Efesios 4:22 - Qheshwa Biblia DC

²² Ñaupa sajra kausayniykichejmanta, mauk'a runamantawan t'aqakuychej; imaraykuchus sajra munaynimpa atipasqan, ch'aukiyasqantaj.

DIOSPA QHELQACHISQAN DEUTEROCANONICAL

²² Chayrayku ñawpajta imaynatachus kawsaj kankichej, chayta saqespa, juchallispa purinaman qosqa sonqota wijch'uychej. Chay sonqoqa sajra munayninpa atipasqan, q'otiyasqantaj.

DIOSPA QHELQACHISQ

²² Chayrayku ñawpajta imaynatachus kawsaj kankichej, chayta saqespa, juchallispa purinaman qosqa sonqota wijch'uychej. Chay sonqoqa sajra munayninpa atipasqan, q'otiyasqantaj.

Quechua South Bolivia: Dios Parlapawanchej

²² Chayraycu imaynachus causarkanquichej, chay mauc'a causayta wijch'upuychej. Mauc'a causayka millay llulla munaycunawan ismushan.

Efesios 4:22 ပူးပေါင်းရင်းမြစ်များ

Job 22:23

Sichus ujtawan Tukuy Atiyniyojman kutirinki chayqa, wasiykipi imachus mana cheqan kajta ayqechinki.

Proverbios 11:18

Juchasapa runaqa uj ch'aukiyay pagota jap'in; pichis cheqan kajta ruwajqa sumaj t'inkata jap'enqa.

Jeremías 17:9

Mana imapis runaj sonqon jina ch'aukaqa kanchu, nitaj millayta ruwajpis. Pitaj chayta rejsiyta atinmanri?

Jeremías 49:16

Qan mayta runaykachasqaykirayku ch'aukiyachikorqanki, imaraykuchus mancharikuyllata chimpachej kanki. Qanqa chhanka k'ajllusllapi kausakoj kanki, orqoj puntasninmanta jap'ikuspa. Anka jinapis may altopi thapachakuy, chaymantapis uraykuchimusqayki. Noqa Señor chayta nini.

Abdías 1:3

Chay wapuykachasqayki ch'aukiyasorqa kausanki chhanka k'ajlluspi tiyakunkitaj pata patasnimpi. Chayrayku creerqanki mana pipis urmachinasunta.

Romanos 6:6

Yachanchej mauk'a runanchejqa paywan khuska chakatasqa kasqanta, juchallikoj aychanchej wañunampaj, amañataj astawan juchata kasunanchejpaj.

Romanos 7:11

Juchaqa leynejta ch'aukiyawarqa, chay leynejtataj wañuchiwarqa.

2 Corintios 11:3

Manchachikuni imaynatachus katari llullakuspa ch'aukiyarqa Evata, ajinallatataj yuyayniykichejta pantachinanta, tukuy sonqo, llamp'u sonqostaj Cristowan kanaykichej kashajtin.

Gálatas 1:13

Ñapis qankunaqa uyarerqankichejña noqamanta, imaynatachus ñaupajta judiospa yachachiynimpi kashaspa, Diospa iglesianta anchatapuni qhatiykacharqani chinkachinaypaj.

Efesios 2:3

Chaykuna ukhupi tukuyninchej, chay p'unchaykunapi aychanchejpa sajra munaynimpi purej kanchej, aychaj munayninta, yuyaypa munayninta ima ruwaspa. Ajinata ruwaspa, noqanchejpis phiñakuywan jasut'inapaj jina karqanchej, chay wajkuna jina.

Efesios 4:17

Kayta ari niykichej, anchatapuni mañakuykichej Señorpa sutimpi; amaña wakin gentiles jina purinaykichejta. Paykunaqa qhasita yuyayninkuman jina purinku.

Efesios 4:25

Chayrayku llullakuyta saqespa, sapa ujqa cheqata parlaychej runa masisniykichejwan; imaraykuchus ujkuna ujkunawan uj cuerpollamanta kanchej.

Efesios 4:31

Qankunamanta qhechukuychej tukuy jaya sonqowan kayta, phiñakuyta, k'araj phiñakuyta, qhaparqachayta, runaj contranta parlayta, tukuy sajra yuyaytawan.

Colosenses 2:11

Jinallataj paypi circuncidasqas kankichej, mana makiwan ruwasqawanchu. Qankuna aychaj juchanta wijch'orqankichejña, Cristopi circuncidachikuspa.

Tito 3:3

Noqanchejpis ñaupajtaqa mana yuyayniyoj karqanchej, Diosta mana kasuspa, chinkasqas aychaj munaynimpi, imaymana sajra munaykunaman qokuspa, mana allin yuyaypi, qhawanakuspa, chejnisiris, chejninakuspataj ujkuna ujkunawan.

Hebreos 12:1

Chayrayku, noqanchejpis, chay chhika rikojkunawan muyurisqa kaspa, uj jatun phuyuwan jina, tukuy llasata, muyuykuwajninchej juchatapis saqena. Pacienciawan usqhayta phawana churasqa kashan noqanchejpaj chay maqanakuman.

Hebreos 3:13

Astawanqa, sapa p'unchay purajmanta kallpachanakuychej, p'unchay kashajtin, ama mayqenniykichejpis juchaj ch'aukiyaynimpi rumiyanampaj.

Santiago 1:21

Ajinata ari, tukuy millay kajta, sajra kajkunatapis saqepuychej. Sonqoykichejpi tarpusqaña chay palabrata llamp'u sonqowan jap'ikuychej. Chaytaj almaykichejta salvayta atin.

Santiago 1:26

Pichus qankunamanta Diosta yupaychasqanta yuyanman, manataj siminta wisq'anchu chayqa, pay kikin sonqonta ch'aukiyan, Diosta yupaychasqantaj qhasi mana kaj.

1 Pedro 1:18

Qankuna yachankichej Dios kacharichisusqanta chay qhasi mana kaj kausayniykichejmanta, mayqentachus tatasniykichejmanta jap'erqankichej; mana tukukoj imaswanchu rantispa, mana qoriwan jinachu, nitaj qolqewan jinachu, astawanqa, Cristoj qhapaj yawarninwan. Payqa mana ch'ichiyoj, mana onqoyniyoj cordero jinataj wañuchisqa karqa.

1 Pedro 4:3

Mana creejkunaj munayninta ruwasqaykichejqa tukukunña qankunapaj. Chaypacha purej kankichej millay juchaspi, sajrata purispa, machaykuykunaspi, qhochukuspi, anchata ujyaspa, chejnina lantista yupaychaspa ima.

2 Pedro 2:13

Chay t'inkatataj jap'inku mana cheqan kajta ruwasqankumanta. Paykunaqa misk'ichikunku, sapa p'unchaypa kusiyninwan. Chaykunaqa millay, ch'ichitaj kanku. Qankunawan khuska mikhushaspa, pantasqa ruwasqasninkupi kusikunku.

2 Pedro 2:7

Cheqanta kausakoj Lottarí ayqecherqa; payqa anchata llakikoj, chay juchasapaspa sajra kausayninkumanta.

1 Samuel 1:14

Chanta Eleqa nerqa: Mayk'ajkamataj machasqa kankiri? Saqellayña chay vinota!, nispa.