Eclesiastés 5:8 - Qheshwa Biblia DC

⁸ Sichus may naciompi wajchasta ñak'arichejta rikunki, cheqan kajtapis mana kajman tukuchejta, jinallataj cheqanchaypis mana kajtenqa, ama chaykunamanta mancharikunkichu. Paytaqa uj kuraj kaj qhawamushan, paytataj uj aswan kuraj kajñataj qhawamushan, paytapis aswan kuraj kaj patamanta qhawamushallantaj.

DIOSPA QHELQACHISQAN DEUTEROCANONICAL

⁸ 8 (7) Ichapis may llajtapi wajchakunata ñak'arichejta rikunki, cheqan kajtapis manakajman tukuchejta rikullankitaj. Chayta rikuspa, ama t'ukuychu. Uj kamachejtaqa uj kuraj kaj pakan, paytataj uj astawan kuraj kajñataj pakan. Paykunaj ruwasqankutapis astawan kuraj kaj pakashallantaj.

DIOSPA QHELQACHISQ

⁸ 8 (7) Ichapis may llajtapi wajchakunata ñak'arichejta rikunki, cheqan kajtapis manakajman tukuchejta rikullankitaj. Chayta rikuspa, ama t'ukuychu. Uj kamachejtaqa uj kuraj kaj pakan, paytataj uj astawan kuraj kajñataj pakan. Paykunaj ruwasqankutapis astawan kuraj kaj pakashallantaj.

Eclesiastés 5:8 ပူးပေါင်းရင်းမြစ်များ

2 Crónicas 26:10

Oqharillarqataj torresta, ch'in pampanejpi, allarqataj ashkha pozosta. Ashkha uywasniyoj kasqanrayku chay ura pampasnimpi, jinataj orqosnejpipis. Campospi llank'aj runasnimpis kallarqankutaj, uvas sach'asniyoj huertasnimpi chay orqosnejpi, pampasnejpi huertasnimpipis, imaraykuchus payqa chajra sonqo karqa.

Job 24:23

Diosqa saqen sumaj kusiypi kausajta, imaynatachus parisqantataj sumajta qhawan.

Salmos 12:5

Señorqa kay jinata nin: Pisi kallpayojkunaqa saruchikunku, wajchasrí nanaywan waqakunku, noqataj jatarikuspa yanapasaj, imaraykuchus chayta chhikata suyashanku.

Salmos 55:9

Paykunata chinkachiy, Señor, parlayninkuta pejtuy. Maqanakuta, chejninakuyllata paykunapeqa rikuni.

Salmos 82:1

Diosninchej dioskunaj tantakuyninkupi kashan, paykunata juchachanampaj.

Salmos 83:18

Yachachunku qanlla Señor kasqaykita, qanllapuni patapi kaj Dios tukuy kay pachapi kasqaykita.

Salmos 95:3

imaraykuchus Señorqa jatun Diosmin, tukuy dioskunaj jatun reyninkutaj.

Proverbios 22:16

Pichus qhapajyananrayku wajchasmanta sojsojqa, chayri qhapajman qojqa wajchayaypi tukukonqa.

Proverbios 24:12

Sichus qan niwaj mana yachasqaykita chayqa, pichus sonqoykita rikojqa yachanqapuni, chay qhawasojniykeqa allinta yachanqa. Chay qhawajqa sapa ujman ruwasqanman jina qoponqa.

Proverbios 8:17

Noqa munakuni pichus munakuwajta. Pischus mask'awajkunaqa tariwanku.

Eclesiastés 3:16

Kay pachapi rikuni, cheqan imasta ruwaykunamantaqa millay ruwaykunalla tiyasqanta. Imapis cheqan kananmantaqa sajra kajlla tiyan.

Eclesiastés 4:1

Noqa rikuni kay pachapi runasqa tukuy sajra imasta ruwasqankuta. Wajcha runaspa waqasqankuta, mana pipis sonqochaykurej kanchu. Enemigosninkoqa manchayta ñak'arichinku, ni pipis paykunaman sayakoj kanchu sonqochaykurinampaj.

Eclesiastés 5:9

Chaywampis, jallp'aqa tukuypaj allin, reypis jallp'allamantataj kausan.

Eclesiastés 7:7

Cheqamanta sajra ruwaykunaqa yachayniyojta wampuykachachin; lluk'iykunataj sonqonta waj jinayachin.

Eclesiastés 8:9

Chay tukuy imasta yacharqani, kay pachapi imaschus ruwakun chaykunata tukuy sonqoywan allinta unanchaspa. Mayk'ajpis runaqa, runa masinta kamachin, paypa mana allinnillampajtaj.

Isaías 10:12

Señorqa Sión orqopi, Jerusalempiwan ruwaspaña, Asiria reytañataj jasut'enqa, anchata wapuykachasqanta, may kasqanta yuyakusqanmantataj.

Isaías 3:15

Ima nispataj qankunaqa aylluyta munasqaykichejta ruwankichejrí, ima nispataj wajchastapis uyankupi sarunkichejri?, nispa nin Tukuy Atiyniyoj Señorqa.

Isaías 37:36

Maypichus asirio soldados kashanku chayman rispataj, Señorpa angelnin pachaj pusaj chunka phishqayoj asirio soldadosta wañuracherqa. Q'ayantintaj tukuyninku wañusqaslla rikhurerqanku.

Isaías 5:7

Tukuy Atiyniyoj Señorpa uvas sach'asnenqa, Israelmin. Judapi kaj runasqa may munasqa uvas plantakusqan kanku. Señorqa suyarqa israelitas leyta junt'anankuta, astawanqa runa wañuchinakuyllata tarin; Payqa suyarqa imapis cheqan kananta, astawanqa nanaywan qhapariyllata tarin.

Isaías 57:15

Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.

Ezequiel 18:18

Tatanrí runa masinta ñak'aricherqa, suwakorqa, aylluy ukhupi mana allin imasta ruwarqa. Chayrayku payqa kikin juchasninmanta wañonqa.

Amós 5:12

Noqa rejsini millay sajra kasqankuta, juchasninkoqa mana tukukoj, llakichinku cheqan runasta, lluk'irastataj jap'inku; cheqanchana wasispitaj wajchastaqa imapipis atipankupuni.

Amós 6:12

Caballosqa atinkumanchu chhankasta wichariyta? Mar qochataqa atikunmanchu wakasman llank'ayta? Qankuna cheqan kajta venenoman tukuchinkichej. Allin ruwaypa poqoynintapis jayaman tukuchinkichej.

Miqueas 2:9

Warmista wijch'urankichej munasqa wasisninkumanta, wawasninkutataj wiñaypaj jark'akunkichej honrata paykunaman qosqaymanta.

Zacarías 8:6

Jaqay tiempopeqa aylluymanta puchojkunapajqa, mana ni jayk'aj atikunampaj jinachu karqa. Chayqa noqaman tukuy ima allimpuni rijch'awarqa. Noqa Tukuy Atiyniyoj Señor chayta nini.

Malaquías 3:5

Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

San Lucas 1:32

Payqa jatun kanqa, sutichasqataj kanqa patapi kajpa Churin; Señor Diostaj, tatan Davidpa reinonta payman qonqa.

San Lucas 1:35

Angeltaj kuticherqa: Santa Espíritu qanman jamonqa, Diospa atiynintaj llanthusonqa; nacej wawaqa ajllasqa sutichasqa kanqa Diospa Churin.

San Lucas 1:76

Qanri wawáy, jatun Diospa profetan sutichasqa kanki. Señorpa ñaupaqenta rinki, purinasninta wakichispa.

Hechos 12:23

Chay kikimpitaj Señorpa angelnin Herodesta nanaykucherqa, Diosta mana jatunchasqanmanta. Khuruspa mikhusqantaj wañorqa.

Romanos 11:33

May jina jatumpunichus Diospa qhapaj kaynin, yachaynin, rejsiynimpis. Mana yachay atina yuyasqampis, jinallataj ñankunasnimpis.

Santiago 2:13

Pichus wajkunata mana khuyakunchu chayqa, paypis mana khuyakuywan juzgasqa kanqa. Khuyakuytaj atipan juiciotaqa.

1 Pedro 4:12

Munakusqasníy, ama t'ukuychejchu nina larwaypi jina ñak'arisqaykichejmanta; mana rejsisqapis kanman jina.

1 Juan 3:13

Wauqesníy, kay pachapi sajrata kausajkunachus chejnisunkichejman chayqa, ama t'ukuychejchu.