Efesios 4:31 - Qheshwa Biblia DC

³¹ Qankunamanta qhechukuychej tukuy jaya sonqowan kayta, phiñakuyta, k'araj phiñakuyta, qhaparqachayta, runaj contranta parlayta, tukuy sajra yuyaytawan.

DIOSPA QHELQACHISQAN DEUTEROCANONICAL

³¹ Qankunamanta tukuy jaya sonqo kayta, phiñakuyta, phiñasqalla puriyta ima wijch'uychej. Jinallataj qhaparqachayta, runata tumpayta, chantá tukuy imaymana mana allin puriyta ima wijch'ullaychejtaj.

DIOSPA QHELQACHISQ

³¹ Qankunamanta tukuy jaya sonqo kayta, phiñakuyta, phiñasqalla puriyta ima wijch'uychej. Jinallataj qhaparqachayta, runata tumpayta, chantá tukuy imaymana mana allin puriyta ima wijch'ullaychejtaj.

Quechua South Bolivia: Dios Parlapawanchej

³¹ Wijch'uychej tucuy jaya yuyayta, rabiacuyta, phiñacuyta, khaparkachayta, sajra parlaytapis, tucuy imaymana sajra caytawan.

Efesios 4:31 ပူးပေါင်းရင်းမြစ်များ

Génesis 27:41

Chaymantapacha Esauqa Jacobta manchayta chejnikorqa, tatanwan bendicionta qochikusqanmanta: Tatayqa ñapis wañuponqaña, chaymanta wañurparichisaj Jacobta, nispa.

Génesis 37:21

Rubentaj chayta uyarispa, wauqesnin wañuchinankuta yuyaspa nerqa: Ama wañuchinachu.

Génesis 37:4

Chaymanta wauqesnenqa reparakorqanku payllata astawan munakusqanta paykunamanta nisqaqa, ajinamanta chejnikuyta qallarerqanku, ni napaykullajpischu kanku.

Génesis 4:8

Uj kuti Caenqa Abelta pusarqa, jaku campoman, nispa. Chay campopi kashaspataj, Caenqa wauqen Abelta maqayta qallarerqa wañuchinankama.

2 Samuel 13:22

Absalonqa mana imatapis nerqachu Amnontaqa, chaywampis payta sinch'ita chejnikorqa, panan Tamarpa honranta t'akasqanmanta.

2 Samuel 19:27

Chaywampis payqa qanman qhasimanta ch'ataykuwan, jinapis qan reyneyqa Diospa angelnin jina kanki, imachus allinta rijch'asusqantataj ruway.

2 Samuel 19:43

Israelmanta kajkunataj kuticherqanku: Noqaykojtaqa reypi tiyapuwayku chunka jinaswanraj qankunamanta nisqaqa, Davidpipis qankunamanta astawanraj. Ajina kajtin, imaraykutaj mana kajpaj qhawawaykuri? Manachu noqaykoqa qankunamanta aswan ñaupajta mañarqayku reyninchej kutimpunanta? Chaywampis, Judá ayllumanta kajkunaqa aswan sinch'ita parlarqanku israelitasmanta nisqaqa.

Salmos 101:5

Noqaqa chinkachisaj, pakayllamanta runa masinkupaj rimajkunata; runaykachajkunata, wapu wapu kajkunatawan mana rikuyta atinichu.

Salmos 140:11

Ch'ichi simeqa ama kay pachapi sayachunchu, runa maqajtaqa mana allin qhatirichun, chinkarichuntaj.

Salmos 15:3

Mana pimantapis sajrata parlaj, kausaqenta mana wasanchaj, runa masinta qhasimanta mana ch'ataykoj.

Salmos 37:8

K'ajaj phiñakuyta saqey, qhesachaytaj; amapuni phiñakuychu, imaraykuchus chayqa astawan millayman tukuchin.

Salmos 50:20

Mana kajmanta wauqeykita ch'atanki, kikin ñuñoj masi wauqeykiwan churanakunki.

Salmos 64:3

Espadata jina qallunkuta filoyachinku. Parlayninkoqa venenoyoj flechas jina.

Proverbios 10:12

Chejnikoyqa phiñakuyta apamun; munakuyrí perdonan tukuy pantasqasta.

Proverbios 10:18

Chejninakuyta pakayqa llullamin; qhasimanta sajra parlaykunata junt'achiytaj wampumin.

Proverbios 14:17

Rato phiñakuyniyojqa imatapis ruwallan mana unanchaspa. pichus unanchajqa mana imamampis yaykullanchu.

Proverbios 18:8

Cuentosninkoqa misk'i mikhuna jina, runaj ukhunmampuni chayan.

Proverbios 19:12

Reypa phiñakuynenqa leompa qhaparisqan jina, khuyakuyninrí qhora patapi chhulla jina.

Proverbios 25:23

Pata ladomanta wayramojtin paraqa chayamun; ajinallataj sajra parlaykuna kajtin phiñasqa uya rikhurin.

Proverbios 26:20

Mana llant'ayoj ninaqa wañupun; ajinallatataj mana cuento apaykuna kajtenqa phiñanakuykuna tukukapun.

Proverbios 29:22

Machu machu phiña runa kajqa, chay jina kasqanwan maqanakusta oqharin, maytataj juchachakun.

Proverbios 29:9

Yachayniyoj runa wampu runawan quejaman yaykunku chayqa, phiñakuspapis, phujllakuspapis mana samarikuyta tarinchu.

Proverbios 6:19

llulla sut'inchajpa llullakusqasninta, hermanos ukhupi maqanachiyta munajta.

Eclesiastés 7:9

Ama imamantapis phiñakullaychu; phiñakoyqa wampu runasllapaj allin.

Jeremías 6:28

Señor, tukuy paykuna oqharikojkuna kanku, cuento q'epi runas kanku, chantá millay puriyniyojkuna kanku; bronce jina, fierro jinataj kanku.

Jeremías 9:4

Kausaqesninchejmampis mana atienekunachu, nitaj kikin wauqesninchejmampis atienekusunmanchu, Wauqepurapis ch'aukiyanakunku, kausaqentimpurapis llullakuywan ch'atanaykukunku.

Hechos 21:30

Ajinamanta, tukuy llajtantin oqharikuspa, Pablota jap'iykorqanku, qhatatispataj templomanta orqhorqanku. Chay kikimpachataj punkusta wisq'ararqanku.

Romanos 3:14

Siminkoqa junt'a kashan maldicionwan, jayawantaj.

1 Corintios 14:20

Hermanos, yuyaypeqa ama wawas jina kaychejchu, astawanqa sajra yuyaypaj wawas jina kaychej. Machu runas jina allinta yuyaychej.

1 Corintios 5:8

Chayrayku, kunanqa ruwaychej Pascuataqa sumaj sonqowan, cheqa kajwan. Chaykunamá mana levadurayoj t'anta jina kanku; astawanqa ruwana tukuy sonqowan, cheqan yuyaywantaj.

2 Corintios 12:20

Manchachikushani, qankunata watukoj jamuspaqa, mana munasqayman jinachu taripanayta. Manchachikullani taj qankunaqa mana qhawarinawaykichejta munasqaykichejman jina. Chantá yuyallanitaj qankuna ukhupi kananta churanakuykuna, qhawanakuykuna, phiñanakuykuna, t'aqanakuykuna, sajra rimaykuna, thutuykuna, jatunchakuykuna, ch'ajwaspi pejtunakus ima.

Efesios 4:22

Ñaupa sajra kausayniykichejmanta, mauk'a runamantawan t'aqakuychej; imaraykuchus sajra munaynimpa atipasqan, ch'aukiyasqantaj.

Efesios 4:25

Chayrayku llullakuyta saqespa, sapa ujqa cheqata parlaychej runa masisniykichejwan; imaraykuchus ujkuna ujkunawan uj cuerpollamanta kanchej.

Efesios 4:26

Phiñakuspaqa, ama juchallikuychejchu, nitaj phiñasqa kashajtiykichejpis inti yaykupuchunchu.

Colosenses 3:19

Jinallataj qosaspis warmisniykichejta munakuychej, amataj paykunawan sajras kaychejchu.

Colosenses 3:8

Kunanqa saqeychej kay tukuy imasta: Phiñakuyta, phiñapayayta, sajra yuyayta, Diospaj rimayta, millay parlaykunata ima.

1 Timoteo 3:11

Warmispis jinallataj allimpaj qhawasqas kachunku, ama tumpajkuna, mikhuypi ujyaypipis allin yuyayniyoj, tukuy imapipis allin kausayniyojkuna.

1 Timoteo 3:3

Kanallantaj tiyan mana machaj, mana churanakoj, manachayqa llamp'u sonqoyoj, munakuyniyoj, mana qolqeta munapayaj.

1 Timoteo 5:13

Qhella kayman yachakunku wasimanta wasi purispa; chantá mana qhellasllachu kanku, astawanqa cuentosta apanku, tukuy imaman sat'ikuspa, mana parlanata parlaspa.

2 Timoteo 2:23

Qhasi mana kaj wampu palabrasta qhesachay, yachaspa chaykunamanta churanakuykuna jamusqankuta.

Tito 1:7

Iglesiapi uma kajqa mana k'amina kanan tiyan, Diospa mayordomon jina, mana jatunchakoj, mana usqhayllata phiñakoj, mana machaj, mana maqanakoj, nitaj qolqeta munapayaj.

Tito 2:3

Jinallataj paya warmispis allimpaj qhawasqas kachunku, maychus kanankupi; ama pita tumpaspa, ama machaspa, allin kajta yachachispa.

Santiago 1:19

Chayrayku, munakusqa hermanosníy, sapa ujniykichej usqhayta uyariychej, pisita parlaychej, amataj usqhayta phiñakuychejchu.

Santiago 3:14

Chayrí, jaqay qhawanakupichus, churanakupichus sonqoykichej kashan chayqa, ama jatunchakuychejchu, nitaj cheqa kajpa contranta llullakuychejchu.

Santiago 4:11

Hermanos, ama ima sajrata rimaychejchu ujkuna ujkunapaj. Pichus hermanompaj sajrata rimanman, qhawarantaj chayqa, leypa contranta riman, qhawarantaj. Qampis, leyta qhawaranki chayqa, juez jina kanki, astawanqa chay leyta mana junt'ankichu.

1 Pedro 2:1

Chayrayku tukuy laya sajra yuyayta saqeychej, tukuy laya ch'aukiyayta, puraj uya kayta, qhawanakuyta, tukuy sajra rimaykunatawan.

1 Juan 3:12

Mana Caín jinachu kananchej; payqa supaypata kaspa, wauqenta wañucherqa. Imaraykutaj payta wañucherqari? Caimpa ruwasqasnin sajras karqanku, wauqempatataj allin karqanku.

1 Juan 3:15

Pillapis wauqenta chejnejqa, runa wañuchi; yachankichejtaj runa wañucheqa mana wiñay kausayniyoj kasqanta.

Apocalipsis 12:10

Janaj pachamanta uj sinch'ita parlamojta uyarerqani, nimojta: Kunanqa Diosninchejpa salvacionnin, atiynin, reinompis chayamunña, Cristompa atiynimpis. Hermanosninchejta ch'atajqa, wijch'usqa kashan, pichus tuta p'unchay Diosninchejpa ñaupaqempi paykunata ch'ataykoj, chay.