Eclesiastés 3:2 - Qheshwa Biblia DC

² Uj tiempoqa nacenapaj, uj tiempotaj wañunapaj. Uj tiempoqa tarpunapaj, uj tiempotaj tarpusqata oqharinapaj.

DIOSPA QHELQACHISQAN DEUTEROCANONICAL

² Uj tiempoqa paqarinapaj tiyan, uj tiempotaj wañunapaj. Uj tiempoqa mallkinapaj tiyan, uj tiempotaj poqosqanta oqharinapaj.

DIOSPA QHELQACHISQ

² Uj tiempoqa paqarinapaj tiyan, uj tiempotaj wañunapaj. Uj tiempoqa mallkinapaj tiyan, uj tiempotaj poqosqanta oqharinapaj.

Eclesiastés 3:2 ပူးပေါင်းရင်းမြစ်များ

Génesis 17:21

Tratoytaqa Isaacwan ruwasajpuni, warmiyki Saraqa wawata onqopusonqa uj watamantawan, chaywan.

Génesis 47:29

Uj día Israelqa wañupoj jina kaspa, José wawanta wajyachimorqa ninampaj: Sichus qan cheqamanta noqata khuyayta munawanki chayqa, makiykita ukhuyman churaspa juray ari, imatachus nisusqayta ruwanaykipaj. Qanqa wawáy, ama ari kay Egiptopi p'ampawankichu.

1 Reyes 13:2

Paytaj chay altarpa contrampi qhaparerqa, Señorpa kamachisqanman jina: Altar, altar, Señorqa ajinata nin: Davidpa ayllunmanta uj wawa Josías sutiyoj nacenqa, qampa pataykipi ñak'aspa jaywanqanku loma pata wasispi sacerdotesta, qampa pataykipi inciensota ruphachinku chaykunata, runa tullusta ima pataykipi ruphachenqa.

2 Reyes 4:16

Eliseotaj warmiman nerqa: Wata kunan jina, wawata ichuykachashanki, nispa. Paytaj kuticherqa: Ama, Diospa runan, wiraqochíy, kay kamachiykita ajinata ch'aukiyaychu, nispa.

Job 14:14

Sichus uj runa wañun chayqa, ujtawan kausanmanchu? Tukuy kausayniypi suyasaj, kay tukuy llakiyniymanta sonqo tiyakuy jamunawankama.

Job 14:5

Cheqamanta diasnenqa yupasqalla, mashkha killastachus kausananqa qayllaykipi kashan; qan churanki maykamachus rinanta, manataj chayta pasayta atinchu.

Job 7:1

Uj runaj kausaynin kay jallp'a patapeqa, uj soldadoj kausaynin jina.

Salmos 113:9

Mana wawasniyoj warmiman wawasta qon. Mamata wawasnintawan kusisqata tiyachin. Señorqa yupaychasqa kachun!

Salmos 52:5

Chayrayku Diosqa wiñaypaj pampachasonqa, wasiykimanta jap'isuspa wijch'usonqa, kay pachamanta chinkachisonqa.

Proverbios 24:27

Jawapi imachus ruwanasniykitaraj allinta ruway, campopi ruwanasniykitapis ruwamuy; chaymantaraj wasiykita ruwakunki.

Isaías 28:24

Tarpunampaj jallp'ata llank'ajqa, tukuy p'unchaynintinchu llank'anqa? Chay jatuchaj k'urpasta wajtaspa, llamp'uchaspatajchu kanqa?

Isaías 38:1

Chaypachataj Ezequiasqa onqoykuspa wañupunayasharqa. Jina kashajtintaj Amospa wawan parofeta Isaías watukoj rispa nerqa: Señorqa nisunki: Wasiykipi kajkunaman imatachus ruwanankuta willay. Qanqa wañupunkiña, mana sanuyawajchu.

Isaías 38:5

Rispa Ezequiasman nimuy: Tatayki Davidpa Diosnenqa kay jinata nimusunki: Mañakusqaykita, waqasqaykitapis uyariyki. Chayrayku noqaqa niyki chunka phishqayoj watastawanraj kausanaykita.

Isaías 54:1

Señorqa nin: Jatunmanta kusikuy ari mana wawa rejsej warmi, mana wachakoj warmi. Jatunmanta takispa kusikuy mana onqokuyta yachaj warmi. Wijch'usqa warmejtaraj ashkha wawasnenqa kanqa, casada warmejmanta nisqaqa.

Jeremías 1:10

Noqa simiykiman palabrasniyta churani. Noqa kunan p'unchay atiyta qoyki aylluspi nacionespitaj, sik'inaykipaj, thuñinaykipaj, phirinaykipaj, t'unanaykipajtaj, chantá atillankitaj watejmanta jatarichiyta, sayachiytapis.

Jeremías 45:4

Ajinata nin Señorqa, qanta niyki: Sayachisqayta noqa urmachini, plantasqaytataj t'irani. Ajinallatataj ruwasaj tukuy jallp'api kajkunawan.

San Mateo 13:41

Runaj Churin kachamonqa angelesninta, orqhonampaj reinonmanta, juchaman misk'achej tukuy runasta juchasapastawan. Nina hornomantaj enqhaykonqanku; chaypitaj manchay waqay, kiru k'arukuytaj kanqa.

San Mateo 15:13

Jesustaj kuticherqa: Ima yurallapis, janaj pacha Tataypa mana plantasqanqa, saphinmantapacha sik'isqa kanqa.

San Lucas 1:13

Chantá angeltaj payman nerqa: Ama mancharikuychu Zacarías. Mañakusqaykita Dios uyarinña, warmiyki Isabel wawayoj kanqa, paytataj Juanta sutichanki.

San Lucas 1:20

Nisusqayta mana creesqaykiraykutaj opayanki, mana parlarinkichu wawayki nacikunankama. Ajinata kay tukuynin junt'akonqa maychus kasqanman jina.

San Lucas 1:36

Jinallataj aylluykimanta Isabelpis, paya kashaspaña, qhari wawayoj kanqa, mana wawayoj nisqapis, sojta killa wijsayojña.

San Juan 16:21

Onqoj warmeqa, wachakunan p'unchay chayamojtin llakikun; imaraykuchus horan chayamun; wawata wachakuytawantaj chay nanaymanta qonqapun, kusikuywan kay mundopi wawata nacichikusqanrayku.

San Juan 7:30

Chaymantataj Jesusta presochayta munarqanku; manataj mayqempis jap'iykuyta aterqachu, imaraykuchus manaraj horan chayamusharqachu.

Hechos 7:17

Maypachachus Dios, Abrahamman qosqayki nerqa, chay p'unchaykunataj junt'akunampaj qayllamushajtin, Israel runakunaqa Egiptopi manchay ashkhaman mirarqanku, Egiptopi waj rey sayarinankama. Payqa Joseta mana rejserqachu pichus kasqanta.

Hechos 7:20

Chay tiempollapitaj Moisés nacikorqa. Diostaj payta munakorqa. Kinsa killankamataj tatampa wasimpi uywasqa karqa.

Gálatas 4:4

Chantá p'unchaykuna junt'akojtintaj, Dios kachamorqa Churinta, ley kamachishajtin, uj warmimanta nacikojta.

Deuteronomio 34:5

Ajinata Diospa kamachin Moisesqa Moab jallp'api wañuporqa, Señorpa nisqanman jina.

Hebreos 9:27

Imaynatachus runaspaj, uj kutilla wañunanku churasqa kashan; chaymantataj, juiciota taripananku tiyan.

1 Samuel 2:5

Ñaupajpi tukuy ima mikhunawan atipachikojkunaqa, kunan uj chhika t'antarayku chhalakushanku. Yarqhasqas kasharqanku chaykunataj, kunanqa manaña yarqhasqaschu kashanku. Mana wawasniyoj kayta aterqachu chay warmipis, qanchis kutitaña wawasta nacechikun. Ashkha wawasniyoj karqa chay warmejtari kallpanqa tukusqaña kashan.