Efesios 2:10 - Qheshwa Biblia DC

¹⁰ Diospa ruwasqanmin kanchej. Chaytaqa Cristo Jesuspi ruwawarqanchej allinkunata ruwananchejpaj. Chaykunataqa Dios wakicherqa ñaupajmantaña, chaykunapi purinanchejpaj.

DIOSPA QHELQACHISQAN DEUTEROCANONICAL

¹⁰ Noqanchejqa Diospa ruwasqanmin kanchej, Jesucristoman ujchasqa kasqanchejraykutaj watej ruwawarqanchej allin kajta ruwananchejpaj. Chaykunata Dios ñawpajmantaña wakicherqa ruwananchejpaj.

DIOSPA QHELQACHISQ

¹⁰ Noqanchejqa Diospa ruwasqanmin kanchej, Jesucristoman ujchasqa kasqanchejraykutaj watej ruwawarqanchej allin kajta ruwananchejpaj. Chaykunata Dios ñawpajmantaña wakicherqa ruwananchejpaj.

Quechua South Bolivia: Dios Parlapawanchej

¹⁰ Paypa ruwaskanmin canchej. Cristo Jesusnejta ruwawarkanchej sumaj cajta ruwaspa causacunanchejpaj. Dioska unayña yuyarka ajinata causacunanchejpaj.

Efesios 2:10 ပူးပေါင်းရင်းမြစ်များ

Salmos 100:3

Yachaychej Señorqa Dios kasqanta. Pay ruwawarqanchej, manataj noqanchej kikinchejchu ruwakorqanchej, Paypa ayllun kanchej, q'omer pastosninmanta ovejasnintaj.

Salmos 119:3

Paykunaqa sajra kajta mana ruwankuchu, Señorpa ñannintataj purinku.

Salmos 138:8

Señorqa noqapaj ruwasaj nisqanta junt'anqa. Señor, khuyakuyniykeqa wiñaypajmin, qallarisqaykitaqa ama jinapi saqerpariychu!

Salmos 51:10

Diosníy, llimphu sonqota qoway. Ukhuypi cheqan espirituta mosojyachiy.

Salmos 81:13

Aylluychus uyarinman karqa chayqa, Israeltajchus ñankunasniyta qhatinman karqa chayqa.

Isaías 19:25

Chaypacha Tukuy Atiyniyoj Señorqa bendicenqa nispa: Noqa bendicisaj Egipto aylluyta, noqaj ruwasqay asiriosta, chayaqey Israeltapis.

Isaías 29:23

Wawasniykeqa paykuna ukhupi imastachus ruwasqasniyta rikonqanku. Paykuna nenqanku noqaqa Santo kasqayta, Israelpa Diosnintataj kasuwanqanku.

Isaías 43:21

Kay israelitastaqa noqapaj ruwakorqani, paykuntaj noqata yupaychawaspa takenqanku.

Isaías 43:7

Sutiyta apaykachajkunata, pikunatachus noqa kusikunaypaj ruwarqani chaykunata, sayaricherqanitaj.

Isaías 44:21

Jacobpa ayllun Israel, yuyarikuy kay imasmanta, noqa ruwasusqayta, kamachiytaj kasqaykita. Israel, noqamantaqa ama qonqapuwaychu.

Isaías 60:21

Llajtaykipi runasqa tukuy imata cheqantapuni ruwanqanku; jallp'ata chayaqenkupaj wiñaypaj jap'ikonqanku, ajinamanta makisniywan ruwasqasniy ch'illchimojkuna noqata yupaychanawankupaj.

Isaías 61:3

Chantá Siompi llakisqa kajkunata kamachinaykupaj, ushphawan pejtusqa kanankutaqa pilluta qosaj Señorta yupaychanankupaj, llakiy p'achawan kanankutaqa, kusiywan p'achallisqa kanankuta; kusisqaslla kanankuta, llakisqas kanankumantaqa. Paykunaqa cheqanchaj sach'as sutichasqas kanqanku. Diospa plantasqasnin, kusikunampaj, nisqas.

Jeremías 31:33

Jaqay p'unchaykunapi Israelwan tratoyta ruwasaj chayqa, kay jina kanqa: Leyniyta sonqosninkuman churasaj, chantá yuyayninkumampis qelqaykullasajtaj. Noqa Diosninku kasaj, paykunataj aylluy kanqanku. Noqa Señor chayta nini.

San Mateo 5:16

Ajinallatataj k'anchayniykichejqa k'anchachun runaspa ñaupaqempi. Paykunapis allin ruwasqaykichejta rikuspa, janaj pachapi kashaj Tataykichejta yupaychanankupaj.

San Juan 3:21

Cheqan ruwanasta ruwajtaj k'anchayman jamun, ruwasqasnimpi Dios paywan kasqanta yachakunampaj.

Hechos 9:31

Ajinamanta iglesiaqa sonqo tiyasqalla kasharqa tukuy Judeapi, Galileapi, Samariapi ima. Creejkunataj kallpachakuspa yapakusharqanku, Señorta kasuspataj purisharqanku. Santo Espiritutaj paykunata yanaparqa sonqochaspa.

Hechos 9:36

Chaypacha Jopepi tiyakorqa uj creej warmi, Tabita sutiyoj. Griegopi niyta munan Dorcas. Paytaj sumaj ruwanasta ruwaspapuni kaj, wajchastapis yanapaspa.

Romanos 8:1

Kunanqa mana ima juchachaypis kanchu, Cristo Jesuspi kajkunapaj; [pikunachus mana purinkuchu aychaman jina, astawanqa Espirituman jina.]

Romanos 8:29

Pikunatachus Dios ñaupajmantapacha rejserqa chaykunata, qallariypi ajllarqa Churinman rijch'akunankupaj; ajinapi Churenqa ashkha hermanos ukhupi kuraj kaj kanampaj.

1 Corintios 3:9

Paykunapis noqaykupis Diospaj llank'ayku, qankunataj Diospa chajran kankichej, chayri Diospa ruwasqan wasi jina kankichej.

2 Corintios 5:17

Chayrayku pipis Cristopi kashan chayqa, mosoj runa; mauk'a imasqa tukukapunña, tukuy imastaj mosojyapun.

2 Corintios 5:5

Kay imaspajpuni Dios wakichiwarqanchej. Paytaj qowanchej Santo Espirituta uj señata jina.

2 Corintios 9:8

Diosqa atiyniyoj, khuyakuynin qankunapi ashkhayanampaj; ajinapi ama ima pisinampaj, tukuy ima allin ruwaypitaj junt'asqa kanaykichejpaj.

Gálatas 6:15

Cristopeqa mana allinchu circuncidasqa kayqa, nillataj mana circuncidasqa kaypis. Astawanqa, mosoj kausaymin aswan allin.

Efesios 1:1

Noqa Pablo, Diospa munayninrayku Jesucristoj apostolnin kani. Kay cartata escribimuni Efeso llajtayoj Diospa ajllasqasninman, Jesucristopitaj creejkunaman.

Efesios 1:4

Dios ajllawarqanchej Cristonejta manaraj kay pacha ruwasqa kashajtin, llimphuchasqa mana ch'ichiyoj paypa ñaupaqempi kananchejpaj.

Efesios 2:13

Kunanqa Cristo Jesuspi kashankichej, pikunachus ñaupajta karunchasqas karqankichej. Paypa yawarninraykutaj qayllachisqasña kankichej, imaraykuchus Cristomin sonqo tiyakuyniykichej. Chantá, gentilesmanta, judiosmantawan uj ayllullata ruwarqa, chay t'aqanachej chaupi perqata urmachispa.

Efesios 2:15

Cristo kikin aychapi chejninakuyta chinkacherqa, leypa kamachisqasninta ruwanapaj churasqasta ima. Pay kikin iskaynin laya runasta mosoj runaman tukucherqa. Ajinapi paykuna ukhupi sonqo samakuyta churaspa.

Efesios 2:2

Chaykunapi qankunaqa ñaupajta purej kankichej, kay pachaj kamachisqanman jina kausaspa. Wayrapi kamachejpa atiyninman jina kausaj kankichej; chay espiritoqa kunan Diosta mana kasojkunata kamachishan.

Efesios 2:6

Diosqa Cristo Jesustawan khuskata kausarichiwarqanchej, ajinallatataj janaj pachapi paywan tiyachiwarqanchej.

Efesios 4:1

Noqa Señorninchejrayku presochasqa kani. Mañaykichej allinta purinaykichejta Diospa wajyasqasnin jina, ajllasqasnin jinataj.

Efesios 4:24

Chay mosoj runamanta p'achawan jina p'achallikuychej; mayqenchus Diosman jina ruwasqa karqa, cheqan kaypi, llimphu kaypi, cheqa kaypitaj.

Deuteronomio 32:6

Wampu runas, mana yachayniyojkuna, ajinatachu Señormanqa kutichinkichej? Manachu payqa tataykichej, ruwasojniykichejtaj? Paymin qankunataqa ruwasorqachej, uj ayllullamantaj tukuchisorqachej.

Deuteronomio 5:33

Qankunaqa rillaychejpuni ima ñantachus Señor Diosniykichej rikuchisunkichej chayta, allin rinasuykichejpaj, unay watastataj kausakunaykichejpaj ima jallp'atachus jap'ikunkichej chaypi.

Filipenses 1:6

Kay imasmanta yachaspataj, allin ruwayta qankunapi Dios qallarerqa. Payllataj tukuychanankama ruwallanqapuni Jesucristoj jamunan p'unchayninkama.

Filipenses 2:13

Diosqa qosunkichej allin munayta, ruwaytataj sumaj munayninman jina.

Colosenses 1:10

Mañakuyku Señorpa munayninman jina purinaykichejpaj, tukuy imapi Diosta kusichispa, allin poqoyta apaspa, tukuy ima allin ruwaypi, ajinamanta wiñaspataj, Diosta rejsinaykichejpaj.

2 Tesalonicenses 2:17

Pay sonqoykichejta kallpachachun. Tukuy ima allin parlaypi, ruwaypi ima sinch'ita qankunata sayachichun.

1 Timoteo 2:10

Manachayqa, allin ruwaykunata ruwachunku, Diosta yupaychaj warmis jina.

1 Timoteo 5:10

Allin ruwanaspi rejsisqa kachun, wawasninta allinta uywaj, wajyarikuyta yachaj, creejkunaj chakisninta mayllaj, llakisqasta khuyaj, tukuy allin ruwanata junt'aj ima.

1 Timoteo 5:25

Ajinallataj allin ruwanasta ruwasqasninkupis sut'inchakun; sajra ruwasqaspis manallataj pakasqas kayta atinkuchu.

1 Timoteo 6:18

Qhapajkunaqa allin kajta ruwachunku, allin ruwasqasninkuta astawan yapachunku, khuyakuywantaj qorichunku mana mich'akuspa.

2 Timoteo 2:21

Ajinaqa, pikunachus kay imasmanta llimphuchakun chayqa, uj sumaj vaso jina allin qhawasqa, ajllasqa Señorpaj, allin imasta ruwanampaj, tukuy imata allinta ruwanampajtaj wakichisqa.

2 Timoteo 3:17

Ajinamanta, Diospa runan atiyniyoj kanqa, sumaj wakichisqataj, tukuy ima allin kajta ruwanampaj.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

Tito 2:7

Qan kikiyki allin kausayniykita rikuchiy tukuy imapi, yachanankupaj jina allin ruwayniykimanta; chay yachachiyniykipi rikuchispa tukuy ima respetowan, tukuy sonqowantaj.

Tito 3:1

Hermanosta yuyarichiy, kasunankupaj kamachejkunata atiyniyojkunatawan. Wakichisqastaj kachunku tukuy imata allinta ruwanankupaj.

Tito 3:14

Noqanchejmanta kajkunataj yachakuchunku allinkunata ruwayta, ama ima pisinampaj; ajinapi tukuy ruwasqanku poqoyniyoj jina kanampaj.

Tito 3:8

Palabraqa cheqamin. Munanitaj ashkha kutita willanaykita Diospi creejkunaqa allin kajta ruwanankuta. Kay imasqa sumaj, allinmin ruwanankupaj.

Hebreos 10:24

Purajmanta yanapanakuna munakuywan, allin ruwaykunawan ima.

1 Pedro 2:12

Allinta kausakuychej Diosta mana rejsejkuna ukhupi. Paykunaqa sajra runaspaj jina qankunapaj rimashanku; Señor chayamojtintaj, Diosta yupaychanqanku, allin ruwasqasniykichejta rikuspa.

1 Juan 1:7

K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.

1 Juan 2:6

Pichus Diospi kani nejqa, paypi purinan tiyan, imaynatachus Jesucristo purerqa ajinata.