Eclesiastés 9:10 - Qheshwa Biblia DC

¹⁰ Imaschus ruwanaykipaj jina chaykunata, kallpaykiman jina ruway; imaraykuchus wañuspa maymanchus rinki chaypeqa manaña ima ruwanapis kanchu, ni yuyanapis, ni yachana, nitaj yachaypis.

DIOSPA QHELQACHISQAN DEUTEROCANONICAL

¹⁰ Imatachus ruwanaykita tukuy sonqoykiwan ruway, imaraykuchus wañuspa maymanchus rinki, chay ukhu pachapeqa manaña ima ruwanapis, ni yuyanapis, ni yachanapis, nitaj yachaypis kanqañachu.

DIOSPA QHELQACHISQ

¹⁰ Imatachus ruwanaykita tukuy sonqoykiwan ruway, imaraykuchus wañuspa maymanchus rinki, chay ukhu pachapeqa manaña ima ruwanapis, ni yuyanapis, ni yachanapis, nitaj yachaypis kanqañachu.

Eclesiastés 9:10 ပူးပေါင်းရင်းမြစ်များ

Génesis 37:35

Tukuy qhari wawasnin, warmi wawasnin ima payta sonqochayta munarqanku, paytaj mana imaynapi sonqochakuyta aterqachu; mayta waqaspa nerqa: Noqaqa kay p'achata churakusaj, wañusqaspa chaupimpi wawaywan tinkumunaykama, nispa.

1 Crónicas 22:19

Chayrayku kunanqa Señor Diosniykichejta mask'aj churakuychej, tukuy sonqowan, yuyayniykichejwantaj. Ajinata usqhayta churakuychej Señor Diosniykichejpa llimphu yupaychana wasinta oqharinaykichejpaj, chanta Señorpa trato ruwasqa cajonninta, chayman apamunaykichejpaj, jinataj Diosta yupaychanapaj, imaschus t'aqasqas kachanku chaykunatapis apamunaykichejpaj, Señorpa yupaychana wasin oqharisqa kanqa chayman.

1 Crónicas 28:20

Chaypacha Davidqa Salomonman nerqa: Kallpachakuy, sinch'itataj sayay, llank'aj pachataj churakuy. Ama iskayrayaychu, nitaj manchachikuychu, Señor Diosneyqa qanwampuni kanqa. Payqa mana saqesonqachu, nitaj qonqarparisonqachu, Señorpa yupaychana wasimpi tukuy ruwanasta tukuyaykikama.

Nehemías 2:12

Chaymantaqa tuta jatarikorqani noqawan rej wakin runaswan, manataj pimampis nerqanichu imatachus Dios sonqoyman churawasqanta Jerusalempi ruwanaypaj chaymantaqa. Mana waj caballostaqa aparqanichu, mayqempichus purisharqani chayllata aparqani.

Nehemías 4:2

Llajta masisnimpa ñaupaqempi, Samariamanta soldadospa ñaupaqempiwan, kay jinata nerqa: Imatataj ruwayta yuyanku kay yarqhaymanta wañushaj judiosri? Ujtawanchu yuyasqanku uywa wañuchisqata jaywayta? Chayri uj diallapichu perqa oqhariyta, tukuytataj yuyanku? Chayri chay raqay ruphasqa qollusmantachu mosoj rumista orqhoyta yuyanku?

Nehemías 4:6

Perqata watejmanta jatarichispa ruwallarqaykupuni, ñapis khuskankamaña oqharisqa karqa. Ayllumanta kaj runasqa manchay kusiywan llank'asharqanku.

Job 10:21

Amaraj mana jayk'aj kutirimoj ripushaspa, laqha, wañuy llanthu llajtaman.

Job 10:22

Uj laqha jallp'aman, maypichus mana imapis rikukunchu chayman, chaypi kaj k'anchaypis kay laqhas jinallataj.

Job 21:13

Tukuy kausayninkupi qhapajyanku; allin kusisqas sepulturaman uraykunku.

Salmos 6:5

Wañuspaqa ni pipis qanmanta yuyarikunñachu. Pitaj jallp'a ukhumanta yupaychasonqari?

Proverbios 3:28

Ama runa masiykitaqa q'ayalla kutimunki niychu, chay kikimpacha jaywayta atishaspaqa.

Eclesiastés 11:3

Sichus para yaku phuyus rikhurimunku chayqa, paraqa jallp'a pataman urmamonqapuni. Sichus uj sach'a pataman, chayri uraman urman chayqa, urmasqan pachampi qhepakun.

Eclesiastés 11:6

Tutamanta mujuta tarpunki, ch'isiyaykuytapis tarpullankitaj; qantaj mana yachankichu mayqenchus aswan allin kasqanta, tutamanta kajchus, chayri ch'isiyaykuyta kajchus, chayri iskayninchus uj rejlla kasqanta.

Isaías 38:10

Noqaqa nerqani: Noqaqa kay khuskan kausayniypi ripusaj. Wañuy punkupi kasaj tukuy kausayniypi.

Jeremías 29:13

Mask'awankichej, tariwankichejtaj, tukuy sonqowan mask'awasqaykichejrayku.

Números 13:30

Calebtaj Moisespa contrampi oqharikojkunata ch'inyacherqa, nerqataj: Noqanchejqa kunampacha rispa chay jallp'ata jap'ikampunanchej tiyan! Noqanchej aswan atiyniyoj kanchej paykunamanta nisqaqa!

San Mateo 20:7

Paykunataj kuticherqanku: Mana pipis mink'akuwaykuchu. Paytaj nerqa: Qankunapis uvas chajrayman riychej llank'aj.

San Mateo 6:33

Ñaupajtaqa Diospa reinonta, cheqa kaynintawan mask'aychej; kay tukuy imatataj yapata jina Dios qosonqachej.

San Juan 4:34

Jesustaj paykunaman nerqa: Mikhuyneyqa kachamuwajniypa munayninta junt'anay, ruwanantataj tukuchanay.

San Juan 5:4

Unaymanta unay, uj ángel uraykamuspa yakuta kuyurichej; ajinapi pichus ñaupajta estanqueman yaykojqa, ima onqoyllamantapis thañikapoj.]

San Juan 9:4

P'unchayraj kashajtin, kachamuwajniypa ruwanasninta ruwanaypuni tiyan; tutaqa chayamushanña, chaypachataj ni pi llank'ayta atenqachu.

Romanos 12:11

Ima ruwanallapipis ama qhellas kaychejchu; k'uchistaj kaychej, tukuy sonqotaj Señorta sirviychej.

1 Corintios 15:10

Chaywampis, Diospa khuyakuyninrayku imachus kani chay kani. Khuyakuynintaj noqapajqa mana qhasipajchu karqa. Chantá tukuyninkumanta astawan llank'arqani; mana noqallachu, astawanqa Diospa khuyakuynin noqapi kasqanrayku.

1 Corintios 16:10

Timoteo chayamonqa chayqa allinta yanapaychej, pay qankuna ukhupi kusisqa kanampaj ama manchachikuspa. Paypis noqa jinallataj Señorpa ruwanampi llank'an.

1 Corintios 9:24

Manachu yachankichej pujllana kanchapi correjkunamanta? Cheqamanta tukuy correnku, chaywampis ujlla t'inkataqa jap'in atipasqanrayku. Qankunapis correychej t'inkata jap'inaykichejkama.

1 Corintios 9:26

Chayrayku noqapis ajinata correni, mana qhasillapajchu. Ajinata maqanakuni mana wayrallata sajmaj jinachu.

Efesios 5:16

Tiempota kashajtinrajqa allin kajta ruwaychej, imaraykuchus kunan p'unchaykunaqa mana allinchu.

Colosenses 3:23

Tukuy ima ruwanaykichejta tukuy sonqowan allinta ruwaychej, Señorpaj jina, ama runapaj jinaqa, yachaspa Señormanta aynita jina chayaqeta jap'inaykichejta. Qankunaqa Cristo Señorpa kamachisqanta ruwashankichej.

1 Samuel 10:7

Kay imas qhatirisojtenqa, imachus allin rijch'asonqa chayta ruway, Diostaj yanapasonqa.