Eclesiastés 5:18 - Qheshwa Biblia DC

¹⁸ Chayta rikuspa noqaqa nini, allimpuni runapajqa mikhunan, ujyanan, tukuy imata kay pachapi, sayk'uywan ruwasqasninwan kusikunan, imastachus chay pisi kausayta Dios qosqampi, chaymin chayaqenchejqa.

DIOSPA QHELQACHISQAN DEUTEROCANONICAL

¹⁸ 18 (17) Chayta rikuspa, noqa nini: Allinpuni runapaj mikhunan, ujyanan, kusikunan ima sinch'ita ruwaspa tarisqanmanta, Diospa qosqan chay pisi kawsaypi. Chaymin runaj t'inkanqa.

DIOSPA QHELQACHISQ

¹⁸ 18 (17) Chayta rikuspa, noqa nini: Allinpuni runapaj mikhunan, ujyanan, kusikunan ima sinch'ita ruwaspa tarisqanmanta, Diospa qosqan chay pisi kawsaypi. Chaymin runaj t'inkanqa.

Eclesiastés 5:18 ပူးပေါင်းရင်းမြစ်များ

Salmos 42:8

Chaywampis, Señorqa khuyakuyninta p'unchaypi chayachimuwan. Tutantaj noqa takillasajpuni, mañakuspallapunitaj kasaj kausachiwaj Diosniymanta.

Eclesiastés 11:9

Wayna, mayta kusikuy tiempoykipi; wayna kashaspa imaschus allin kajwan kusikuy. Sonqoykej munasqampi puriy, imastachus rikusqaykipitaj. Chantaqa yachanayki tiyan, chay tukuymanta Dios cuentata mañasunanta.

Eclesiastés 2:10

Ñawisniypa tukuy rikusqanta ruwarqani. Imaswanchus sonqoy kusikuyta munan, chaytapis ruwarqani. Tukuy llank'asqaywan mayta kusikorqani. Kay kusikuyneyqa chay ruwasqasniymanta t'inkaymin.

Eclesiastés 2:24

Runapajqa chay tukuy imasmanta astawanqa allimpuni mikhunan, ujyanan, tukuy ruwasqanwan kusikunan. Chay tukuyta noqaqa yachallanitaj Diosmanta jamusqanta.

Eclesiastés 2:3

Yuyayniypi nerqani: Kay yachaypi kashaspaqa, kay aychayman vinollatapis ujyarichisaj ari, ajinamanta wampu kayniywan yachanaypaj, mayqenchus allin kasqanta kay pachapi runaspaj, chayllapi tukuypis kausashaspa yuyanankupaj.

Eclesiastés 3:22

Chaynejta noqaqa yachani, runapajqa aswan allin llank'asqampi kusikunan, imaraykuchus paypataqa chaypuni ruwaynin. Mana pipis paymanqa rikuchinmanchu wañojtin imaschus kanantaqa.

Eclesiastés 8:15

Chayrayku, noqaqa nini kusikoyqa sumaj kasqanta. Runapajqa kay pachapi mana imapis allin kajqa kanchu, mana chayqa mikhunan ujyanan, kusikunan imalla, imaraykuchus runapajqa chay imaslla qhepakun tukuy ruwasqanmanta kay pachapi Dios kausayta qonankama.

Eclesiastés 9:7

Chayrayku qanqa riy, kusiywan t'antaykita mikhuy, vinoykitapis tukuy sonqo ujyarikuy; imaraykuchus ruwasqasniykiwanqa Dios mayta kusikun.

Jeremías 52:34

Chantapis, tukuy kausaynimpi Joaquenqa wañupunankama Babilonia reymanta mikhunata jap'ej.

1 Corintios 16:16

Noqa mañakuykichej chay jina runastaqa, yanapajkunatawan, llank'ajkunatawan kasunaykichejta.

Deuteronomio 12:18

Chaykunataqa atillankichej mikhuyta Señor Diosniykichejpa ñaupaqempi, may cheqatachus pay ajllakorqa chaypi, wawasniykichejwan khuska, kamachisniykichejwan khuskataj. Jinallataj qankunawan tiyakoj levitaswampis. Ajinaqa tukuy ruwasqasniykichejmanta mayta kusikunkichej.

Deuteronomio 12:7

Chaypi chay rikuchikusta Señor Diosniykichejpa ñaupaqempi mikhunkichej, tukuy familiasniykichejwan khuska kusikuspa, tukuy ruwasqaykichejta qhawarispa, imaynatachus Señor Diosniykichej bendicionninwan poqochin, chayta.

Deuteronomio 26:11

Chaymantaqa Señor Diosniykichej tukuy imasta qosusqaykichejmanta mayta kusikunkichej, tukuy familiaykichejwan, qanwan tiyakoj levitaswan, jinallataj llajtaykichejpi tiyakoj karu llajtayojkunawan ima.

1 Timoteo 6:17

Kay pachapi qhapajkunata kamachiy ama alabakunankuta, amataj kapuyninkupi suyanankuta. Chaykunaqa mana kajlla. Kausashaj Diosqa tukuy imata qowanchej ashkhata chaywan kausananchejpaj.