Efesios 4:18 - Qheshwa Biblia DC

¹⁸ Yuyayninku laqhayasqa kajtin, Diospi kay kausaymanta karunchasqas kanku, paykuna mana yachasqankurayku, rumi sonqostaj kasqankurayku.

DIOSPA QHELQACHISQAN DEUTEROCANONICAL

¹⁸ Paykunaj yuyayninkoqa mana allin yuyaykunawan laqhayachisqa kashan. Chayrayku Diospa qosqan kawsaymanta karupi kashanku, rumi sonqo kasqankuraykutaj mana imatapis yachankuchu.

DIOSPA QHELQACHISQ

¹⁸ Paykunaj yuyayninkoqa mana allin yuyaykunawan laqhayachisqa kashan. Chayrayku Diospa qosqan kawsaymanta karupi kashanku, rumi sonqo kasqankuraykutaj mana imatapis yachankuchu.

Quechua South Bolivia: Dios Parlapawanchej

¹⁸ Yuyaynincoka lakhayaskamin. Diospa causayninmanta carunchaskas cancu mana reparaskancuraycu rumi sonkos caskancuraycupis.

Efesios 4:18 ပူးပေါင်းရင်းမြစ်များ

Salmos 74:20

Yuyarikuy tratoykimanta, imaraykuchus kay jallp'a junt'a kashan, maqanakuyta munaj runas.

Isaías 25:7

Kay orqopi Señorqa tukuy llajtasta qhatasharqa. Chayta qhataranqa, tukuy nacionesta uj manta jina qhatasharqa chayta.

Daniel (hebreo) 5:20

Maypachatajchus sonqompi jatunchakorqa, sajrayarqataj wapuchakuspa chaypacha, rey kasqampi atiynin, jatun kasqampis paymanta qhechusqa karqa.

San Mateo 13:15

Kay runaspa sonqonqa rumiyasqa. Nak'ayllata uyarinku. Ñawisninkuta, ningrisninkutapis wisq'anku. Paykunachus ñawisninkuwan qhawankuman, ningrisninkuwan uyarinkuman, sonqonkuwantaj kutirimuwankuman chayqa, chaypacha noqaqa paykunata thañichiyman.

Marcos 3:5

Chaymantá, Jesusqa muyuynimpi kajkunata phiñakuspa qhawarerqa, paykunamantataj llakikorqa rumi sonqos kasqankurayku; runamantaj nerqa: Aysariy makiykita. Paytaj makinta aysarerqa, thañikaporqataj.

San Juan 12:40

Ñawisninkuta ciegoyacherqa, sonqonkutataj rumiyacherqa; ñawisninkuwan ama rikunankupaj, nitaj sonqonkuwan unanchaspa, noqaman kutirimunankupaj, noqataj paykunata thañichinaypaj.

Hechos 17:30

Ñaupajta runakuna mana Diosta rejsiyta atisqankuta, Diosqa qonqayman churarqa. Kunantajrí, Dios tukuynejpi runakunata wajyan payman kutirinankuta.

Hechos 3:17

Kunanqa hermanos noqa yachani, Jesusta wañuchispaqa mana yacharqankichejchu imatachus ruwasqaykichejta, nillataj kamachejkunasniykichejpis.

Romanos 1:28

Paykuna Diosta qonqapusqankuraykutaj, Diosqa jap'icherqa sajra yuyaykunaman, mana allin kajta ruwanankupaj.

Romanos 11:25

Hermanos, kay pakasqa yachaytaqa rejsinaykichejta munani, ama yachaysapas kasqaykichejta yuyakunaykichejpaj. Wakin israelitaspa sonqon rumiyarqa gentilespa salvacionnin junt'akunankama.

Romanos 11:7

Chantá imatajri? Israelitasqa imatachus mask'asqankuta mana tarerqankuchu. Diospa ajllasqasnintaj tarerqanku. Wajkunataj sonqonkuta rumiyacherqanku.

Romanos 2:19

Ciegospa pusaykachajnin, laqhapi kajkunaj k'anchaynin kasqaykita yuyakunki.

1 Corintios 1:21

Diospa yachayninman jina, kay mundoqa Diosta mana rejserqachu, runaj yachayninrayku. Chayrayku Diosmanqa allin rijch'arqa, paypi creejkunata salvayta chay locoyasqa yachachiynejta.

1 Corintios 2:8

Manataj pipis kamachejkunamanta kay pachapi rejserqachu kay imastaqa; rejsinkumanchus karqa chayqa, mana jayk'ajpis chakatankumanchu karqa janaj pacha k'anchayniyoj Señorta.

2 Corintios 3:14

Paykunaj yuyayninkutaj chharpuyarqa; imaraykuchus kunan p'unchaykama ñaupaj tratota leejtinku, chay kikin velo mana qhatarasqa; chay velotataj Cristo qhatararqa.

2 Corintios 4:4

Paykuna mana creesqankurayku, kay mundoj diosnin yuyayninkuta laqhayacherqa. Paykunapi evangelioj k'anchaynin, ama k'anchanampaj, nitaj Cristoj lliphipiynimpis. Payqa Diospa rijch'aynin.

Gálatas 4:8

Cheqamanta ñaupajta manaraj Diosta rejsishaspa, yupaycharqankichej mana kaj dioskunata.

Efesios 2:1

Dios kausayta qosorqachej, pantaykunapi, juchasniykichejpi ima wañusqas kashajtiykichej.

Efesios 2:12

Chayrayku mana Cristoyojchu karqankichej, Israel llajtayoj kaymanta karunchasqas, Diospa qosqayki nisqan tratotapis mana rejsispa; mana suyayniyoj, mana Diosniyojtaj kay pachapi karqankichej.

Colosenses 1:21

Qankunapis jinallataj ñaupajta karqankichej, karunchasqas yuyayniykichejpi, Diospa enemigosnin, sajra imasta ruwaspa. Kunantaj Dioswan allinyasqasña kankichej.

Hebreos 5:2

Mana yachajkunata, pantasqa kajkunatapis atin khuyakuyta, paypis pisi kallpawan p'achallisqa kasqanrayku.

Hebreos 9:7

Iskay kajmanrí, jatun sacerdotella uj kutita sapa wata yawarwan yaykoj, mana yawarwanqa mana. Chaytataj paypa juchasninrayku, runaspa juchasninraykutaj jaywaj.

Santiago 4:4

Uyariychej, qhenchachakoj runas, manachu yachankichej kay mundowan kausajqa Diospa contran kasqanta? Pillapis kay mundoj kausaqen kayta munan chayqa, Diospa enemigon.

1 Pedro 1:14

Kasukoj wawas jina kaychej, ama sajra imasta qhatispa, mayqenkunatachus ñaupajta ruwaj kankichej, manaraj Diosta rejsishaspa.

1 Juan 2:11

Wauqenta chejnikojrí, laqhapi kashan, laqhallapitaj purishan; manataj yachanchu maymanchus rishasqanta; imaraykuchus laqhaqa ñawisninta tutayachin.