Efesios 5:3 - Qheshwa Biblia DC

³ Ama kachunchu qhenchachakuy, tukuy ch'ichi kay, chayrí munapayay ima. Chaykunataqa ama parlarillaychejpischu, imaynatachus Diospa ajllasqasnimpaj allin kan, ajinata.

DIOSPA QHELQACHISQAN DEUTEROCANONICAL

³ Qankuna ukhupirí khuchiriyopi purina ama kachunchu, nillataj millay kawsay, chayrí qolqemanta wañusqa kana ima. Chay jinata juchallispa purinaqa Diospa ayllun ukhupi mana kananchu.

DIOSPA QHELQACHISQ

³ Qankuna ukhupirí khuchiriyopi purina ama kachunchu, nillataj millay kawsay, chayrí qolqemanta wañusqa kana ima. Chay jinata juchallispa purinaqa Diospa ayllun ukhupi mana kananchu.

Quechua South Bolivia: Dios Parlapawanchej

³ Astawanpis khenchachacuyta, millay cajta, tucuy munapayay cajtapis sakeychej. Kancuna chaupipeka chaycunamanta ni parlaskallapis cachunchu Diospa runasnin caskayquichejraycu.

Efesios 5:3 ပူးပေါင်းရင်းမြစ်များ

Salmos 10:3

Sajra runaqa imaynatachus munasqanmanta alabakun. Munapayajqa maldicin, Señortaj qhesachan.

Salmos 119:36

Sonqoyta aysaway kamachisqasniykita mask'anaypaj; ch'ichi qhapajyaykunata amaña munapayanaypaj.

Éxodo 18:21

Chantapis qan ajllay israelitas ukhumanta allin yuyayniyoj qharista, Diosta manchachikojkunata, imastapis cheqanta ruwajkunata, qolqellamanta mana wañojkunata. Paykunata churaray sapa t'aqapi kurajkunas kanankupaj; paykunataj kamachichunku wakenqa waranqa runasta, wakintaj pachaj runasta, wakintaj phishqa chunka runasta, wakintataj chunka runasta kamachinankupaj.

Éxodo 20:17

Ama munapayankichu runa masiykej wasinta; ama munapayankichu runa masiykej warminta, ni qhari kamachinta, ni warmi kamachinta, ni wakanta, ni burronta, nitaj ni iman kajta.

Éxodo 23:13

Tukuy kay ima nisqasniyta waqaychaychej. Ama jayk'ajpis waj dioskunaj sutinta mentankichejchu, ni simillaykichejwampis oqharinkichejchu.

Proverbios 28:16

Mana yuyayniyoj wampu kamachejqa astawan yapakonqa mana allin kayta; qolqeta mana munapayajqa unayta kausanqa.

Jeremías 22:17

Qanrí, mana kajmanta qolqeta jap'iyllata munanki, mana juchayojkunata wañuchinki, runasniykita ñak'arichinki, waqachinkitaj.

Jeremías 6:13

Tukuyninku jatunmanta juch'uykama yuyanku qhasi manakajmanta qolqeta jap'iyllataña; profetas, jinatataj sacerdotespi llulleriosninkuwan ch'aukiyanku.

Jeremías 8:10

Chayraykutaj warmisninkuta waj qharisman jaywaykusaj, jallp'asninkutapis wajkunaman. Jatun juch'uy qhasi mana kaj, qolqeta jap'iyllataña yuyanku. Sacerdotes, jinataj profetaspis tukuyninku ch'aukiyanku.

Ezequiel 33:31

Ajinata aylloyqa jamuspa ñaupaqeykipi tiyarikun yachasqankuman jina, aylluypis kanman jinataj parlasqasniykita uyarinankupaj. Manataj uyarisqankuta ruwankuchu. Simisnillankuwan misk'ita parlanku, sonqonkupitaj qolqej qhepanta purishanku.

Levítico 15:18

Sichus uj qhari uj warmiwan puñunman mujuntaj llojsinman chayqa, iskayninku yakuwan mayllakunanku tiyan. Ch'isiyanankamataj iskayninku mana llimphupajchu qhawasqa kanqanku.

Miqueas 2:2

Jallp'asta munapayanku, jap'ikapunkutaj; wasista munapayanku, suwankutaj. Runastapis mayta ñak'arichinku, ayllusninkutapis chantá tukuy kapuyninkutapis.

Números 25:1

Israelitasqa Sitimpi tiyakorqanku; chaypitaj qharisqa Moab warmiswan qhenchachakuyta qallarerqanku.

San Mateo 15:19

Sonqomanta llojsimunku tukuy sajra yuyaykuna, runa wañuchiykuna, adulterio juchaman urmaykuna, solteropura juchallikuykuna, suwaykuna, llulla testigomanta sayaykuna, Diospa contranta rimaykuna ima.

San Lucas 12:15

Chantá nillarqataj: Qhawakuychej, tukuy imasta munapayaymanta. Runaj kausaynenqa mana qhapaj kayllapichu kashan.

San Lucas 16:14

Kay tukuyta uyarisharqanku qolqe munapayaj fariseos, asipayarqankutaj.

Hechos 15:20

Manachayqa escribina kachun: Ama qhasi dioskunaman jaywasqasta mikhunankuta, ama qhenchachakunankuta; ama jeq'eqasqa animalesta mikhunankuta, nitaj yawartapis.

Hechos 20:33

Mana pejpa qolqenta, qorinta, nitaj p'achanta munapayarqanichu.

Romanos 1:29

Paykunaqa junt'asqas karqanku mana cheqan ruwaykunawan, [qhenchachakuywan,] sajra kaywan, munapayaywan, qhawaraywan, runa wañuchiywan, phiñanakuywan, ch'aukiyaywan, sajra yuyaykunawan ima.

Romanos 16:2

Señorpa sutimpi, imaynatachus creejkuna ruwayta yachanku ajinata, payta wajyarikuychej. Imanchus pisiponqa chaytapis yanapaychej, imaraykuchus payqa ashkha hermanosta yanaparqa, ajinallatataj noqatapis yanapawarqa.

Romanos 6:13

Amallataj cuerpoykichejta juchaman qoychejchu, paynejta sajra imasta ruwanapajqa. Astawanqa qankuna kikiykichej wañusqasmanta kausarimusqas jina, Diosman qayllakuychej; cuerpoykichejtataj Diosman qoychej, cheqan kajta ruwanampaj.

1 Corintios 10:8

Ama noqanchejqa, paykunamanta wakinkuna jinachu qhenchachakusunchej. Paykunaqa chay uj p'unchayllapi wañurarqanku iskay chunka kinsayoj waranqa.

1 Corintios 5:1

Cheqamanta qankuna ukhupi qhenchachakuy kasqan uyarikun. Chay jina qhenchachakoyqa gentilespurapipis mana kanchu. Uj runa qankuna ukhupi tatampa warminwan kashan.

1 Corintios 6:13

Cheqamanta mikhunasqa wijsapaj, wijsataj mikhunaspaj. Chaywampis, iskayninta Dios chinkachenqa. Cuerpoqa mana qhenchachakunampajchu. Cuerpoqa Señorpata, Señortaj cuerpojta.

1 Corintios 6:18

Ayqeychej qhenchachakuymanta. Pillapis waj ima juchata ruwanman chayqa, cuerponmanta jawapi kashan. Pichus qhenchachakojqa cuerpompa contrampi juchallikun.

2 Corintios 12:21

Manchachikullanitaj, kutimojteyqa Diosniy k'umuykachachinawanta qankuna ukhupi. Ichapis waqanay kanqa, chay ashkha, ñaupajta juchallikojkunamanta, Diosman mana kutirisqankumanta, nitaj saqesqankumanta millay kausayninkuta, qhenchachakuyta, aychaj sajra munaynintapis.

Efesios 5:12

Uj p'enqay pakaypi ruwasqasninkumanta parlayllapis.

Efesios 5:5

Kayta yachaychej: Qhenchachakojqa, ch'ichi imasta ruwajqa, lantita yupaychajman rijch'akoj mich'a kajpis, mana chayaqeta jap'enqankuchu Cristojtawan, Diospatawan reinonkupi.

Filipenses 1:27

Munani ari allinta kausakunaykichejta, Cristoj evangelionman jina; ajinapi noqa watukoj jamojtiypis, chayri karupi kajtiypis, uyariyta munani qankuna sinch'is kasqaykichejta uj kikin espiritullapi, atipaspapuni uj yuyaylla evangeliopi feniykichej kasqanrayku.

Colosenses 3:5

Wañuchiychej ari qankunapi jallp'a patapi sajra imasta munasqaykichejta: Qhenchachakuyta, khuchiriota, aychaj munayninta ruwayta, sajra munapayayta, anchata qolqeta munapayayta ima. Chayqa lantita yupaychaywan ninakun.

1 Tesalonicenses 4:3

Kaymin Diospa munaynenqa: Llimphu sonqos kanaykichej, qhenchachakuymanta t'aqasqas.

1 Tesalonicenses 4:7

Diosqa mana millay kausaymanchu wajyasorqachej, astawanqa llimphu kausayman.

1 Timoteo 2:10

Manachayqa, allin ruwaykunata ruwachunku, Diosta yupaychaj warmis jina.

1 Timoteo 3:3

Kanallantaj tiyan mana machaj, mana churanakoj, manachayqa llamp'u sonqoyoj, munakuyniyoj, mana qolqeta munapayaj.

1 Timoteo 6:10

Tukuy sajra kajpa saphenqa qolqeta munakuy. Chayta munapayaspa wakenqa Diosmanta t'aqakorqanku, ashkha imaymana llakiykunapitaj rikukorqanku.

2 Timoteo 3:2

Runakuna kanqanku paykuna kikinkuta munakojkuna, qolqeta astawan munajkuna, alabakojkuna, jatunchakojkuna, Diospa contranta rimajkuna, tatasninkuta mana kasojkuna, mana yuyarejkuna, Diosta mana yupaychajkuna, mana khuyakojkuna, mana allinyakuyta munajkuna, qhasimanta tumpajkuna, sajra munaykunata mana atipayta atejkuna, rumi sonqos, allin kajta chejnejkuna, wasanchajkuna, mana kajmanta phiñakojkuna, runaykachajkuna, kay pacha kusikuykunata munakojkuna, Diosta munakunankumanta nisqaqa.

Tito 1:11

Chaykunataqa ch'inyachina tiyan. Chaykunaqa pejtunku wasintinta mana kajta yachachispa, qhasimanta qolqeta jap'ispa.

Tito 1:7

Iglesiapi uma kajqa mana k'amina kanan tiyan, Diospa mayordomon jina, mana jatunchakoj, mana usqhayllata phiñakoj, mana machaj, mana maqanakoj, nitaj qolqeta munapayaj.

Tito 2:3

Jinallataj paya warmispis allimpaj qhawasqas kachunku, maychus kanankupi; ama pita tumpaspa, ama machaspa, allin kajta yachachispa.

Hebreos 12:16

Ama pipis sajrata purichunchu, Diosta mana kasoj Esaú jina, pichus uj mikhunaraykulla kuraj kayninta chhalarqa.

Josué 7:21

Jericopi chay tukuy imas ukhupi, uj k'achitu babilonia mantata rikorqani, iskay pachaj qolqeta, khuskan kilo kuraj jina sayt'u p'alta qoritawan. Chaykunata anchata munasqayrayku pakaykorqani, apaspataj jaray uraman p'ampaykorqani, qolqetataj aswan uraman churaykuspa.

1 Pedro 5:2

Qankuna ukhupi kashanku, chay Diospa t'aqa ovejasninta michiychej, allinta paykunata qhawaspa, ama kamachisqas jinachu, astawanqa munayniykichejman jina; nitaj qolqeta mask'aspachu; manachayqa ancha munakuywan; chay churasqas kashanku qhawanaykichejpaj; ama qankunajtapis kanman jinachu kamachiychej, astawanqa, ovejas qankunamanta yachakunankupaj jina allinta puriychej.

2 Pedro 2:10

Astawantaj ñak'arichenqa pikunachus aychaj qhepanta, munapayaypi, millay kausaypitaj purispa, Señorta mana kasunkuchu, chaykunata. Mana manchayniyojkuna, mana kasukojkunataj, jatun atiykunapaj sajrata rimayta mana manchachikunkuchu.

2 Pedro 2:14

Ñawisninkoqa qhenchachakuywan junt'a kanku, juchallikuywantaj mana sajsakunkuchu; pisi kallpachasqa runasta ch'aukiyaspa juchallichinku, sonqonkupis tukuy imata munapayayman yachasqa, maldicisqastaj kanku.

2 Pedro 2:3

Qolqeta munapayaspataj qankunamanta qhatuta ruwanku, llullata parlaspa; paykunapajtaj jasut'eqa unaymantaña mana qonqasqachu kashan, chinkayninkupis mana puñushanchu.

Apocalipsis 2:14

Chaywampis uj pisi imas contraykipi tiyapuwan: Balaampa yachachiyninwan kajkunata chaypi jap'ikushanki. Payqa Balacta yachacherqa Israelpa churisnimpa ñaupaqenman misk'anata churananta, lantikunaman jaywasqata mikhunankupaj, qhenchachakunankupaj ima.

Apocalipsis 2:21

Unayta suyarqani juchamanta Diosman kutirikunanta; manataj payqa munanchu chay qhenchachakuy juchamanta kutirikuyta.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.

Apocalipsis 9:21

Manataj kutirikorqankuchu juchasninkumanta, runata wañuchisqankumanta, layqachisqankumanta, qhenchachakusqankumanta, suwasqasninkumanta ima.

1 Samuel 8:3

Chaywampis chay wawasnenqa mana tatanku jinachu imatapis allinta ruwarqanku, manachayqa qolqeta munapayayman qokaporqanku, chanta lluk'ichikorqanku, nitaj imatapis cheqantachu ruwarqanku.