Efesios 4:30 - Qheshwa Biblia DC

³⁰ Diospa Santo Espiritunta ama llakichiychejchu. Paywan sellowan jina kankichej salvación p'unchaypaj.

DIOSPA QHELQACHISQAN DEUTEROCANONICAL

³⁰ Imaynachus purisqaykichejwan Diospa Santo Espiritunta ama llakichiychejchu, imaraykuchus paywan sellasqa kankichej jaqay jamoj p'unchaypi wiñay kawsaypaj kacharichisqa kanaykichejkama.

DIOSPA QHELQACHISQ

³⁰ Imaynachus purisqaykichejwan Diospa Santo Espiritunta ama llakichiychejchu, imaraykuchus paywan sellasqa kankichej jaqay jamoj p'unchaypi wiñay kawsaypaj kacharichisqa kanaykichejkama.

Quechua South Bolivia: Dios Parlapawanchej

³⁰ Amataj Diospa Santo Espiritunta llaquichiychejchu. Espiritunnejtamin sellaskas carkanquichej jakay jamoj p'unchaypi wiñay causaypaj cachariskas canayquichejpaj.

Efesios 4:30 ပူးပေါင်းရင်းမြစ်များ

Génesis 6:3

Señortaj nerqa: Mana saqesajchu runasqa kay jallp'a patapi wiñaypaj kausanankuta, imaraykuchus paykunaqa aychalla kanku. Chayrayku kausanqanku pachaj iskay chunkayoj watasllata.

Génesis 6:6

Chayrayku Señorqa pesachikorqa runasta ruwasqanmanta, mayta sonqonta nanachikuspa.

Salmos 78:40

Mashkha kutista Diospa contrampi sayaykorqanku. Ch'in pampapitaj payta phiñacherqanku.

Salmos 95:10

Tawa chunka watasta chay runa mitawan phiñasqa karqani. Nerqanitaj: Kay runasqa mana allintachu purinku, manataj kamachisqasniytapis kasuwankuchu.

Isaías 43:24

Mana noqapajqa q'apaj jawinasta ranterqankichu, nitaj uywa wañuchisqa wiraswampis sajsachiwarqankichu, mana chayqa jucha q'episniykita wijch'uykuwanki; chay jina millay juchata ruwasqasniykiwantaj sayk'uchiwarqanki.

Isaías 63:10

Chaywampis paykunaqa mana kasukuspa, Santo Espiritunta phiñacherqanku; chayrayku paykunaj contranta phiñarikorqa, paykuna kikinwan maqanakuspa.

Isaías 7:13

Isaiastaj nerqa: Kunanqa uyariychej, Davidpa mirayninmanta kajkuna. Qankunapajqa runasta sayk'uchinaqa pisichu, Diosniytapis sayk'uchiyta munanaykichejpajqa?

Ezequiel 16:43

Sipas kasqaykimanta qonqakaporqanki sajra imasta ruwaspa, millay juchapi purispataj phiñachiwarqanki. Chayrayku, noqaqa chay purisqaykiman jina jasut'isqayki. Manapuni yuyarqankichu manchayta k'achanchakusqaykimantapis. Noqa Señormin chaytaqa nini.

Oseas 13:14

Sepulturaj makinmantapis kacharichinaychu kanqa? Wañuymantapis orqhonaychu karqa? Maypitaj kashan, oh wañuy, chay wañuchej atiyniykiri? Manaña kay runaspaj khuyayneyqa kanqañachu!

Marcos 3:5

Chaymantá, Jesusqa muyuynimpi kajkunata phiñakuspa qhawarerqa, paykunamantataj llakikorqa rumi sonqos kasqankurayku; runamantaj nerqa: Aysariy makiykita. Paytaj makinta aysarerqa, thañikaporqataj.

San Lucas 21:28

Kay tukuy ima ruwakuyta qallarejtin, sayaykukuychej umaykichejta oqharispa. Qayllamushanña kacharisqa kanaykichej p'unchayqa.

San Juan 3:33

Pillapis yachachisqanta jap'ikojqa, willallantaj Diosqa cheqapuni kasqanta, imaraykuchus Diospa kachamusqanqa, Diospa palabranmanta parlan, Diosqa Espiritunta mana tupusqata qosqanrayku.

Hechos 7:51

Estebanqa nillarqataj: Qankunaqa mana yuyayniyoj rumi sonqos, mana uyarikojtaj kankichej. Chayrayku Santo Espíritoj contrampi kankichej, ñaupa tatasniykichej jina, wapuchakunkichejtaj.

Romanos 8:11

Wañusqamanta Jesusta kausarichejpa Espiritunchus qankunapi kashan chayqa, pitachus Dios kausarichimorqa, chayllataj wañusqa ukhuykichejta kausarichimonqa, qankunapi kashan chay Espiritunejta.

Romanos 8:23

Chantá mana chayllachu, astawanqa Espiritojta ñaupaj kaj regalosninta japejkuna, sonqonchejpi waqanchej, suyaspa Diospa wawasnimpaj rejsisqa kayta munaspa, ukhunchejpis kacharisqa kananta.

1 Corintios 1:30

Qankunaqa Diosrayku Cristo Jesuspi kashankichej; Cristotaj noqanchejpajqa yachay, cheqan kay, t'aqasqa kay, kacharichisqataj kay; imaraykuchus escribisqapi kasqanman jina: Jatunchakuyta munajqa, Señorpi jatunchakuchun.

1 Corintios 15:54

Maypachachus kay ismoj cuerpo p'achallikunman mana ismojwan, kay wañuytaj p'achallikunman mana jayk'aj wañojwan chayqa, chaypacha junt'akonqa escribisqaman jina: Wañuytaqa Cristoj atipaynin upiykun.

1 Tesalonicenses 5:19

Ama thasnuychejchu Espirituta.

Hebreos 10:29

Mashkhatawanraj yuyankichej jasut'isqa kananta chay runa Diospa Churinta saroj, yawar tratontataj millay nej, chaypitaj llimphuchasqa karqa, khuyakoj Espiritupajtaj rimarqa?

Hebreos 3:10

Chayrayku, chay runaj miraynimpaj phiñakorqani, nerqanitaj: Sonqonkupi pantashanku; manataj ñankunasniytapis rejserqankuchu.

Hebreos 3:17

Pikunapajtaj Dios phiñasqa karqa tawa chunka watastari? Manachu juchallikojkunapaj karqa, paykunaj ayasninkutaj ch'in pampapi wijch'urayarqanku?

Jueces 10:16

Israelitastaj t'aqakorqanku chay mana rejsisqa dioskunasninkumanta, Señortataj yupaycharqanku, Señorpis manaña munarqachu israelitas astawan ñak'arinallankutapuni.