Eclesiastés 8:17 - Qheshwa Biblia DC

¹⁷ Diospa tukuy ima ruwasqasninta rikuni. Runaqa mana yachanchu Diosqa imaynamantachus chay imasta kay pachapi ruwasqasninta. May jinata mask'ashaspapis runaqa manapuni tariyta atinchu. Yachayniyoj runaqa nichumpis kay imasta tarini, nispa; chaywampis manapuni kay imastaqa tariyta atinchu.

DIOSPA QHELQACHISQAN DEUTEROCANONICAL

¹⁷ Ajinapi Diospa tukuy ima ruwasqanta rikuni. Jinallataj runa kay pachapi Diospa tukuy ruwasqanta mana yachayta atisqanta rikullanitaj. May jinata mask'ashaspapis, runaqa manapuni watuyta atinchu. Yachayniyoj runa: Yachaniña, nispa nichunpis, chaywanpis manapuni yachayta atenqachu.

DIOSPA QHELQACHISQ

¹⁷ Ajinapi Diospa tukuy ima ruwasqanta rikuni. Jinallataj runa kay pachapi Diospa tukuy ruwasqanta mana yachayta atisqanta rikullanitaj. May jinata mask'ashaspapis, runaqa manapuni watuyta atinchu. Yachayniyoj runa: Yachaniña, nispa nichunpis, chaywanpis manapuni yachayta atenqachu.

Eclesiastés 8:17 ပူးပေါင်းရင်းမြစ်များ

Job 5:9

Payqa ashkha imasta, musphay t'ukunastawan ruwan, chaykunatataj mana pipis unanchayta atinmanchu!

Salmos 104:24

Señor, ruwasqasniykeqa may chhika. Tukuy imata yachayniykiwan ruwarqanki. Jallp'aqa ruwasqasniykiwan junt'a kashan.

Salmos 40:5

Señor Diosníy. Ashkha t'ukuna imasta noqaykupaj ruwarqanki. Maytataj noqaykumanta yuyarikuwayku. Ni imapis qanwanqa ninakunchu. Sichus chaykunamanta willayman, parlaymantaj chayqa, mana tukuchiyta atiymanchu.

Salmos 73:16

Kayta umachayta munarqani. Manataj aterqanichu, noqapaj mana atina jina kajtin.

Eclesiastés 1:13

Noqaqa tukuy sonqoywan, tukuy yachaywantaj mask'aspa yachayta munarqani, kay pachapi kay tukuy imas ruwakusqanmanta. Kay phutiy ruwanata Diosqa runasman qorqa, chayta ruwaspa kausanankupaj.

Eclesiastés 11:5

Ajinata qanqa mana rejsinkichu maynintachus wayra risqanta, nillataj yachankichu uj warmej wijsampi imaynatachus uj wawa wiñasqanta; kikillantataj qanqa mana yachankichu Diospa ruwasqasninmanta; paypuni tukuy imastapis ruwan.

Eclesiastés 3:11

Diosqa tukuy imata tiempompi k'achituta ruwarqa. Payllataj runaj sonqonman wiñay kasqanta churarqa, qallariymantapacha Diospa ruwasqasninta allinta yachanampaj; chaywampis runaqa manapuni yachayta atinchu imaynamantachus kashasqankuta.

Eclesiastés 7:13

Diospa ruwasqasninta allinta qhawariy: Diospa wist'uyachisqantaqa pitaj cheqanyachinmanri?

Isaías 40:28

Manachu yacharqanki, manatajchu uyarerqanki wiñaypaj kaj Diosqa Señor kasqanta, kay tukuynin jallp'atapis pay ruwasqanta? Payqa mana iskayrayanchu, nitaj sayk'unchu. Payqa yuyasqantaqa mana pipis yachayta atinchu.

Romanos 11:33

May jina jatumpunichus Diospa qhapaj kaynin, yachaynin, rejsiynimpis. Mana yachay atina yuyasqampis, jinallataj ñankunasnimpis.