Eclesiastés 1:13 - Qheshwa Biblia DC

¹³ Noqaqa tukuy sonqoywan, tukuy yachaywantaj mask'aspa yachayta munarqani, kay pachapi kay tukuy imas ruwakusqanmanta. Kay phutiy ruwanata Diosqa runasman qorqa, chayta ruwaspa kausanankupaj.

DIOSPA QHELQACHISQAN DEUTEROCANONICAL

¹³ Chantá tukuy sonqoywan, tukuy yachaywantaj mask'aspa, kay pachapi tukuy ima ruwakusqanmanta yachayta munarqani. Kay sinch'i ruwanata Dios runaman qorqa, chayta ruwaspapuni kawsananchejpaj.

DIOSPA QHELQACHISQ

¹³ Chantá tukuy sonqoywan, tukuy yachaywantaj mask'aspa, kay pachapi tukuy ima ruwakusqanmanta yachayta munarqani. Kay sinch'i ruwanata Dios runaman qorqa, chayta ruwaspapuni kawsananchejpaj.

Eclesiastés 1:13 ပူးပေါင်းရင်းမြစ်များ

Génesis 3:19

Jump'i suruyta llank'anki mikhunaykipaj ñut'u jallp'aman tukunaykikama; imaraykuchus jallp'amanta ruwasqa kanki, jallp'a kanki, jallp'amantaj kutinki.

Job 28:3

Runaqa laqhayajta tukuchin, jallp'a ukhuman yaykun, chay laqhayaypi rumista mask'an.

Salmos 111:2

Señorpa ruwasqasnenqa jatuchaj kanku. Pikunachus yachayta munajkunaqa astawan munanku.

Proverbios 18:1

Imatapis payllapaj munaj runaqa, imatachus mask'asqasnin junt'akunallanta munan; imachus allin kashan chaytaqa pantachillampuni.

Proverbios 18:15

Allin yuyayniyojqa yachayta astawan jap'in, yachayniyojkunaj ningrenqa yachayta mask'an.

Proverbios 23:26

Allintapuni uyariway, wawáy; kausayniyta allinta qhaway.

Proverbios 25:2

Diospajqa allimpuni pakasqa imas kananqa, reyespajtaj sumaj chay imasmanta unanchayqa.

Proverbios 4:7

Amaraj imatapis jap'ishaspa, yachayta, allin yuyaytawan jap'ikuy.

Eclesiastés 1:17

Tukuy sonqoywan yachakuni imachus yachay kasqanta. Chaymantaqa yachallanitaj imachus manakajlla kajkunata, qhasi sonseraslla kajkunatawan. Chay imasta yachanaqa wayratapis qhatiykachasunman jinalla.

Eclesiastés 11:5

Ajinata qanqa mana rejsinkichu maynintachus wayra risqanta, nillataj yachankichu uj warmej wijsampi imaynatachus uj wawa wiñasqanta; kikillantataj qanqa mana yachankichu Diospa ruwasqasninmanta; paypuni tukuy imastapis ruwan.

Eclesiastés 12:12

Kunanqa wawáy, amaña kaymanta jawaqa imastapis mask'aychu, librosta ruwanaqa manapuni jayk'ajpis tukukunmanchu. Anchataña imasmantapis yachayta munayqa sayk'uchikun.

Eclesiastés 2:23

Tukuy kausaynimpi llakiyllapuni, ima ruwasqasnimpis phutiylla, tukuy tutantin yuyaynenqa chayllapipuniy uyashan. Chaypis khasi manakajllataj.

Eclesiastés 2:26

Diosqa pichus payta kusichejman yachayta qon. Jinallataj rejsiyta, kusikuytawan. Juchasapamanri Diosqa saqellan tukuy imasta tantajta, qhapajyajtapis, pichus Diosta kusichejman qonampaj. Chaypis qhasi mana kajlla, wayra jap'ikuy jinallataj.

Eclesiastés 3:10

Noqaqa yachani, chay ruwanasta Diospuni runasman qosqanta, chay imasta ruwanankupaj.

Eclesiastés 3:11

Diosqa tukuy imata tiempompi k'achituta ruwarqa. Payllataj runaj sonqonman wiñay kasqanta churarqa, qallariymantapacha Diospa ruwasqasninta allinta yachanampaj; chaywampis runaqa manapuni yachayta atinchu imaynamantachus kashasqankuta.

Eclesiastés 4:4

Chanta reparallanitaj, tukuy ima ruwaykuna, sumajta imastapis ruwasqasqa runasta munapayayman pusan, ajinamanta runa masisninkuta chejnikunampaj. Chaypis qhasi mana kajllataj wayra jap'ikuy jinalla.

Eclesiastés 4:8

Uj sapan kaj runaqa mana yanapayniyoj, ni jayk'aj samarikunchu ima ruwaymantapis, qhapajyayninta qhawaspallapuni mana sayk'unchu, nitaj tapurikunchu: Pipajtaj kay jinata llank'ashaniri, almayta allin imasmanta ch'aukiyaspari?, nispallapis. Chaypis qhasi mana kajlla, qhasi mana kajpajtaj llank'arqa.

Eclesiastés 7:25

Ujtawan noqapi yachayta mask'aj churakorqani, chay yachayta allinta qhawariyta, unanchaytataj imaynamantachus chay tukuy imas kasqankuta. Chaypi yacharqani sajra ruwayqa sonsera kasqanta, pantakunataj qhasi mana kajlla kasqanta.

Eclesiastés 8:9

Chay tukuy imasta yacharqani, kay pachapi imaschus ruwakun chaykunata tukuy sonqoywan allinta unanchaspa. Mayk'ajpis runaqa, runa masinta kamachin, paypa mana allinnillampajtaj.

1 Timoteo 4:15

Chaykunata ruway, chaykunapi sonqoykita churay, ñaupajman rishasqaykita tukuy rikunankupaj.