Eclesiastés 12:7 - Qheshwa Biblia DC

⁷ Chaypacha, ñut'u jallp'aqa, jallp'allamantaj tukonqa ñaupajta karqa ajinaman, runaman qosqan almataj Diosllaman kutiponqa.

DIOSPA QHELQACHISQAN DEUTEROCANONICAL

⁷ Chay p'unchay jallp'aqa jallp'allamantaj kutenqa, ñawpajta karqa, chayllamantaj. Qanman kawsay qosqa karqa, chaytaj Diosman kutiponqa.

DIOSPA QHELQACHISQ

⁷ Chay p'unchay jallp'aqa jallp'allamantaj kutenqa, ñawpajta karqa, chayllamantaj. Qanman kawsay qosqa karqa, chaytaj Diosman kutiponqa.

Eclesiastés 12:7 ပူးပေါင်းရင်းမြစ်များ

Génesis 18:27

Abraham ujtawan nillarqataj Señorman: Perdonaway, noqa ñut'u jallp'a jinalla kashaspa qan Señorniyta tapukususqaymanta.

Génesis 2:7

Chaymanta Señor Dios runata ruwarqa ñut'u jallp'amanta, senqanmantaj kausay samayta samaykorqa. Ajinamanta runaqa kausayta qallarerqa.

Génesis 3:19

Jump'i suruyta llank'anki mikhunaykipaj ñut'u jallp'aman tukunaykikama; imaraykuchus jallp'amanta ruwasqa kanki, jallp'a kanki, jallp'amantaj kutinki.

Job 20:11

Wayna kashaspa imaynachus kallpayoj karqa, kikimpacha sepulturaman yaykonqa.

Job 7:21

Manachu juchaytaqa pampachapuwayta atinki? Manachu ima sajratachus ruwasqaytaqa pampachayta atinki? Noqaqa ñapis jallp'apiña wijch'ukusaj; tutamanta mask'awanki, noqataj chaypajqa manaña kasajchu.

Salmos 103:14

Noqarí, wiñaypaj suyallasqaykipuni, astawan astawan yupaychasqayki.

Salmos 104:29

Uyaykita pakanki chayqa, mancharikunku. Samayninkuta qhechupojtiykitaj wañupunku, jallp'allamantaj tukupunku.

Salmos 146:4

Samaynin tukukun, jallp'amantaj tukunku, chay pachataj tukuy yuyasqanku chinkapun.

Salmos 31:6

Qhasi mana kaj lantita yupaychajkunata chejnikuni. Noqataj Señorpi atienekuni.

Salmos 90:3

Qanqa ruwanki runa jallp'aman tukunanta; runas, jallp'aman tukuychej, nispa.

Isaías 57:16

Mana wiñaypajchu juchachasqayki, manataj wiñaypajchu phiñakusaj; imaraykuchus espiritoqa ñaupaqeypi urmanman, jinallataj ruwasqasniy kausay samaypis.

Jeremías 38:16

Chanta rey Sedequiasqa pakayllapi uj juramentota Jeremiaswan ruwarqa: Pichus kausayta qowanchej chay Señorpa sutimpi jurayki wañuchinasunkuta mana saqesajchu, nitaj wañuchisuyta munajkunaj makinmampis jaywaykusqaykichu.

Daniel (hebreo) 12:2

Jallp'aj sonqompiña puñojkunamanta ashkhas rijch'arimonqanku, ujkunaqa wiñayta kausanankupaj, wakinkunataj, wiñaj p'enqaypi, wiñay phutiypitaj kanankupaj.

Zacarías 12:1

Kayta, Israelmanta Señor parlarqa: Señor pichus janaj pachata aysarqa, kay pachatapis sayacherqa, runamampis kausayta qorqa, ajinata nisunkichej: Qhaway, Jerusalenqa uj vinoyoj vasota jap'enqa; tukuy qayllampi kaj llajtakunatataj machaykuchenqa. Maypachachus chaykuna Jerusalenman maqanakoj yaykonqanku chaypacha, Judamanta kaj waj llajtasmampis yaykullanqankutaj.

Números 16:22

Moiseswan Aaronwantaj chayta uyarispa pampaman umankuta chayachinankukama qonqorikorqanku, kay jinata nispa: Diosniyku, tukuy runasman kausayta qoj, kay tukuy runaspa contrantachu phiñakunki uj runaj juchanrayku?

San Lucas 23:46

Chaypacha Jesusqa sinch'ita qhaparerqa: Tatáy, makisniykiman espirituyta saqeni, nispa. Chayta nispataj wañuporqa.

Hechos 7:59

Chanqashajtinkutaj Estebanqa mañakuspa nerqa: Señor Jesusníy, espirituyta jap'ikapuy, nispa.

Hebreos 12:23

Ajinallatataj qayllaykunkichej ñaupa creejkunaj tantakunanku wasiman. Paykunaj sutisninkoqa janaj pachapi escribisqa kashanku; ajinallatataj, Diosman tukuypa juezninman, ajllasqa espiritusmanwan, pikunachus allinchasqas kanku, chaykunaman.

Hebreos 12:9

Chantá, kay pacha tatasninchej jasut'iwajtinchej, kasoj kanchej. Manachu astawanraj janaj pacha Tatanchejta kasunanchej kausananchejpajqa?