Eclesiastés 2:1 - Qheshwa Biblia DC

¹ Noqaqa sonqoypi nerqani: Kunanqa mayta kusikusaj; kay tukuy allin kajwan kusirikusaj, nispa. Chaypis qhasi mana kajllataj.

DIOSPA QHELQACHISQAN DEUTEROCANONICAL

¹ Chantá sonqoypi nerqani: Imaynachus kusikuy kasqanta yachanaypaj kunan munasqayta ruwasaj, chantapis mayta kusikusaj, nispa. Chaypis qhasi manakajlla karqa.

DIOSPA QHELQACHISQ

¹ Chantá sonqoypi nerqani: Imaynachus kusikuy kasqanta yachanaypaj kunan munasqayta ruwasaj, chantapis mayta kusikusaj, nispa. Chaypis qhasi manakajlla karqa.

Eclesiastés 2:1 ပူးပေါင်းရင်းမြစ်များ

Génesis 11:7

Kunanqa jaku uraykunachej parlayninkuta chajroj, parlasqankuta ama entiendenakunankupaj.

2 Reyes 5:5

Siriamanta reytaj payman nerqa: Rillay, noqataj Israelmanta reyman cartasta qelqaspa apachisqayki. Naamantaj rerqa, kinsa chunka waranqa qolqeta apariykukuspa, sojta waranqa qorimanta qolqesta, chunka mosoj p'achastawan.

Salmos 10:6

Payqa yuyan ni pipis urmachinanta, ni jayk'aj ima misk'anapis paypaj kananta.

Salmos 14:1

Wampoqa sonqompi nin: Mana Dios kanchu, nispa. Tukuy sajra kausayman qokunku, may millaykunata ruwanku, manaña kanchu allinta ruwajkunaqa!

Salmos 27:8

Sonqoyqa qanmanta niwan: Señorta mask'ayki.

Proverbios 14:13

Asispapis sonqoqa nanachikun, jinamanta asiypa tukuynenqa waqay kashan.

Eclesiastés 11:9

Wayna, mayta kusikuy tiempoykipi; wayna kashaspa imaschus allin kajwan kusikuy. Sonqoykej munasqampi puriy, imastachus rikusqaykipitaj. Chantaqa yachanayki tiyan, chay tukuymanta Dios cuentata mañasunanta.

Eclesiastés 2:10

Ñawisniypa tukuy rikusqanta ruwarqani. Imaswanchus sonqoy kusikuyta munan, chaytapis ruwarqani. Tukuy llank'asqaywan mayta kusikorqani. Kay kusikuyneyqa chay ruwasqasniymanta t'inkaymin.

Eclesiastés 2:15

Chaymanta sonqoypi nerqani: Imachus wampu runapajqa kanqa, jinallataj noqapajpis. Jina kajtenqa ima allintaj yachayniyoj kasqayri? Chaypis qhasi manakajllataj.

Eclesiastés 2:25

Mana pay jina ruwajtenqa pitaj mikhunman, pitaj kusikunmanri?

Eclesiastés 7:4

Yachayniyojpa sonqonqa wañuy wasipi yuyashan, wampu runarí may wasipichus kusikuy kashan chayllapi yuyan.

Eclesiastés 8:15

Chayrayku, noqaqa nini kusikoyqa sumaj kasqanta. Runapajqa kay pachapi mana imapis allin kajqa kanchu, mana chayqa mikhunan ujyanan, kusikunan imalla, imaraykuchus runapajqa chay imaslla qhepakun tukuy ruwasqanmanta kay pachapi Dios kausayta qonankama.

Isaías 5:5

Kunanqa, uvas sach'asniywan imanasajchus chayta nisqaykichej: Perqasninta thuñisaj, jinamanta chinkanqa, perqasninta urmarachisaj, tukuy sarunankupaj.

Isaías 50:11

Qankunaqa tukuy ninata jap'ichejkuna, nina k'anchayta apaykachajkuna; chay nina jap'ichisqaykichejman urmankichej, ima k'anchaykunastachus jap'ichikunkichej chaykunallamantaj; llakiywantaj tukukunkichej. Kay jasut'itaqa Señorpuni apachimusonqachej.

Isaías 50:5

Señorqa ningrisniyta kichariwarqa, noqarí mana k'ullukorqanichu, nitaj qhepamampis kutirerqanichu.

San Lucas 12:19

Almaymantaj nisaj: Almáy, kunanqa ashkhaña tiyapusunki kapuyniyki, sumaj jallch'asqa unay wataspaj; samarikullayña, mikhuy, ujyay, kusikuytaj, nispa.

San Lucas 16:19

Uj qhapaj runa karqa. Paytaj linomanta awasqa puka p'achawan p'achallikoj. Sapa p'unchaytaj sumaj mikhuyta ruwaj, runaj rikunanta.

San Lucas 16:23

Ukhu pachapitaj manchayta ñak'arispa qhawarerqa, rikorqataj karupi Lazarota Abrahamtawan.

Tito 3:3

Noqanchejpis ñaupajtaqa mana yuyayniyoj karqanchej, Diosta mana kasuspa, chinkasqas aychaj munaynimpi, imaymana sajra munaykunaman qokuspa, mana allin yuyaypi, qhawanakuspa, chejnisiris, chejninakuspataj ujkuna ujkunawan.

Santiago 4:13

Kunanqa, qankuna ninkichej: Kunanchus q'ayachus risunchej waj llajtaman, chaypitaj uj watata kamusunchej, qhatuspa qolqechamusunchej, nispa; mana yachaspa q'aya imachus kananta. Imataj kausayniykichejri? Cheqamanta urphu jina rikhurimun uj ratullapaj, chantá usqhayta chinkaripun.

Santiago 5:1

Kunanqa, qhapajkuna, waqaychej ari, qhapariychej qankunaman llakiykuna jamunanmanta.

Santiago 5:5

Kay jallp'a patapi qankunaqa sumaj p'achayoj k'ancharishaj kausarqankichej munayniykichejpi, may kusisqas, sonqosniykichejta wirayachispa ñak'ana p'unchaypaj jina.