Eclesiastés 7:14 - Qheshwa Biblia DC

¹⁴ Allin p'unchaypeqa allin kajwan kusikuy; mana allin risojtenqa, sumajta unanchakuy. Chay allin kajta mana allin kajtapis Diospuni ruwan, runa qhepaman imaschus kananta ama yachanampaj.

DIOSPA QHELQACHISQAN DEUTEROCANONICAL

¹⁴ Allin risojtenqa, kusikuy. Mana allin risojtinrí, sumajta unanchakuy, imajtinchus allinpi kayta, mana allinpi kaytapis Diospuni qon. Chayrayku runaqa imachus qhepaman jamunanta mana yachayta atinchu.

DIOSPA QHELQACHISQ

¹⁴ Allin risojtenqa, kusikuy. Mana allin risojtinrí, sumajta unanchakuy, imajtinchus allinpi kayta, mana allinpi kaytapis Diospuni qon. Chayrayku runaqa imachus qhepaman jamunanta mana yachayta atinchu.

Eclesiastés 7:14 ပူးပေါင်းရင်းမြစ်များ

1 Reyes 8:47

Paykunataj maypichus presos kasqankupi sonqonkupi yuyarikunkuman, chantá qanman kutirikamusunkuman, chaypitaj mañakuspa nisunkuman: Noqayku juchalliyku, mana allin kajta ruwayku, juchayojpuni kayku, nispa.

Job 2:10

Jobtaj payman nerqa: Warmi, ama mana kaj sonserasta parlaychu! Sichus noqanchej Señorpa sumaj imasta apachimuwasqanchejta jap'inchej chayqa, imaraykutaj mana jap'iyta atisunmanchu mana allin imasta apachimuwasqanchejtapis? Chay tukuywampis Jobqa manapuni Diospa contranta siminwan juchallerqachu.

Salmos 119:71

Jasut'iwasqaykeqa noqapaj allin karqa, ajinamanta kamachisqasniykita yachakorqani.

Salmos 40:3

Simiyman churarqa uj mosoj takiyta, Diosninchejta yupaychana takiyta. Ashkha runas chayta rikuspa sonqonkuta wawayachenqanku, Señorpitaj suyanqanku.

Eclesiastés 10:14

Wampu runaqa astawan palabrasta yapan; mana pipis yachanchu qhepaman imaschus jamunanta. Pitaj payman willanqa, paymanta qhepaman imaschus kanantari?

Eclesiastés 11:9

Wayna, mayta kusikuy tiempoykipi; wayna kashaspa imaschus allin kajwan kusikuy. Sonqoykej munasqampi puriy, imastachus rikusqaykipitaj. Chantaqa yachanayki tiyan, chay tukuymanta Dios cuentata mañasunanta.

Eclesiastés 12:13

Kay tukuy imasta uyarisqaykimantaqa kayta ruwan: Diosta munakuy, kamachisqasnenqa waqaychay. Kay imasllata runaqa astawan ruwanan tiyan.

Eclesiastés 12:8

Kay imasta willajqa nin: Qhasi manakaj, qhasi manakajlla kay imasqa. Tukuy imapis qhasi manakajlla.

Eclesiastés 3:22

Chaynejta noqaqa yachani, runapajqa aswan allin llank'asqampi kusikunan, imaraykuchus paypataqa chaypuni ruwaynin. Mana pipis paymanqa rikuchinmanchu wañojtin imaschus kanantaqa.

Eclesiastés 3:4

Uj tiempoqa waqanapaj, uj tiempotaj asinapaj. Uj tiempoqa llakikunapaj, uj tiempotaj tusunapaj.

Eclesiastés 5:17

Chay jawa runaqa tukuy kausaynimpi laqhapi jinalla mikhonqa pata patallata purispa, llakiywan mana imayojtaj.

Eclesiastés 8:7

Mana yachanchu imaschus qhepaman jamunanta, nitaj pipis chay imas kananmanta willaykurej kanchu.

Eclesiastés 9:7

Chayrayku qanqa riy, kusiywan t'antaykita mikhuy, vinoykitapis tukuy sonqo ujyarikuy; imaraykuchus ruwasqasniykiwanqa Dios mayta kusikun.

Isaías 26:11

Señor, qanqa ñapis jasut'inaykipajña kashanki, paykunataj mana reparakunkuchu. Aylluykita munakusqaykita rikuspa p'enqaypi rikhurenqanku. K'ajaj phiñakuyniykej larwaynin enemigosniykita tukukuchichun.

Isaías 42:25

Chayrayku, paykunaj patankuman manchay k'ajaj phiñakuyninta jich'amorqa, manchay ch'ajwapi kanankupaj. Tukuynejman jinata jap'iykucherqa. Chaywampis mana unancharqankuchu. Chay jinata ruphachishajtimpis mana kasorqankuchu.

Jeremías 23:20

Señorpa k'ajaj phiñakuynenqa mana tukukonqachu, chay imachus ruwanan kajta ruwanankama. Uj tiempo jamonqa, chaypacha qankuna allinta umacharikuspa kay imasta unanchankichej.

Lamentaciones 3:38

Tukuy sajra kaj, tukuy allin kajpis, manachu patapi kaj Diosmantapuni jamun?

Miqueas 6:9

Señor wajyashan llajtata, allin ruwaytaj kanman atencionwan uyareyqa: Uyariychej, ayllumanta kajkuna jinataj llajtata umachajkunapis:

San Mateo 9:13

Rispa yachamuychej, imatachus kay niyta munasqanta: Khuyakuyta munani, mana uywa wañuchisqatachu. Chayrayku, mana cheqanta kausajkunatachu mask'aj jamuni; astawanqa juchasapasllata.

Hechos 14:22

Chay llajtaspitaj creejkunata sonqocharqanku, creesqankupi sinch'ita sayanankupaj, nerqankutaj: Noqanchejqa tukuy imasta ñak'arinanchejpuni tiyan, Diospa reinonman yaykunanchejpaj.

Deuteronomio 26:11

Chaymantaqa Señor Diosniykichej tukuy imasta qosusqaykichejmanta mayta kusikunkichej, tukuy familiaykichejwan, qanwan tiyakoj levitaswan, jinallataj llajtaykichejpi tiyakoj karu llajtayojkunawan ima.

Deuteronomio 28:47

Señor Diosniykichejta mana kusiywanchu, nitaj tukuy sonqochu, yupaychasqaykichejrayku chay chhika imasta qoshasojtiykichej.

Deuteronomio 8:3

Ñak'arichisorqachej, yarqhachisorqachejtaj chaypis, Maná nisqa t'antata mikhuchisorqachej. Chay mikhunataqa ni qankuna, nitaj ñaupa tatasniykichejpis rejserqankichejchu. Ajinamanta Diosqa yachachisorqachej, runaqa mana t'antallawanchu kausasqanta, manachayqa Señorpa siminmanta tukuy llojsej palabraswampis kausasqanta.

Deuteronomio 8:5

Yuyarikuychej sonqoykichejpi Señor Diosniykichej k'amisqasuykichejta, imaynatachus uj runaqa wawasninta k'amiraspa uywan, ajinata.

Santiago 5:13

Qankunamanta mayqellampis llakisqachu kashan? Diosmanta mañakuchun. Pillapis kusisqachu kashan? Salmosta takichun Diosta yupaychaspa.