan kuraj kajñataj qhawamushan, paytapis aswan kuraj kaj patamanta qhawamushallantaj.

Isaías 47:6

Noqaqa mayta phiñakorqani Israel aylluypaj. Chaypacha Israel nacionniytaqa mana allimpajchu qhawarqani, makiykimantaj jaywarqayki. Qantaj mana khuyarispa ñak'arichipuwarqanki; kurajkunaj much'usninman qanqa chay chhika llasa yugoykita churarqanki.

Daniel (hebreo) 3:15

Kunanqa, kasukunkichejchu, pututu waqajtinkama, tukuy tocanasta ch'ajwarejta uyariytawankama qonqorikunkichejchu, noqa ruwacherqani chay lantitapis yupaychankichejchu? Sichus payta mana yupaychankichejchu chayqa, kunampacha uj nina larwashaj hornoman wijch'uykusqas kankichej. Chaypacha, ima diostaj qankunata salvayta atisunkichejri?

Daniel (hebreo) 3:6

Tukuy pikunachá mana qonqorikonqankuchu, nitaj chay lantita yupaychanqankuchu chaykunaqa, chay rato uj larwashaj hornoman wijch'uykusqas kanqanku.

Levítico 19:13

Ama runa masiykita maytapuni llakichinkichu, nitaj paypata kajtapis suwankichu. Ama peonniykej pagonta q'ayantinkama waqaychakunkichu.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

San Mateo 22:10

Kamachistaj ñankunaman llojsispa tarisqankutakama wajyarqanku, allin mana allin kajkunata. Ajinamanta casamiento wasiman runasta junt'aykuchimorqanku mikhunankupaj.

San Mateo 22:8

Chaymantataj wakin kamachisninman nerqa: Cheqamanta jatun mikhoyqa wakichisqa kashan, wajyachisqasniytaj mana jatun mikhuyniypaj jinachu kanku.

San Mateo 24:48

Chantá, chay kamachichus sajra kanman, sonqompitaj ninman chayqa: Manaraj sina patronniy chayamonqachu, nispa.

San Mateo 24:51

Chaypacha, mana ñak'ariy atinata jasut'ispa, churanqa puraj uyastawan khuska. Chaypitaj waqay, kiru k'arukuytaj kanqa.

San Mateo 7:12

Chayrayku, imatachus mañankichej runas qankunapaj ruwanankuta chayqa; ajinallatataj qankunapis paykunapaj ruwaychej; imaraykuchus kayta leyqa kamachin, profetaspis.

San Lucas 6:31

Imaynatachus munankichej runas qankunapaj ruwanankuta, ajinallatataj qankunapis paykunapaj ruwaychej.

San Juan 13:13

Qankuna noqata sutichawankichej Maestro, Señor nispa; walejta niwankichej, imaraykuchus chay noqa kani.

Hechos 10:34

Chaymantataj Pedro parlayta qallarerqa: Cheqamanta yachani, Diosqa mana runaj rijch'ayninta qhawaspachu runataqa ajllan, manachayqa, ima laya runa ukhupipis, pichá Diosta manchachikoj, cheqa kajtataj ruwaj runamin Diospajqa munasqa.

Romanos 2:11

Diosqa mana runaj rijch'aynillantachu qhawan, astawanqa tukuyta uj rejta qhawan.

1 Corintios 1:2

Escribimuni kay cartata, Diospa iglesianman Corinto llajtapi kajman. Paykunaqa llimphuchasqas kanku Cristo Jesuspi, wajyasqas, juchamanta t'aqasqas kausanankupaj; mayllapipis Señorninchej Jesucristoj sutinta tukuy wajyakojkunawan ima. Payqa paykunaj Señorninku noqanchejpatapis.

1 Corintios 7:22

Pichus kamachi kashaspa Señorpi creenampaj wajyasqa chayqa, kunanqa kacharisqaña Señorpaj. Jinallataj pichus kacharisqa kashaspa wajyasqa karqa chayqa, kunanqa Cristoj kamachinña.

Deuteronomio 10:17

Señor Diosniykichejqa dioskunaj Diosnin, señorkunaj Señornin. Payqa jatun Dios, atiyniyoj manchachikunataj. Tukuyta kikin munakuyllawan qhawan. Ni ima t'inkaswampis rantichikunchu.

Colosenses 3:25

Pichá sajrata ruwajqa, sajrallatataj jap'enqa, imaraykuchus Diosqa mana runaspa rijch'aynillantachu qhawan.

Colosenses 4:1

Patrones, kamachisniykichejwan cheqata, cheqan kajtataj ruwaychej, yachaspa qankunapis janaj pachapi patronniyoj kasqaykichejta.

Santiago 2:13

Pichus wajkunata mana khuyakunchu chayqa, paypis mana khuyakuywan juzgasqa kanqa. Khuyakuytaj atipan juiciotaqa.

Santiago 2:8

Cheqamantachus junt'awajchej jatun leypa nisqanta, imaynatachus Escriturapi nin: Runa masiykita munakuy qan kikiykita jina, nispa. Chayta ruwawajchej chayqa, allinta ruwankichej.

Santiago 5:4

Qankunataj mana pagarqankichejchu, chajraykichejpi llank'ajkunaman cosechata oqharispa, ch'aukiyasqas kasqankurayku. Chay cosechata oqharejkunataj qhaparishanku contraykichejpi; chaytaj atiyniyoj Señorpa ningrinman chayan.

1 Samuel 15:17

Samueltaj parlarqa: Qanqa mana kasuy runa karqanki, chaywampis Señorqa Israel ayllus ukhupi reyninku kanaykipaj ajllaspa churasorqa.