Efesios 4:25 - Qheshwa Biblia DC

²⁵ Chayrayku llullakuyta saqespa, sapa ujqa cheqata parlaychej runa masisniykichejwan; imaraykuchus ujkuna ujkunawan uj cuerpollamanta kanchej.

DIOSPA QHELQACHISQAN DEUTEROCANONICAL

²⁵ Chayrayku llullakuyta saqespa, sapa ujpis runa masiykichejwan cheqa kajta parlaychej, imaraykuchus tukuy uj ukhullaman ujchasqa kanchej.

DIOSPA QHELQACHISQ

²⁵ Chayrayku llullakuyta saqespa, sapa ujpis runa masiykichejwan cheqa kajta parlaychej, imaraykuchus tukuy uj ukhullaman ujchasqa kanchej.

Quechua South Bolivia: Dios Parlapawanchej

²⁵ Uj cuerpopi ujchaska canquichej. Chayraycu llullacuyta wijch'uspa sapa uj cheka cajta parlanacuychej runa-masiyquichejwan.

Efesios 4:25 ပူးပေါင်းရင်းမြစ်များ

1 Reyes 13:18

Machu runa kajqa llullakuspa nerqa: Noqapis qan jina profetallataj kani, nispa, Señorpa uj angelnintaj kamachiwan: Rispa pusamuy qampa wasiykiman t'antata mikhunampaj, yakutapis ujyanampaj.

Salmos 119:29

Llulla ñanmanta karunchaway, khuyakuyniykiman jina, allinta ruwaway.

Salmos 15:2

Llimphu kausayniyoj kajlla, cheqan kajta ruwajtaj, mana llullakuspa cheqanta parlaj kaj.

Salmos 52:3

Astawan munanki sajrata ruwayta, allin ruwaymantaqa llullakuyta munanki, cheqanta parlaymantaqa.

Éxodo 23:7

Llulla parlaykunamanta t'aqakuy, amataj wañuchinkichu mana juchayojta, cheqan kaj runata; noqa juchasapataqa mana qhawasajchu mana juchayojpaj.

Proverbios 12:17

Cheqanta parlaj runaqa sut'inta sut'inchan; uj llulla runarí llullarikuspa nin jina kasqanta.

Proverbios 12:19

Pichus kasqanta parlajqa wiñaypaj sayanqa, llulla runarí uj ratollata sayanqa.

Proverbios 12:22

Señorqa llullasta chejnikun; pichus cheqata imatapis ruwajtarí, k'acha munakuywan qhawan.

Proverbios 21:6

Llullakuspalla may jatunta yuyaspa qhapajyayta mask'ayqa, wañuyllata mask'an.

Proverbios 24:28

Ama qhasimanta runa masiykej contranta sut'inchankichu, amataj simiykiwan ch'akiyaychu.

Proverbios 6:17

Leqhoj ñawista, llulla parlaykunata, mana juchayoj runata wañuchiyta,

Proverbios 8:7

Imatachus nisqaykichej, chaytaj cheqanmin; mana munanichu noqaqa llullata parlayta.

Isaías 63:8

Señorqa nerqa: Cheqamanta noqaj aylluy kanku, mana llullakoj wawas kanku, noqataj paykunata salvarqani, nispa.

Isaías 9:15

Umaqa niyta munan kuraj runas, kurajkunasninku ima, chupataj niyta munan llullata yachachej profetas.

Oseas 4:2

May chhikasta paykuna ukhupeqa qhasillamanta juranku, llullakunku, wañuchinakunku, suwanakunkutaj chantá chay qhencheríos, sajra ruwaykunas, wañuchinaykunaspis qhepampi, qhepampi kallampuni.

Levítico 19:11

Ama suwaychejchu. Ama llullakuychejchu, nitaj ch'aukiyanakuychejchu.

Zacarías 8:16

Kayta qankunaqa ruwanallaykichejpuni kanqa: Amapuni llullataqa parlaychejchu ujkuna ujkunawan. Sumaj cheqa kajpi juzgaychej, allin kaypi ujkuna ujkunawan justicia wasi punkutapis pasaychej.

San Juan 8:44

Qankunaqa tataykichej supaymanta kankichej; chay tataykichejpa munaynintataj junt'ayta munankichej. Payqa runa wañuchipuni qallariymantapacha karqa, manataj jayk'ajpis cheqapeqa sayarqachu, nitaj cheqa kajqa sonqompichu karqa. Llullata parlaspaqa, paypa kayninmanta parlan; imaraykuchus payqa llulla, llullakuypa tatan kasqanrayku.

Romanos 12:5

Ajinallataj noqanchejpis, ashkha kaspa, Cristopi uj cuerpolla kanchej, sapa ujtaj ujkuna ujkunawan cuerpoj partesnin jina kanchej.

1 Corintios 10:17

Ujlla t'anta kajtin, noqanchejtaj ashkhas kaspa uj cuerpolla kanchej, imaraykuchus tukuyninchej uj t'antallamanta mikhunchej.

2 Corintios 7:14

Sichus Titowan kusikorqani chayqa, mana p'enqakorqanichu qankunamanta. Tukuy ima cheqa kajta parlarqayku, Titowan kusikusqaykoqa cheqapuni karqa.

Efesios 4:15

Chayrayku cheqa kajta qhatikuspa, munakuypi Cristowan khuska wiñana tukuy imapi; imaraykuchus Cristomin umaqa.

Efesios 4:22

Ñaupa sajra kausayniykichejmanta, mauk'a runamantawan t'aqakuychej; imaraykuchus sajra munaynimpa atipasqan, ch'aukiyasqantaj.

Efesios 4:31

Qankunamanta qhechukuychej tukuy jaya sonqowan kayta, phiñakuyta, k'araj phiñakuyta, qhaparqachayta, runaj contranta parlayta, tukuy sajra yuyaytawan.

Efesios 5:30

Paypa cuerponmanta kanchej, [aychanmanta, tullusninmanta ima].

Colosenses 3:8

Kunanqa saqeychej kay tukuy imasta: Phiñakuyta, phiñapayayta, sajra yuyayta, Diospaj rimayta, millay parlaykunata ima.

Colosenses 3:9

Chantá ama purajmanta llullanakuychejchu. Qankunaqa chay mauk'a runa jina kausayta saqerqankichejña mosoj runamanta p'achawan jina p'achallikunaykichejpaj. Mosoj runaqa ruwajnimpa rijch'ayninman jina mosojyachisqa wiñashan.

1 Timoteo 1:10

Millay purejkunapaj, qharipura juchallejkunapaj, runasta suwajkunapaj, llullaspaj, qhasimanta Diospa sutinta oqharejkunapaj, allin yachachiypa contrampi kajkunapaj.

1 Timoteo 4:2

Puraj uyas parlanqanku llullakuspa. Paykunaj concienciankutaj rupha fierrowan jina marcasqa kashan.

Tito 1:12

Uj Creta llajtayoj profeta llajta masisninmanta paraspa nerqa: Cretensesqa llullas kanku, k'ita uywas jina, mikhunawan mana sajsay atejkuna, qhellastaj.

Tito 1:2

Wiñay kausay suyaypi, mayqentachus mana llullakoj Dios qosqaykichej nerqa, manaraj kay mundo ruwasqa kashajtin.

Hebreos 12:1

Chayrayku, noqanchejpis, chay chhika rikojkunawan muyurisqa kaspa, uj jatun phuyuwan jina, tukuy llasata, muyuykuwajninchej juchatapis saqena. Pacienciawan usqhayta phawana churasqa kashan noqanchejpaj chay maqanakuman.

Santiago 1:21

Ajinata ari, tukuy millay kajta, sajra kajkunatapis saqepuychej. Sonqoykichejpi tarpusqaña chay palabrata llamp'u sonqowan jap'ikuychej. Chaytaj almaykichejta salvayta atin.

1 Pedro 2:1

Chayrayku tukuy laya sajra yuyayta saqeychej, tukuy laya ch'aukiyayta, puraj uya kayta, qhawanakuyta, tukuy sajra rimaykunatawan.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.

Jueces 16:11

Sansontaj kuticherqa: Sichus wataykuwankichejman simp'asqa mosoj watanaswan, manaraj pejpa watasqanwan chayqa, kallpayta chinkachisaj qankunamanta mayqen runa jinallataj kasaj.