Eclesiastés 7:25 - Qheshwa Biblia DC

²⁵ Ujtawan noqapi yachayta mask'aj churakorqani, chay yachayta allinta qhawariyta, unanchaytataj imaynamantachus chay tukuy imas kasqankuta. Chaypi yacharqani sajra ruwayqa sonsera kasqanta, pantakunataj qhasi mana kajlla kasqanta.

DIOSPA QHELQACHISQAN DEUTEROCANONICAL

²⁵ Ajinaqa yachayniyoj kayta munaspa, thawispa yachayta mask'arqani, imaynachus imakunaj kasqantapis watorqani. Ajinata ruwaspa, wampu kayqa mana allinchu kasqanta yacharqani, pantakuytaj pawisqa kay jina kasqanta.

DIOSPA QHELQACHISQ

²⁵ Ajinaqa yachayniyoj kayta munaspa, thawispa yachayta mask'arqani, imaynachus imakunaj kasqantapis watorqani. Ajinata ruwaspa, wampu kayqa mana allinchu kasqanta yacharqani, pantakuytaj pawisqa kay jina kasqanta.

Eclesiastés 7:25 ပူးပေါင်းရင်းမြစ်များ

Génesis 34:7

Chaymantaraj Jacobpa wawasnin chayamorqanku campomanta. Imachus kasqanta yachaspataj mayta phiñakorqanku; imaraykuchus Israel ayllupaj manchay p'enqay karqa, Jacobpa ususinwan mana munashajtin Siquem puñuykusqan. Chaytaqa mana ruwana kajtapuni ruwarqa.

2 Samuel 13:12

Paytaj kuticherqa: Ama hermanóy, ama honrayta t'akachiwaychu, chay imasqa Israel ayllu ukhupeqa mana ruwakunchu. Ama chay millay ruwaytaqa ruwaychu!

Proverbios 17:12

Aswan allin kanman uñanta chinkachikoj china jukumariwan tinkunaqa, uj wampu runawan parlanamanta nisqaqa.

Proverbios 26:11

Alqoqa wijch'umusqanta watejmanta mikhuykakapun; ajinallatataj wampu runaqa wampu ruwayninman kutirin.

Eclesiastés 10:13

Qhasi mana kaj sonserasllata parlayta qallarin. Chay palabrasnimpa tukukuynenqa aswan sonseras.

Eclesiastés 2:12

Chaymantaqa, ujtawan unancharqani yachaymanta, sonseralla kaymanta, wampu kaymantawan. Pipis imatañataj ruwanman uj reypa cuentanmanta yaykuspa, tukuy imapis ruwasqaña kajtinri?

Eclesiastés 2:15

Chaymanta sonqoypi nerqani: Imachus wampu runapajqa kanqa, jinallataj noqapajpis. Jina kajtenqa ima allintaj yachayniyoj kasqayri? Chaypis qhasi manakajllataj.

Eclesiastés 2:20

Chay tukuy imasta kay pachapi may sayk'uywan, yachayniywantaj ruwasqasniymanta sonqoyqa q'asallapuni.

Eclesiastés 7:27

Kay imasmanta imachus kasqankuta yachanaypaj noqa willajqa, kay imasta tarini: Imatachus allinta mask'asqayta manarajpuni tarinichu. Waranqa qharismanta uj runallata allin kajta tarini. Allin kaj warmitarí tukuy warmis ukhumanta mana ujllatapis allin kajtaqa tarinichu.

Josué 7:13

Sayarispa israelitasta tantachimuy, llimphuchachimuytaj. Niy, q'aya ñaupaqeyman chimpamunankupaj wakichikunankuta; imaraykuchus noqa Señor, Israelpa Diosnin ajinata nini: Qankuna israelitas imachus phirikunan kajta mana phirichinkichejchu. Manachus tukuyninta phirinkichej, manatajchus qanmanta jawaman wijch'unki chayqa, manapuni enemigosniykichejta atipayta atinkichejchu.