Efesios 2:2 - Qheshwa Biblia DC

² Chaykunapi qankunaqa ñaupajta purej kankichej, kay pachaj kamachisqanman jina kausaspa. Wayrapi kamachejpa atiyninman jina kausaj kankichej; chay espiritoqa kunan Diosta mana kasojkunata kamachishan.

DIOSPA QHELQACHISQAN DEUTEROCANONICAL

² Chaykunapi qankuna ñawpajta kawsaj kankichej, Diosman mana kutirikojkunaj purisqankuta qhatispa. Jinallataj mana rikukoj atiyniyojkunata kamachej Kuraj Supayta kasorqankichej, mayqenchus Diosta mana kasojkunaj sonqonkupi llank'ashan, chayta.

DIOSPA QHELQACHISQ

² Chaykunapi qankuna ñawpajta kawsaj kankichej, Diosman mana kutirikojkunaj purisqankuta qhatispa. Jinallataj mana rikukoj atiyniyojkunata kamachej Kuraj Supayta kasorqankichej, mayqenchus Diosta mana kasojkunaj sonqonkupi llank'ashan, chayta.

Quechua South Bolivia: Dios Parlapawanchej

² Unayka chayjina ruwajcuna carkanquichej cay pacha runasjina. Wayrapi atiyniyoj mana ricuna sajra camachejtataj casuspa causarkanquichej. Cunanpis chay quiquin yuyay mana Diosta casucojcunata apaycachashan.

Efesios 2:2 ပူးပေါင်းရင်းမြစ်များ

Job 1:16

Manaraj chay runa willayta tukushajtin, uj runañataj chayaykamullarqataj, nispa: Janaj pachamanta Diospa kachamusqan lliuj lliujnin ovejasta michejkunasnintinta q'olaykun, noqallaña ayqekamuni qanman willasunaypaj, nispa.

Job 1:7

Señortaj Supayman nerqa: Maymantataj jamunkiri?, nispa. Supaytaj Señorman kuticherqa: Jallp'ata puriykachaspa muyumusqaymanta jamushani, nispa.

Job 31:7

Sichus cheqan kaj ñanmanta wist'uykuni, sichus ñawiypa rikusqanwan apachikuni, makiypitaj wajpa imasnin rikhurin chayqa,

Salmos 17:14

Atiyniykiwan paykunamanta libraway, Señor. Libraway paykunamanta, kay mundomantawan. Paykunaj chayaqenkoqa kay kausaypi. Saqey paykunaj qhapajyanankuta, wawasninkutaj mikhuchunku phatanakukama, puchuchuntaj allchhisninkupajwan.

Isaías 30:1

Señorqa ajinata nin: Ay, mana kasukoj wawasniymanta. Paykunaqa imatapis wakichikunku mana tapuwaspalla. Paykunaqa tratota ruwakunku mana noqaj yuyaychasqallay. Chay jinamanta juchamanta jucha yapakunku.

Isaías 57:4

Pimantataj qankunaqa alqochakunkichejri? Pejpa contrantataj chhikan chhikanmanta parlankichej, qalluykichejtapis sik'inkichejri? Manachu qankunaqa juchaj wawasnin kankichej, llullakojkunaj miraynin?

Jeremías 23:10

Kay nacionqa qhenchaswan junt'a kashan, juchata ruwaypi purejkunallawan, atiyninkuta mana cheqan kajta ruwanallankupaj churajkunawan ima. Chayraykumin Señorqa kay jallp'ata maldicerqa. Jallp'aqa ch'akiporqa, ch'in pampapi kaj pastospis ch'akiporqanku.

Oseas 10:9

Señor nin: Israelqa mana saqenchu juchalliyta, maypachachus Gabaapi juchallerqa chaymantapacha. Juchallampipuni kashan! Chayraykumari guerrapis Gabaapi chay sajra runasman chayanqa.

San Mateo 11:19

Runaj Churin jamorqa. Payqa mikhoj ujyajtaj; qankunataj ninkichej: Kay runaqa anchata mikhun, vinotataj ujyan; impuesteroswan, juchasapaswan imataj kausakun. Diospa yachaynenqa ruwasqasnimpi rejsichikun.

San Mateo 13:22

Khishka ukhuman t'akakoj mujutaj palabrata uyarejman rijch'akun. Mundo imaspi yuyaykuna, qhapajyayta munapayay ima, Diospa palabranta qonqachispa mana poqojta saqenkuchu.

San Mateo 13:38

Jallp'aqa mundo. Sumaj mujutaj janaj pacha reinoj wawasnin. Cizañataj supaypa wawasnin.

Marcos 4:19

Chantá kay mundoj imasnimpi yuyaykuna, qhapajyayta munapayay, tukuy laya sajra imaspi yuyaykuna ima, runaj sonqonman yaykuspa Diospa palabranta k'irinchanku, manataj poqojta saqenkuchu.

San Lucas 16:8

Patrontaj alabarqa sajra mayordomota, ancha yuyayniyoj kasqanmanta. Kay mundoj wawasnenqa aswan yachaysapas kanku paykuna ukhupi, k'anchaypa wawasninmanta nisqaqa.

San Lucas 22:31

Nillarqataj Señorqa: Simón, Simón, Supayqa mañan trigota jina thalanasuykichejta.

San Juan 12:31

Kunan mundopaj juicio chayamun. Kunanmá mundota kamachejqa jawaman qharqosqa kanqa.

San Juan 13:2

Cenata mikhushajtinku, Simompa churin Judas Iscariotej sonqonman supay yuyaycharqa Jesusta jap'ichinampaj.

San Juan 13:27

Judas Iscariotej sonqonman, Satanás yaykorqa t'antata mikhuykusqantawan. Chaypachataj payman Jesús nerqa: Ruwanayashanki chaytaqa usqhayta ruway, nispa.

San Juan 14:30

Manaña qankunawan anchata parlasajchu; imaraykuchus kay mundota kamachej jamushanña, contraypeqa mana imata ruwayta atinchu.

San Juan 15:19

Mundojtachus kawajchej chayqa, mundoqa paypata kajkunata munakunman. Kunantaj mana mundojtachu kankichej, astawanqa noqa mundopi kajkunamanta ajllarqaykichej. Chayrayku mundoqa chejnisunkichej.

San Juan 16:11

Juiciomanta, imaraykuchus kay pachapi kamachejqa juchachasqaña.

San Juan 7:7

Kay mundopi kajkunaqa, qankunata mana chejnisunkichejmanchu. Noqatarí chejniwanku, sajra ruwasqasninkuta paykunaman rikuchisqayrayku.

San Juan 8:23

Jesús paykunaman nerqa: Qankuna kay uramanta kankichej, noqataj patamanta kani. Qankunaqa kay mundomanta kankichej, noqarí mana kay mundomantachu kani.

San Juan 8:44

Qankunaqa tataykichej supaymanta kankichej; chay tataykichejpa munaynintataj junt'ayta munankichej. Payqa runa wañuchipuni qallariymantapacha karqa, manataj jayk'ajpis cheqapeqa sayarqachu, nitaj cheqa kajqa sonqompichu karqa. Llullata parlaspaqa, paypa kayninmanta parlan; imaraykuchus payqa llulla, llullakuypa tatan kasqanrayku.

Hechos 19:35

Uj qelqeritaj runasta ch'inyachispa, nerqa: Efeso llajtayojkuna, pitaj mana yachanchu Efeso llajtanchej jatun Artemisaj templonta waqaychasqanta? Jinallatataj janaj pachamanta jamoj lantintapis?

Hechos 5:3

Pedrotaj payta nerqa: Ananías, imaraykutaj supay sonqoykiman junt'aykorqa Santo Espirituman llullakunaykipaj, jallp'aykita vendesqayki qolqemanta wakinta pakaykunaykipaj?

Romanos 12:2

Ama kay mundoj munayninman jina puriychejchu, astawanqa yuyayniykichejpa mosoj kayninman jina allinta kausaychej, yachanaykichejpaj mayqenchus Diospa munaynin kasqanta, k'acha, kusichej, junt'asqataj.

1 Corintios 5:10

Manataj chaykamapunichu nerqaykichej ithirikunaykichejta, kay pachapi qhenchasmanta, mich'asmanta, suwasmanta, lanti yupaychajkunamanta ima. Jina kanman chayqa, llojsipunaykichejchá kanman kay mundomanta.

1 Corintios 6:11

Ajina karqankichej qankunamanta wakin; kunanrí mayllasqasña kankichej, juchamanta llimphuchasqasña, allinyasqastaj Señor Jesuspa sutinrayku, Diosninchejpa Espiritunnejta ima.

2 Corintios 4:4

Paykuna mana creesqankurayku, kay mundoj diosnin yuyayninkuta laqhayacherqa. Paykunapi evangelioj k'anchaynin, ama k'anchanampaj, nitaj Cristoj lliphipiynimpis. Payqa Diospa rijch'aynin.

Gálatas 1:4

Pay kikin wañorqa juchasninchejrayku, kay sajra p'unchaykunamanta kacharichinawanchejpaj, Dios Tatanchejpa munayninman jina.

Efesios 1:21

Payta churarqa tukuy kurajkunaj, atiyniyojkunaj, kallpayojkunaj, kamachejkunaj patanman ima. Churallarqataj tukuy rejsisqa sutimantapis astawan, chantá mana kay pachallapichu, manachayqa jamoj p'unchaykunapipis.

Efesios 2:11

Chayrayku qankuna aychaman jina gentiles kasqaykichejta yuyarikuychej, unayqa mana circuncidasqas sutichasqas kasqaykichejtawan. Ajinata sutichasorqachej makiwan aychapi circuncidasqas kajkuna.

Efesios 2:13

Kunanqa Cristo Jesuspi kashankichej, pikunachus ñaupajta karunchasqas karqankichej. Paypa yawarninraykutaj qayllachisqasña kankichej, imaraykuchus Cristomin sonqo tiyakuyniykichej. Chantá, gentilesmanta, judiosmantawan uj ayllullata ruwarqa, chay t'aqanachej chaupi perqata urmachispa.

Efesios 2:3

Chaykuna ukhupi tukuyninchej, chay p'unchaykunapi aychanchejpa sajra munaynimpi purej kanchej, aychaj munayninta, yuyaypa munayninta ima ruwaspa. Ajinata ruwaspa, noqanchejpis phiñakuywan jasut'inapaj jina karqanchej, chay wajkuna jina.

Efesios 4:17

Kayta ari niykichej, anchatapuni mañakuykichej Señorpa sutimpi; amaña wakin gentiles jina purinaykichejta. Paykunaqa qhasita yuyayninkuman jina purinku.

Efesios 4:22

Ñaupa sajra kausayniykichejmanta, mauk'a runamantawan t'aqakuychej; imaraykuchus sajra munaynimpa atipasqan, ch'aukiyasqantaj.

Efesios 5:6

Ama piwampis qhasi mana kaj palabraswan ch'aukiyachikuychejchu, imaraykuchus kay imasrayku Diospa k'ajaj phiñakuynin jamun mana kasukojkunaj patanman.

Efesios 5:8

Ñaupajtaqa laqhapi karqankichej, kunanrí Señorpi k'anchay kankichej. Puriychejtaj k'anchaypa wawasnin jina.

Efesios 6:12

Mana kausaj runawanchu maqanakusun, manachayqa maqanakoj sayaykuna atiyniyojkunaj contranta, kay pachapi laqhayayta kamachejkunaj contranta, janaj pachapi sajra espirituspa contranta ima.

Colosenses 1:21

Qankunapis jinallataj ñaupajta karqankichej, karunchasqas yuyayniykichejpi, Diospa enemigosnin, sajra imasta ruwaspa. Kunantaj Dioswan allinyasqasña kankichej.

2 Timoteo 4:10

Demasqa saqerpariwan, Tesalonicamantaj ripun, kay mundoj imasninta munakuspa. Crescentepis Galaciaman rerqa, Titotaj Dalmaciaman.

Santiago 1:27

Diosta llimphu yupaychayqa mana ch'ichiyoj kanan tiyan Dios Tatanchejpa ñaupaqempi, kay jinamanta watukuspa wajchasta, viudasta ima llakiyninkupi. Amataj ch'ichichakuspa kay mundoj sajra imasninmanta waqaychakuychej.

Santiago 1:7

Pichus ajinata ruwajqa, ama yuyachunchu imatapis Señormanta jap'inanta.

Santiago 4:4

Uyariychej, qhenchachakoj runas, manachu yachankichej kay mundowan kausajqa Diospa contran kasqanta? Pillapis kay mundoj kausaqen kayta munan chayqa, Diospa enemigon.

1 Pedro 1:14

Kasukoj wawas jina kaychej, ama sajra imasta qhatispa, mayqenkunatachus ñaupajta ruwaj kankichej, manaraj Diosta rejsishaspa.

1 Pedro 4:3

Mana creejkunaj munayninta ruwasqaykichejqa tukukunña qankunapaj. Chaypacha purej kankichej millay juchaspi, sajrata purispa, machaykuykunaspi, qhochukuspi, anchata ujyaspa, chejnina lantista yupaychaspa ima.

2 Pedro 2:14

Ñawisninkoqa qhenchachakuywan junt'a kanku, juchallikuywantaj mana sajsakunkuchu; pisi kallpachasqa runasta ch'aukiyaspa juchallichinku, sonqonkupis tukuy imata munapayayman yachasqa, maldicisqastaj kanku.

1 Juan 3:10

Kay jinapi yachakun Diospa wawasninchus chayrí supaypatachus kasqankoqa. Mana cheqan kajta ruwajqa, nitaj wauqentapis munakojqa, mana Diospa wawanchu.

1 Juan 3:8

Juchallikojqa supaypata. Supayqa qallariymanta juchallikun. Chayrayku, Diospa Churenqa jamorqa supaypa ruwasqasninta phirinampaj.

1 Juan 4:4

Wawitasníy, qankunaqa Diosmanta kankichej, paykunatataj atiparqankichej, imaraykuchus qankunapi kajqa astawan atiyniyoj kay pachapi kajmanta nisqaqa.

1 Juan 5:19

Yachanchej Diosmanta kasqanchejta, mundontintaj supaypa atiynimpi kasqanta.

1 Juan 5:4

Pillapis Diospa wawan kajqa kay pachata atipan. Kaymá atipayqa. Creesqaykichej kay pachata atipan.

Apocalipsis 12:9

Jawamantaj chay jatun sierpeta wijch'orqanku, chay unay ñaupa katarita, pichus sutichasqa Supay, Satanastaj. Payqa llullakuspa mundontinta pantachin. Payta angelesnintawan jallp'aman wijch'umorqanku.

Apocalipsis 13:14

Ñaupaj phiña animalpa ñaupaqempi, jatuchaj rikuchinasta ruwanampaj atiyta qorqanku. Chaykunawantaj kay pachapi tiyakojkunata ch'aukiyarqanku; kamacherqataj paykunaman ruwanankuta phiña animalpa lantinta, pichus espadawan k'irisqa karqa, kausarqataj.

Apocalipsis 13:8

Tukuy jallp'api tiyakojkunataj payta yupaycharqanku; manataj paykunaj sutinkoqa escribisqachu karqa Corderoj kausaynimpa librompeqa. Corderoqa wañuchisqa karqa kay mundoj qallariyninmantapacha.

Apocalipsis 16:17

Qanchis kaj angeltaj wayraman copanmanta jich'aykorqa. Janaj pachapi templomanta, trononmantawan uj sinch'i qhapariy uyarikorqa: Ñapis ruwasqaña, nispa.

Apocalipsis 20:2

Sierpetaj presocharqa chay ñaupa katarita, pichus supay, Satanás karqa. Paytataj waranqa watapaj wataykorqa.