Efesios 4:29 - Qheshwa Biblia DC

²⁹ Simiykichejmantapis ama ima sajra parlaykunapis llojsichunchu, manachayqa cheqan kajta parlaychej, uyarejkuna wiñanankupaj Diospa yanapayninwan.

DIOSPA QHELQACHISQAN DEUTEROCANONICAL

²⁹ Ama millay ch'ichi kajta parlaychejchu, manachayqa imachus allin kajllata. Ajina parlasqaykichejwan uyarisojkunata wiñanankupaj yanapankichej.

DIOSPA QHELQACHISQ

²⁹ Ama millay ch'ichi kajta parlaychejchu, manachayqa imachus allin kajllata. Ajina parlasqaykichejwan uyarisojkunata wiñanankupaj yanapankichej.

Quechua South Bolivia: Dios Parlapawanchej

²⁹ Ama ima millay parlaypis simiyquichejmanta llojsichunchu. Manachayrí allin cajta parlaychej hermanosta wiñachinapaj. Ajinamanta uyarejcunata c'achata yanapanquichej.

Efesios 4:29 ပူးပေါင်းရင်းမြစ်များ

Salmos 45:2

Aswan k'acha runa kanki. Simiykimanta misk'i parlay t'ojyarimun. Chayrayku Diosninchej wiñaypaj bendicisorqa.

Salmos 5:9

Paykuna llullakullankupuni. Sonqonkupeqa sajrallata yuyanku. Mallq'ankoqa kicharisqa sepultura jina, misk'ita parlaspapis mana cheqantachu ninku.

Salmos 52:2

Sajra ruwayllapipuni qanqa yuyanki. Qalluykeqa sumaj khuchoj cuchillo jina ch'aukiyan.

Salmos 71:24

Diantinta simiypis willanqapuni, qan cheqan kasqaykita, p'enqaypi rikhurispa qhepakunku, noqapaj sajrata munajkunaqa.

Proverbios 12:13

Sajra runaqa kikin llullakusqallampitaj maniakun; cheqan runarí chay tukuy ñak'ariymanta llojsin.

Proverbios 15:23

Runaqa kusikun imatachus tapukusqanman jina kutichiyta tarispa; allin tiempopiraj kajtintaj astawanraj kusikun.

Proverbios 15:7

Yachayniyojkunaj simenqa yachayta tukuynejman t'akan; wampusqa yuyayninkuwan mana jinatachu ruwanku.

Proverbios 16:21

Pichus sumajta unanchajqa yachayniyojpaj qhawasqa; misk'i parlaynenqa rikuchin yachayniyoj kasqanta.

Eclesiastés 10:12

Yachajniyoj runaj palabrasnenqa k'achapuni. Wampu runaspa palabrasninrí, mana allinchu, manachayqa payllatataj urmachin.

Isaías 50:4

Señorqa yachayniyojkunaj yachayninta qowarqa, imaynamantachus sayk'usqasman parlanayta. Sapa paqarin uyarichiwan; ajinamanta yachachisqan jina sumajta uyarinaypaj.

San Mateo 5:16

Ajinallatataj k'anchayniykichejqa k'anchachun runaspa ñaupaqempi. Paykunapis allin ruwasqaykichejta rikuspa, janaj pachapi kashaj Tataykichejta yupaychanankupaj.

San Lucas 4:22

Ancha allimpuni Jesusqa tukuyninkuman rijch'arqa; chay jinata parlasqanmantataj t'ukuspa tapunakorqanku: Manachu kayqa Josejpa churin?, nispa.

San Juan 1:37

Iskay yachachisqastaj parlajta uyarispa, Jesusta qhatikorqanku.

Romanos 14:19

Ajinaqa, imachus sonqo tiyakuyta apamun, chayta qhatina, purajmanta kallpachankuspa.

Romanos 15:2

Sapa ujninchej runa masinchejta kusichina, allin kajta ruwaspa, ajinamanta fepi wiñananchejpaj.

1 Corintios 14:19

Chayrayku noqaqa phishqa palabrasllata iglesiapi yuyaywan parlayman, wajkunaman yachachinaypaj; chunka waranqa palabrasta mana rejsisqa parlaykunapi parlanaymantaqa.

Efesios 4:16

Paynejta tukuy cuerpoqa allin wakichisqa kashan. Pay kikimpi tukuy iman sumaj t'inkisqa ankuswan ujllaman tukunku, yanapanakuspa maychus sapa uj ruwasqanman jina; sayankutaj munakuypi sayachinakuspa.

Colosenses 4:6

K'acha misk'i simiwan parlaychej, kachiwan kachinchasqata jina. Chaymantaqa yachaychej imaynatachus sapa ujman kutichinaykichej kasqanta.

1 Tesalonicenses 5:11

Chayrayku, qankuna ukhu sonqochanakuychej, qankunapurataj sayachinakuychej; imaynatachus ruwashankichej ajinata.

1 Pedro 2:12

Allinta kausakuychej Diosta mana rejsejkuna ukhupi. Paykunaqa sajra runaspaj jina qankunapaj rimashanku; Señor chayamojtintaj, Diosta yupaychanqanku, allin ruwasqasniykichejta rikuspa.

1 Pedro 3:1

Ajinallatataj, qankunapis warmis, qosasniykichejta kasuychej; ajinamanta Diospa palabrampi mana creejkunapis, warmisninkoj sumaj kausayninta rikuspa, mana palabrallawan Señorman kutirinankupaj; ajinallatataj rikuspa, llimphu puriyniykichejta, Diosta manchachikusqaykichejtawan.

2 Pedro 2:18

Chay runasqa, jatunmanta qhasi mana kajta parlaspa, wajkunata aychaj millay munayninman, tukuy laya runasman ima pusanku pikunachus cheqamanta ayqerqankuña, chay pantaypi kausajkunamanta.