Eclesiastés 6:12 - Qheshwa Biblia DC

¹² Cheqamanta mana pipis yachanchu, chay tukuy kausaynimpi runapajqa imaschus allin kananta, imaraykuchus chay tukuy qhasi mana kaj ruwasqanqa llanthu jinalla chinkarin. Pitaj runaman willanqa kay pachapi kashaspa wañupojtin qhepaman imachus kanantari?

DIOSPA QHELQACHISQAN DEUTEROCANONICAL

¹² Cheqapuni mana pipis yachanchu paypaj imachus astawan allin kananta, imaraykuchus chay tukuy qhasi manakaj ruwasqanqa llanthu jinalla chinkarin. Wañupusqanmanta qhepaman, imachus kay pachapi kananta, pitaj runaman willanqari?

DIOSPA QHELQACHISQ

¹² Cheqapuni mana pipis yachanchu paypaj imachus astawan allin kananta, imaraykuchus chay tukuy qhasi manakaj ruwasqanqa llanthu jinalla chinkarin. Wañupusqanmanta qhepaman, imachus kay pachapi kananta, pitaj runaman willanqari?

Eclesiastés 6:12 ပူးပေါင်းရင်းမြစ်များ

1 Crónicas 29:15

Qampa rikuyniykipeqa mana llajtayoj ñan purejkuna jinalla kayku. Jinallataj ñaupa tatasniykupis karqanku, kaypachapi kausayniykoqa llanthu jina pasapullan, mana ima suyayniyoj.

Job 14:2

Ujllata t'ika jina phancharparin, chaymantataj wañuykapun, llanthu jinataj chinkapun.

Job 14:21

Wawasnin pataman oqharisqas kajtinkupis, payqa mana yachallampischu. Llakiyman chayanku chaypis, payqa mana reparakunchu.

Job 8:9

Noqanchejqa qaynallamantaraj kanchej, manaraj imatapis yachanchejchu; kay jallp'api p'unchaykunasninchejqa llanthu jina ripunku.

Salmos 102:11

Kausayneyqa llanthu jinalla chinkapushan, qhora jinataj ch'akipushani.

Salmos 109:23

Llanthu jina chinkapushani, wayraj apaykachasqan jina kani.

Salmos 144:4

Runaqa uj phuyu jinalla, kausaynenqa chinkaj llanthu jinalla.

Salmos 16:5

Qan Señor, tukuy imay kanki; kausayniy makisniykipi kashan, bendicionesniykiwan junt'aqa kani.

Salmos 17:15

Noqaqa cheqamanta kusisqa qhepakusaj, uyaykita qhawarispa, rijch'ayniykipi rijch'arisqa rikukuspa.

Salmos 4:6

Ashkhas kay jinata ninku: Pitaj kusikuyta rikuchiwasunri? Rikuchiwayku Señor uyaykej k'anchayninta.

Salmos 47:4

Chayaqenchejta ajllapuwanchej, munakusqan Jacobpa k'acha kayninta.

Salmos 89:47

Señor, yuyariy pisillata kausanay kasqanta. Pisi kausayniyojta runataqa ruwarqanki.

Eclesiastés 10:14

Wampu runaqa astawan palabrasta yapan; mana pipis yachanchu qhepaman imaschus jamunanta. Pitaj payman willanqa, paymanta qhepaman imaschus kanantari?

Eclesiastés 12:13

Kay tukuy imasta uyarisqaykimantaqa kayta ruwan: Diosta munakuy, kamachisqasnenqa waqaychay. Kay imasllata runaqa astawan ruwanan tiyan.

Eclesiastés 2:24

Runapajqa chay tukuy imasmanta astawanqa allimpuni mikhunan, ujyanan, tukuy ruwasqanwan kusikunan. Chay tukuyta noqaqa yachallanitaj Diosmanta jamusqanta.

Eclesiastés 2:3

Yuyayniypi nerqani: Kay yachaypi kashaspaqa, kay aychayman vinollatapis ujyarichisaj ari, ajinamanta wampu kayniywan yachanaypaj, mayqenchus allin kasqanta kay pachapi runaspaj, chayllapi tukuypis kausashaspa yuyanankupaj.

Eclesiastés 3:22

Chaynejta noqaqa yachani, runapajqa aswan allin llank'asqampi kusikunan, imaraykuchus paypataqa chaypuni ruwaynin. Mana pipis paymanqa rikuchinmanchu wañojtin imaschus kanantaqa.

Eclesiastés 6:11

Cheqamanta ashkha palabrasqa qhasi mana kaj palabrasta rikhurichin. Chaywantaj mana imapis tarikunchu.

Eclesiastés 7:15

Chay tukuy imasta kay qhasi mana kaj kausayniypi rikuni. Allin kajta ruwaj runas wañunku allinta ruwashaspa. Sajra runastajrí, chay jina sajrata ruwayninkuwan unaytaraj kausanku.

Eclesiastés 8:13

Jinallataj juchasapastapis sajra kajta ruwasqankurayku mana allin rinanta, kausayninkoqa llanthu jinalla chinkarinanta; Diosta mana manchachikusqankurayku.

Eclesiastés 8:7

Mana yachanchu imaschus qhepaman jamunanta, nitaj pipis chay imas kananmanta willaykurej kanchu.

Eclesiastés 9:6

Tukukapullantaj munakuyninku, chejninakuyninku, tukuy ima munapayayninku ima. Jinamanta kay pachapeqa manaña imatapis ruwaysikonqankuñachu.

Eclesiastés 9:9

Qanqa kausayniykipi kusikuy munakusqayki warmiykiwan kay pachapi qhasi kausayniykipi sapa p'unchay Dios kausayta qosusqanman jina. Kayllamin kay pacha kausayniykipi chay aqeykeqa, samay sik'ikuyta llank'aspa kausanaykikamaqa.

Miqueas 6:8

Ña nisunkiña, Señor, ya runa yachankichu, imapichus allin kaj ruway kasqanta, chaytataj qanmanta Payqa munan ruwanaykita: Cheqan kaj ruwayta, fiel kayta, mana qonqakapoj kayta, tukuy llamp'u sonqo kaywantaj Diosniykita kasunaykita.