Eclesiastés 9:2 - Qheshwa Biblia DC

² Kay tukuy imasqa uj rejllapuni tukuypajpis: Cheqan runaspaj, juchasapa runaspaj; k'acha runaspaj, llimphu runaspaj, mana llimphu runaspajpis; uywa wañuchisqasta jaywajpaj, mana jaywajpajpis, k'acha kajpaj, juchachakoj kajpajpis; juraj kajpaj mana jurayta munajpajpis.

DIOSPA QHELQACHISQAN DEUTEROCANONICAL

² Tukuy runaj tukukuyninkoqa ujllapuni: Cheqan runapaj, mana cheqan runapaj, k'acha runapaj, mana k'acha runapaj, llimphupaj qhawasqa runapaj, mana llimphupaj qhawasqa runapajpis, uywa ñak'asqata jaywajpaj, mana jaywajpajpis, allinta ruwajkunapaj, mana allinta ruwajkunapajpis, tilojpaj, tiluyta manchachikojpajpis. Tukuy runapaj wañoyqa kallanqapuni.

DIOSPA QHELQACHISQ

² Tukuy runaj tukukuyninkoqa ujllapuni: Cheqan runapaj, mana cheqan runapaj, k'acha runapaj, mana k'acha runapaj, llimphupaj qhawasqa runapaj, mana llimphupaj qhawasqa runapajpis, uywa ñak'asqata jaywajpaj, mana jaywajpajpis, allinta ruwajkunapaj, mana allinta ruwajkunapajpis, tilojpaj, tiluyta manchachikojpajpis. Tukuy runapaj wañoyqa kallanqapuni.

Eclesiastés 9:2 ပူးပေါင်းရင်းမြစ်များ

Génesis 24:3

Kunanqa juray ari, Señorrayku, janaj pachapi kay pachapipis kaj Diosrayku. Qan ama casarachinkichu waway Isaacta kay Canaampi kaj warmiswan, maypichus tiyakushani chay llajtayoj warmiswan.

Job 9:22

Tukuy ima uj rejlla. Chayllata noqaqa yuyani. Juchayojta mana juchayojta payqa ujllapi tukuchin.

Salmos 73:3

Imaynatachus sajra runasqa oqharikunku, qhapajyanku, juchasapaspis wapu wapusman tukusqankuta rikuspa munapayarqani.

Eclesiastés 2:26

Diosqa pichus payta kusichejman yachayta qon. Jinallataj rejsiyta, kusikuytawan. Juchasapamanri Diosqa saqellan tukuy imasta tantajta, qhapajyajtapis, pichus Diosta kusichejman qonampaj. Chaypis qhasi mana kajlla, wayra jap'ikuy jinallataj.

Eclesiastés 3:19

Runaswan uywaswanqa uj rejllapuni rinku: Uywas wañunku, runaspis wañullankutaj, jinallataj samayninkupis iskayninkojta uj rejlla. Runasqa mana uywasmanta astawanchu. Chay tukuy imasqa qhasi manakajlla.

Eclesiastés 6:6

Sichus chay wawaqa iskay waranqa watasta kausanman karqa, tukuy imas kajwan mana kusikuspalla chayqa. Chay tukuywampis manachu tukuyninku rinku chay kikin cheqallanmantaj?

Eclesiastés 7:18

Allimpuni kay imasta jap'ikunaykeqa, chay imasmanta mana kacharikunaykipis. Pichus Diosta manchachikuspa kasukojtaqa, tukuy imapi allimpuni renqa.

Eclesiastés 7:2

Llakiy wasiman reyqa aswan allin, kusiy wasiman rinamanta nisqaqa. Runaspa tukukuynenqa wañuypuni, Pichus kausajqa chayta unanchachun.

Eclesiastés 9:11

Kay pachapi ujtawan qhawarispa rikorqani, mana usqhayta correjkunajtachu atipayqa, maqanakupis mana kallpayojkunajtachu, qhepajyaypis mana k'uchi kajkunajtachu, nitaj allin yachachisqaspis allimpi jap'isqachu. Manachayqa tiempo chayamojtinkama kay imasqa tukuyman chayan.

Eclesiastés 9:3

Kay pachapi tukuy ima ruwakojkunamantaqa, kaylla mana allinchu uj ima kajpis tukuypaj uj rejlla. Kikillantaj tukuy runaj sonqompi, kay pachapi kausanankamaqa, tukuy sajra kajwan, wampuyaywantaj junt'a kashan. Chay qhepamantaj wañuranku.

Malaquías 3:15

Chay machu machu runasta aswampis kusisqasta rikushanchej. Sajra imasta ruwajkunapajtaj tukuy ima allinnimpaj llojsin. Paykuna Diosta phiñachinapaj jina imatapis ruwanku, chanta nitaj jasut'itapis rikunkuchu.

Malaquías 3:18

Chaypacha qankuna ujtawan reparakunkichej, imachus allin, imatajchus mana allin kasqanta, reparakunkichejtaj pichus Diosta yupaychasqanta, pitajchus Diosta mana yupaychasqantawan.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

1 Samuel 14:26

Chay monteman soldados yaykorqanku chaypi misk'eqa yaku jinapuni puririsharqa. Chaywampis manapuni pipis llamirerqachu juramentasqankuta manchachikuspa.