Deuteronomio 9:3 - Qheshwa Biblia DC

³ Kunanqa yachanaykichej tiyan, qankunaj ñaupaqeykichejta Señor Diosniykichej renqa. Payqa uj k'ajashaj nina nina ruphaspa k'umuykachachenqa ñaupaqeykichejpi nacionesta chinkachinankama. Qankuna chay llajtasninkumanta qharqospa ujllapi chinkachinkichej, imaynatachus Señor qankunaman nisqaykichejman jina.

DIOSPA QHELQACHISQAN DEUTEROCANONICAL

³ Chaywanpis qankuna yachankichej Tata Diosniykichejqa qankunaj ñawpaqeykichejta rinanta. Payqa ruphaj nina jina ñawpaqeykichejpi chay suyukunapi tiyakojkunata k'umuykuchispa, chinkachenqa. Qankunaqa Tata Dios kamachisusqaykichejman jina, paykunata wijch'unkichej, chantá uj ñawi ch'irmiyllapi tukuchinkichej.

DIOSPA QHELQACHISQ

³ Chaywanpis qankuna yachankichej Tata Diosniykichejqa qankunaj ñawpaqeykichejta rinanta. Payqa ruphaj nina jina ñawpaqeykichejpi chay suyukunapi tiyakojkunata k'umuykuchispa, chinkachenqa. Qankunaqa Tata Dios kamachisusqaykichejman jina, paykunata wijch'unkichej, chantá uj ñawi ch'irmiyllapi tukuchinkichej.

Deuteronomio 9:3 ပူးပေါင်းရင်းမြစ်များ

Éxodo 23:23

Angelniy qampa ñaupaqeykita renqa, chayachisonqataj amorreoj jallp'anman, heteojpaman, ferezeojpaman, cananeojpaman, heveojpaman, jebuseojpaman ima, mayqenkunatachus noqa chinkachisaj mana ujniyojta.

Éxodo 24:17

Chay p'unchaypi Señorpa kusiy k'anchaynin israelitasman rikhurimorqa uj nina qanqey jina.

Isaías 27:4

Manaña phiñasqachu kani. Sichus chaypi khishkas, chayri chaypi qhoras kanman chayqa, noqa saruspa q'olachimusaj.

Isaías 30:27

Señorqa pay kikin karumantapacha jamun; uyanqa nina larway imatapis ruphaykoj jina; simimpis manchay phiñakuywan junt'a kashan; qalluntaj q'olaykoj nina jina kashan.

Isaías 30:30

Señorqa jatunmanta parlasqanta uyarichenqa, makimpa sajmasqanta rikuchenqa, manchay phiñasqa kayninta rikuchispa, manchayta q'olarparej ninawan, llojlla parawan, manchay muyoj wayrawan, jatuchaj rumi jina chejchiwan ima.

Isaías 30:33

Unaymantapacha, Asiriapaj, reynimpajwan ñak'arina cheqa wakichisqa kashan manchay jatun, ukhutaj. Chay ruphachinaqa ashkha llant'ayoj ninayoj ima kashan. Chaymantaj Señorqa azufre mayuta jina samayninwan jap'iykuchenqa.

Isaías 33:14

Juchasapasqa Siompi mayta kharkatiterqanku, puraj uyastapis t'ukuylla jap'erqa. Pitaj noqanchejmanta kay jina nina ukhupi kausanmanri, pitaj kay jinata wiñaypaj nina k'ajaj ukhupi tiyakunmanri?

Miqueas 2:13

Dios, ñanninkuta kicharispa renqa, paykunataj qhatenqanku; llojsenqankutaj llajtankoj punkunta. Reyninku Señormin tukuyninkoj ñaupaqenta renqa.

San Mateo 15:10

Runasta wajyaspataj nerqa: Uyariychej, entiendeychejtaj.

Marcos 7:14

Ujtawan runasta wajyaspa, Jesús nerqa: tukuyniykichej uyariwaychej, entiendeychejtaj.

Romanos 8:31

Ima nisuntaj kaymantari? Sichus Dios noqanchejwan kashan chayqa, pitaj contranchejpi kanmanri?

Efesios 5:17

Chayrayku ama wampus kaychejchu; manachayqa yachaychej mayqenchus Señorpa munaynin kasqanta.

Deuteronomio 1:30

Señor Diosniykichej ñaupaqeykichejta rispa maqanakonqa qankunaj cuentaykichejmanta, imaynatachus Egiptopi ruwasqanta rikorqankichej; ajinallataj ch'in pampaspipis. Señor Diosniykichejqa makisninwan jap'ispa pusaykachakusorqachej tukuy ñanta, kayman chayamunaykichejkama, uj runa imaynatachus wawanta pusaykachakun ajinata.

Deuteronomio 20:1

Sichus maqanakoj llojsinkichej, enemigosniykichejtaj rikhurisonqachej ashkha caballosniyoj, carretasniyoj ima, qankunamanta aswan ashkha soldadosniyoj ima chayqa, ama paykunamanta manchachikunkichejchu. Egiptomanta orqhomusorqachej chay Señor Diosniykichejqa qankunawan kashan.

Deuteronomio 4:24

Señorniykichejqa ujllapi q'olarparej nina jinamin, payllata munakunaykichejta munan.

Deuteronomio 7:16

Qankunaqa tukuchinkichej Señor makisniykichejman jaywasonqachej chay tukuy ayllusta. Paykunata ama khuyankichejchu, ama dioskunasninkutapis yupaychankichejchu, ama qankuna urmanaykichejpaj.

Deuteronomio 7:22

Señor Diosniykichej pisimanta pisi chay nacionesta ñaupaqeykichejmanta qharqonqa. Qankunaqa mana paykunata ujllapi tukuchiyta atiwajchejchu, imaraykuchus sajra animalesqa miraykunkuman, qankunataj chaykunawan atipachikuwajchej.

Deuteronomio 9:6

Yachaychejpuni kayta: Manamin qankuna allin kasqaykichejraykuchu chay sumaj jallp'asta Señor Diosniykichejqa qosunkichej. Qankunaqa rumi sonqos kankichej.

2 Tesalonicenses 1:8

Payqa nina larwaywan rikhurimuspa, juchachanqa Diosta mana rejsejkunata, Señorninchej Jesucristoj evangeliontapis mana kasojkunata.

Hebreos 12:29

Diosninchejqa q'olaj ninaj larwaynin.

Josué 11:12

Kikillantataj Josueqa ruwarqa chay tukuynejmanta tantakamoj reyespa llajtasnintapis, jinallatataj reyesnintapis espadawan t'ojsispa wañuracherqa, imasninkuchus karqa chaykunatapis t'unaykorqa, Señorpa kamachin Moisés kamachisqanman jina.

Josué 11:8

Señortaj Israelitaspa makisninman jaywarqa; israelitastaj wañuracherqanku, wakintataj qhatikorqanku Sidón jatun llajtakama, chaymanta Misrefot-maimkama, inti llojsimuypi Mispa pampakama, mana ujniyojta tukuchinankukama.

Josué 14:12

Chayrayku kunanqa qoway ari may orqotachus Señor qonawanta nerqa chayta. Chaymantapacha qanqa yachanki chaynejpi anaquitas tiyasqankuta, jatuchaj llajtas sumaj jark'achisqastaj kasqanta. Chaywampis noqaqa yuyani Señor yanapanawanta chay llajtasta chinkachiyta, imaynatachus Señorqa yanapanawanta nisqanman jina.

Josué 3:11

Qhawaychej, Señorpa trato ruwasqan cajón Jordán mayuta ñaupaqeykichejta chimpanqa.

Josué 3:14

Chanta israelitasqa tukuyninku jarasninkuta oqharikorqanku Jordán mayuta chimpanankupaj. Ñaupaqenkutataj sacerdotes Señorpa trato ruwasqan cajón oqharisqa rerqanku.

Jueces 4:14

Chaypacha Deboraqa Baracman nerqa: Kunanqa riy, Señorqa makisniykiman Sisarata kunan churanqa, Señorqa soldadosniykej ñaupaqenta rishan. Baracqa Tabor orqomanta chunka waranqa soldadosninwan uraykamorqa.