Deuteronomio 8:2 - Qheshwa Biblia DC

² Yuyarikuychej ima ñantachus Señor Diosniykichej pusamusorqachej ch'in pampanta chayta, tawa chunka watata chay purisqaykichejpi qankunata llakichispa, pruebaman churaspataj. Ajinamanta chay imanejta imatachus yuyasqaykichejta yachanampaj, kamachiykunasnintapis ruwankichej manachus chayta.

DIOSPA QHELQACHISQAN DEUTEROCANONICAL

² Qankuna tukuy ch'innejta tawa chunka watata purisqaykichejta yuyarikuychej. Tata Diosniykichej chaynejta pusamusorqachej qankunata k'umuykuchinanpaj, chantá sonqoykichejpi imachus kasqanta yachananpaj.

DIOSPA QHELQACHISQ

² Qankuna tukuy ch'innejta tawa chunka watata purisqaykichejta yuyarikuychej. Tata Diosniykichej chaynejta pusamusorqachej qankunata k'umuykuchinanpaj, chantá sonqoykichejpi imachus kasqanta yachananpaj.

Deuteronomio 8:2 ပူးပေါင်းရင်းမြစ်များ

Génesis 22:1

Unayninmantaj Dios Abrahampa feninta yachayta munarqa. Sutinmanta wajyarqa Abraham, nispa. Paytaj kuticherqa, kaypi kashani, nispa.

2 Crónicas 32:31

Maypachachus Babiloniamanta kamachejkuna watunankupaj kachasta kachamorqanku, yachanankupaj chay nacionespi Diospa milagron imaynachus ruwasqas kasqanta. Chaypacha Diosqa sapallanta Ezequiasta saqerqa allinta yachayta munaspa, imaynatachus sonqompi yuyarqa chayta.

2 Crónicas 33:12

Maypachachus llakiy ñak'ariypi kaspallaña Señor Diosninman qhaparikorqa, mayta k'umuykukuspa ñaupa tatasnimpa Diosninman.

2 Crónicas 33:19

Diosmanta mañakusqan, Dios payta uyarisqan, tukuy juchallisqasnin, Diosta qhesachasqan, lomas patapi lanti wasista jatarichisqasnin, jinataj maykunapichus churarqa Asera lantista, waj lantistawan, manaraj Diosman k'umuykushajtin, tukuy chaykunamantaqa profetaspa willaykunasninkupi qelqasqas kashanku.

Job 33:17

Mana allin ruwasqasninmanta chay runata t'aqanampaj, ama anchata jatunchakunampaj.

Salmos 103:2

Tukuy sonqoywan Señorta yupaychasaj; mana qonqasajchu tukuy sumaj ruwasqasninta.

Salmos 106:7

Tatasniykoqa Egiptopi, jatuchaj ruwasqasniykimanta mana unancharqankuchu. Ashkha munakuyniykimanta qonqaporqanku, astawanqa puka mar qocha qayllapi contraykipi oqharikorqanku.

Salmos 136:16

ch'in pampanejta ayllunta pusajman, khuyakuynin wiñaypaj kasqanrayku;

Salmos 77:11

Yuyarikusaj tukuy sumaj ruwasqasninmanta, waj tiempospi Señorpa ruwasqasninmanta.

Salmos 81:7

Llakiyniykipi wajyawarqanki, noqataj librarqayki, qhon qhon phuyu ukhumanta kutichimorqayki. Meriba yaku chimpapi probarqayki.

Éxodo 15:25

Moisestaj Señormanta mañakorqa yanapata, Señortaj rikucherqa uj sach'ata. Moisestaj chayta yakuman chhapuykorqa, chaywantaj yakusta misk'iyacherqanku. Chaypi Señorqa paykunaman qorqa kamachiykunata, imaynatachus purinankupaj, yachanampajtaj imaynachus sonqonku kasqanta.

Éxodo 16:35

Israelitasqa Maná nisqa t'antata mikhorqanku tawa chunka watasta, may jallp'aspichus runas tiyakorqanku chayman chayanankukama. Chay t'antata mikhorqanku Canaán jallp'aj mojonninman chayanankukama.

Éxodo 16:4

Chaymanta Señorqa Moisesman nerqa: Noqa t'antata parachimusaj patamanta. Israelitasqa sapa paqarin jatariytawan pallakonqanku, mashkhatachus uj día mikhunanku chaypaj jinalla. Chaypi yachasaj piskunachus kamachisqasniyta kasuwanku, manachus chayta.

Éxodo 20:20

Moisestaj paykunaman nerqa: Ama manchachikuychejchu; Diosqa qankunata imaynachus kasqaykichejta yachaj jamun, qankuna payta manchachikunaykichejpajpuni, paypa ñaupaqempi ama juchallikunkichejchu.

Proverbios 17:3

Qoritawan qolqetawanqa nina llimphuchan; runaj yuyaynintataj Señorlla llimphuchan.

Isaías 2:17

Runaj wapuykachaynenqa k'umuykuchisqa, runaj machu machu kaynenqa urmachisqa kanqa. Chay p'unchaypeqa Señorlla jatunchasqa kanqa.

Jeremías 2:6

Manaña noqamanta tapukuwankuchu: Maypitaj kashan, Egipto jallp'amanta orqhomuwarqanchej ch'inkunasnejta, may wayq'orara ch'in jallp'asnejta, mana yakuyoj jallp'asnejta, mana pejpa purisqan, nitaj tiyakusqan, may manchachikuna jallp'asnejta pusamuwarqanchej chay Diosri?, nispa.

Ezequiel 20:19

Paykunata nerqani: Señor Diosniykichejqa noqa kani. Kamachisqasniyta ama pantaspa junt'aychej, yachachisqasniyta waqaychaychej, ruwaychejtaj.

Amós 2:10

Qankunatataj Egiptomantapacha orqhomorqaykichej, tawa chunka watastataj pusaykacharqaykichej ch'in pampaspi, chay runaspa jallp'asninkuta qankunaman qonayrayku.

Números 14:33

Chaykamataj wawasniykichejqa tawa chunka watasta michejkunamanta kay ch'in pampaspi puriykachanqanku. Ajinamanta paykuna ñak'arenqanku qankuna juchachakusqaykichejrayku, tukuyniykichej kay ch'in pampapi tukukunaykichejkama.

San Lucas 18:14

Kunanqa niykichej, kay impuestero wasinman kutiporqa juchasninmanta pampachasqa, fariseotaj mana. Jatunchakojqa p'enqaypi rikhurenqa; k'umuykukojtajrí jatunchasqa kanqa.

San Juan 2:25

Manataj karqachu runamanta imatapis payman willana; payqa yachallarqa imachus runapi kasqanta.

Deuteronomio 1:3

Chay karqa tawa chunka wata kashajtin, iskay chunka iskayniyoj killapi ñaupaj kaj diapi. Chaypacha Moisesqa israelitasman parlarqa imaynatachus Dios payman kamachisqanman jina israelitaswan ruwanasninmanta, Amorreospa reynin Sehonta atipasqankumantaña. Chay reyqa Hesbompi tiyakorqa. Chantá Basánmanta rey Ogta atipasqankumantapis. Chay reyqa Edrei Astarotpi tiyakorqa.

Deuteronomio 1:33

Payqa ñaupaqeykichejta rispa maymanchus jarakunaykichejta ajllarqa. Tutaqa ñanta rishajtiykichej ninawan k'anchamorqa maynintachus rinaykichejpaj, p'unchaytaj phuyuwan rikuchisorqachej maymanchus rinaykichej ñanta.

Deuteronomio 13:3

Chay imas junt'akunman chaypis amapuni chay sut'inchajta, chayri willajtapis uyarinkichejchu. Chaykunataqa Señor Diosniykichej kachamusunkichej yachanampaj cheqamantachus manachus Payta munakushankichej tukuy sonqoykichejwan, tukuy almaykichejwampis, chayta.

Deuteronomio 2:7

Qankunataqa Señor Diosniykichej bendicisunkichej tukuy ima ruwasqasniykichejpi. Kay tawa chunka watas junt'ata qankunawan karqa Señorqa. Kay chhika karu ch'inkunasta pay pusaykachasorqachej sumajta waqaychaspa, nitaj imatapis pisichisorqachejchu.

Deuteronomio 29:5

Noqaqa tawa chunka watas junt'ata ch'in pampaspi pusaykacharqaykichej. Chay purisqaykichejpitaj p'achasniykichej, ni ujut'asniykichejpis mana thantakorqachu.

Deuteronomio 32:7

Unay tiemposmanta yuyarikuychej, ñaupa wata miraykunapi unanchaychej. Tatasniykichejta, ñaupa kurajkunasniykichejtapis, tapukuychej, paykunataj willasonqachej.

Deuteronomio 7:18

Qankunaqa amapuni manchachikunkichejchu paykunata. Yuyarikuychej imatachus Señor Diosniykichej faraompa, tukuynin egipciospa contrantawan ruwasqanta.

Deuteronomio 8:16

Chay jina ch'impi Maná nisqa t'antata mikhuchisorqachej, chaytaqa tatasniykichejpis mana rejserqankuchu. Ajinamanta qankunata llakichispa, yachanampaj imaynachus kasqaykichejta, qhepamanqa allin rinasuykichejpaj.

Santiago 1:3

Creesqaykichejpi pruebaman churasqas kaspaqa, pacienciata tarinkichej.

Santiago 4:10

K'umuykukuychej Señorpa ñaupaqempi. Paytaj pataman oqharisonqachej.

Santiago 4:6

Payqa astawan khuyakuwanchej. Chayrayku escrituras nin: Diosqa jatunchakojkunata qhesachan, k'umuykukojkunatataj yanapan.

Apocalipsis 2:23

Wawasnintataj mana khuyakuspa wañurachisaj; ajinamanta tukuynin iglesias yachanqanku noqa rejsisqayta runaj yuyayninta, sonqontawan. Qankunamantaj, sapa ujman, ruwasqaykichejman jina qopusqaykichej.

Jueces 2:22

Kay imaswan Señorqa rikuyta munasharqa, israelitasqa Señorpa ñanninta qhatinkumanchus manachus chayta, imaynatachus ñaupa tatasninku qhaterqanku ajinata.

Jueces 3:4

Kay llajtaswan Señor llakiyman churayta munarqa israelitasta, jinamanta yachanampaj kasunkumanchus manachus ñaupa tatasninkuman kamachiykunasta Moisesnejta qorqa chaykunata.