Eclesiastés 11:9 - Qheshwa Biblia DC

⁹ Wayna, mayta kusikuy tiempoykipi; wayna kashaspa imaschus allin kajwan kusikuy. Sonqoykej munasqampi puriy, imastachus rikusqaykipitaj. Chantaqa yachanayki tiyan, chay tukuymanta Dios cuentata mañasunanta.

DIOSPA QHELQACHISQAN DEUTEROCANONICAL

⁹ Waynapis, sipaspis kashaspa kusikuy, imachus allin kajwan kusikullaytaj. Sonqoykej munasqanpi, ñawiykej rikusqanpi ima puriy. Chaywanpis yachay tukuy chaykunamanta Dios cuentata mañasunanta.

DIOSPA QHELQACHISQ

⁹ Waynapis, sipaspis kashaspa kusikuy, imachus allin kajwan kusikullaytaj. Sonqoykej munasqanpi, ñawiykej rikusqanpi ima puriy. Chaywanpis yachay tukuy chaykunamanta Dios cuentata mañasunanta.

Eclesiastés 11:9 ပူးပေါင်းရင်းမြစ်များ

Génesis 3:6

Warmitaj sach'ata qhawarerqa mikhunapaj jina moq'eyta. Jinallataj chayta mikhuykuspa imatapis yachanapaj jina. Ujnin poqoyninta p'itispataj mikhuykorqa; qosanmampis jaywarqa, paypis mikhuykullarqataj.

Génesis 6:2

Diospa wawasnintaj paykunawan casarakorqanku sumaj warmista rikuspa, ajllakuspataj munasqankuman jina.

1 Reyes 18:12

Noqa ripojtiytaj, Señorpa Espíritun wajnejman mana yachasqayman apasonqa. Noqa rispa Acabman willamojtiy, qanta mana taripasuspataj payqa wañuchiwanqa ari. Kay kamachiykeqa Señorta manchachikun juch'uyninmantapacha.

1 Reyes 18:27

Chanta khuskan p'unchayta Eliasqa paykunamanta asikorqa: Astawan jatunmanta qhapariychej, imaraykuchus payqa dioscharí. Ichapis umachakushan, chayri imatachus ruwashan, ñampichus kashan. Ichapis puñushan, rijch'arichiychej ari!

1 Reyes 22:15

Paytaj reypaman jamorqa, reytaj payta nerqa: Micaías, Galaadmanta Ramot llajtaj contrampi maqanakoj risqaykuchu, amarajchu? Paytaj kutichispa nerqa: Wichariy, allintaj risonqa, Señorqa reypa makinman jaywaykonqa.

Job 31:7

Sichus cheqan kaj ñanmanta wist'uykuni, sichus ñawiypa rikusqanwan apachikuni, makiypitaj wajpa imasnin rikhurin chayqa,

Salmos 81:12

Chayrayku munasqampi saqerqani; yuyasqankuman jinataj kausarqanku.

Eclesiastés 12:1

Wayna kashaspa ruwajniykimanta yuyarikuy, amaraj sajra p'unchaykuna jamushasojtin. Chay watas chayamusojtintaj ama ninaykipaj: Mana chaykunapeqa kausayta tarinichu, nispa.

Eclesiastés 12:14

Diosqa tukuy ima ruwasqasninchejmanta cuentata mañawasunchej, pakasqa kajmanta, sut'ipi kajmanta, allin kajmantapis, mana allin kajmantapis.

Eclesiastés 2:10

Ñawisniypa tukuy rikusqanta ruwarqani. Imaswanchus sonqoy kusikuyta munan, chaytapis ruwarqani. Tukuy llank'asqaywan mayta kusikorqani. Kay kusikuyneyqa chay ruwasqasniymanta t'inkaymin.

Eclesiastés 3:12

Noqaj unanchasqayman jina, runapaj aswan allin kanman kusikunan, kausaynimpitaj aswan allin imasta ruwanan.

Eclesiastés 3:17

Chaypacha sonqoypi nerqani: Cheqan runatawan, juchasapa runatawanqa Dioslla cheqanchanqa; imaraykuchus chaypeqa tukuy ima munanapis tiempoyojlla, jinallataj ruwanapis.

Eclesiastés 6:9

Rikunapuni aswan allin, qhasi manakajta imatapis rikuy rikuyta yuyananmanta nisqaqa. Chaypis qhasi manakajllataj wayra jap'ikuy jinalla.

Eclesiastés 7:14

Allin p'unchaypeqa allin kajwan kusikuy; mana allin risojtenqa, sumajta unanchakuy. Chay allin kajta mana allin kajtapis Diospuni ruwan, runa qhepaman imaschus kananta ama yachanampaj.

Jeremías 23:17

Pichus palabrayta qhesachajkunata ninku: Tukuy ima allillan risonqachej, nispa. Pischus ruwallankupuni rumi sonqonkoj munasqanman jina, chaykunatapis ninku: mana ni ima sajra kajqa jamusonqachejchu, nispa.

Jeremías 7:24

Chaywampis mana kasuwarqankuchu, nitaj uyariwarqankuchu, manachayqa rumi sonqo kayninkuwan apachikorqanku, sonqonkoj millay ruwayta munasqasninman jina. Noqaman kutirimunawankutaqa wasanchakuwarqanku.

Lamentaciones 3:27

Uj runapajqa allimpuni wayna kasqanmantapacha kasukoj kananqa.

Números 15:30

Sichus uj runa juchachakun jucha kasqanta yachashaspa, israelitapis kachun, chayri karu llajtayojpis kachun chayqa, noqata qhesachawan. Chayrayku chay jina runaqa ayllusnin ukhumanta chinkachisqa kanqa.

Números 15:39

Ajinamanta chay flecosnejta yuyarikunkichej tukuy kamachiykunasniyta qosusqaymanta, junt'ankichejtaj. Ajinata munayniykichejwan mana atipachikunkichejchu, chay mana allinta ruwaspa qhatinawaykichejmanta.

Números 22:32

Señorpa angelnintaj Balaamman nerqa: Ima nispataj burroykita kinsa kutita seq'onkiri? Noqa kani ñaupaqeykipi sayajqa. Noqamantaqa mana allintachu qanqa rishanki.

San Mateo 5:28

Noqatajrí niykichej: Pillapis uj warmita qhawan munapayaspa chayqa, ñapis paywan sonqompi qhenchachakunña.

San Lucas 12:19

Almaymantaj nisaj: Almáy, kunanqa ashkhaña tiyapusunki kapuyniyki, sumaj jallch'asqa unay wataspaj; samarikullayña, mikhuy, ujyay, kusikuytaj, nispa.

Hechos 14:16

Ñaupajtaqa, Dios saqerqa tukuy runasta ñanninkuta purinankuta.

Hechos 24:25

Pablota parlajta uyarispataj cheqan kajta ruwanamanta, ama qhenchachakunamanta, jamoj juicio p'unchaymanta ima, Felixqa mancharikorqa, Pablotataj nerqa: Kunanqa ripullayña, waj p'unchaypi wajyachillasqaykitaj.

Romanos 14:10

Qanrí, imaraykutaj hermanoykita juzganki? Chayrí, imaraykutaj hermanoykita qhesachanki? Tukuyninchej cheqanchasqas kasunchej Diospa ñaupaqempi.

1 Corintios 4:5

Chaywampis, amaraj imatapis juzgaychejchu, Señor jamunankama. Paytaj sut'inchanqa laqhapi pakasqa kajta, rikuchenqataj imatachus sonqosninkupi yuyasqankuta; chaypachataj sapa ujta Dios alabanqa.

2 Corintios 5:10

Tukuyninchej, Cristoj cuenta mañanampi rikhurinanchej tiyan, sapa uj jap'inanchejpaj ruwasqanchejman jina, allin kajta, chayri mana allin kajtapis.

Deuteronomio 29:19

Sichus mayqellampis kay juramentota uyarisqanmanta qhepata sumaj runa kasqanta yuyakuspa ninman: Allillampuni riwanqa tukuy imata munasqayman jina ruwajtiypis, nispa, chayqa, chay runanejta tukuyniykichej chinkachisqas kankichej.

Hebreos 9:27

Imaynatachus runaspaj, uj kutilla wañunanku churasqa kashan; chaymantataj, juiciota taripananku tiyan.

Josué 7:21

Jericopi chay tukuy imas ukhupi, uj k'achitu babilonia mantata rikorqani, iskay pachaj qolqeta, khuskan kilo kuraj jina sayt'u p'alta qoritawan. Chaykunata anchata munasqayrayku pakaykorqani, apaspataj jaray uraman p'ampaykorqani, qolqetataj aswan uraman churaykuspa.

2 Pedro 3:7

Kunanqa janaj pacha, kay pacha imaqa, ninapaj waqaychasqas kashanku, Diospa palabranman jina, juicio p'unchaykama. Chaypachataj Diosta mana yupaychajkuna, ñak'ariyman wijch'usqas kanqanku.