Deuteronomio 7:9 - Qheshwa Biblia DC

⁹ Chayrayku yachaychej ari, Señor Diosniykichejqa Pay sapallan Dios kasqanta. Yachallaychejtaj cheqan Dios kasqanta. Ima trato ruwasqantapis junt'asqanta may chhika miraykunaskama. Payta munakojkunaman, kamachiykunasnintataj junt'ajkunaman.

DIOSPA QHELQACHISQAN DEUTEROCANONICAL

⁹ Chayrayku yachaychej ari, Tata Diosniykichejqa pay k'atalla cheqa kaj Dios kasqanta. Yachallaychejtaj payqa, pikunachus payta munakojkunawan, kamachisqantataj junt'ajkunawan ima, may chhika miraykama trato ruwasqanta junt'aj kasqanta.

DIOSPA QHELQACHISQ

⁹ Chayrayku yachaychej ari, Tata Diosniykichejqa pay k'atalla cheqa kaj Dios kasqanta. Yachallaychejtaj payqa, pikunachus payta munakojkunawan, kamachisqantataj junt'ajkunawan ima, may chhika miraykama trato ruwasqanta junt'aj kasqanta.

Deuteronomio 7:9 ပူးပေါင်းရင်းမြစ်များ

Génesis 17:7

Kay tratota qanwan ruwasqayqa mirayniykej mirayninman ima chayanqa; noqa qampa Diosniykipuni kasaj, jinallataj paykunajtapis.

Génesis 28:15

Noqa qanwan kashani, noqa waqaychasqayki maymampis rejtiyki, kutichimusqaykitaj kay jallp'allamantaj. Mana saqerparisqaykichu, imatachus qosunay kajta qosunaykama.

Génesis 9:15

Chaypacha yuyarikusaj uj tratota qankunawan ruwasqayta, jinallataj animaleswampis, manaña jayk'ajpis ni ima yaku jamuspa kausajkunata chinkachenqachu.

1 Crónicas 16:15

Waranqa runa mitasñapis pasachunku, mana jayk'aj qonqaponqachu chay trato ruwasqamantaqa.

2 Crónicas 6:14

Israelpa Señor Diosnin, mana qan jina Diosqa janaj pachapi kanchu, nitaj kay pachapipis, qanqa tratota ruwasqaykita junt'anki, qanqa tukuy sonqowan kasusojkunatataj khuyanki.

Nehemías 1:5

Nerqanitaj: Señor, janaj pachapi kaj Diosníy, qanqa jatun Dios atiyniyoj manchachikunataj kanki. Qanqa trato ruwasqaykitaqa sumajta jallch'anki. Jinataj munakusojkunatapis, kamachiykita junt'ajkunatapis mana jayk'aj saqenkichu.

Nehemías 9:32

Chayraykumari, noqaykoj Diosniyku, jatun Dios, atiyniyoj manachachikunataj kanki. Qanqa trato ruwasqaykipi munakuyniykitapis mana saqenkichu, ama qonqapuychu tukuy llakiykuna qhatirisqanmanta reyesniykuta, kurajkunasniykuta, sacerdotesniykuta, profetasniykuta, ñaupa tatasniykuta, jinataj tukuy aylluntinta, Asiriamanta reykunaspa tiemponmantapacha kunankama.

Salmos 103:18

Dioswan trato ruwasqankuta junt'ajkunapaj, kamachisqasninta waqaychaspa ruwajkunapajwan.

Salmos 105:8

Waranqa waranqa runa mitapis pasachun, ruwasqantaqa mana jayk'aj qonqanqachu:

Salmos 119:75

Noqa yachani, Señor, cheqan justiciata ruwaj kasqaykita. Maychus kajta jasut'iwarqanki.

Salmos 146:6

Pay ruwarqa janaj pachata, kay pachatapis, mar qochata, tukuy chaypi kajkunatawan. Payqa nisqanta junt'ampuni.

Salmos 36:6

Cheqan kayniykeqa jatun orqos jina. Nisqaykitaj, jatun mar qocha jina, ukhutaj. Qan Señor, waqaychanki tukuy runasta, uywastawan.

Éxodo 20:6

Khuyakuyniytaqa waranqa waranqasman rikuchini, pikunachus munakuwanku, kamachisqasniytataj kasuwanku chaykunaman.

Isaías 49:7

Israelpa Santo Diosnin, salvaj Señorqa, sinch'i qhesachasqa llajtanman, waj llajtaspa chejnikusqan llajtaman, ñak'arichejkunaj kamachinman, kay jinata nin: Reykuna, kurajkunawan qanta rikususpa, qonqorikuspa Diosta yupaychanqanku, imaraykuchus Israelpa Diosnin noqa Señor, qanta ajllarqayki, imatachus nisqaytataj junt'anipuni.

Jeremías 32:18

Qanmin khuyakuyniykita rikuchinki waranqa waranqa miraykunaman, jinapis runasta jasut'inki tatasninkoj juchasninkurayku. Oh jatun Dios, atiyniyojtaj, sutiykeqa Tukuy Atiyniyoj Señormin.

Lamentaciones 3:23

Sapa paqarin mosojllapuni, qampa cheqan kayniykeqa mana tukukoj.

Daniel (hebreo) 9:4

Señor Diosniymanta mañakorqani, kay imastataj willakorqani: Señor, may jatun Diosníy, trato ruwasqaykitaqa junt'ankipuni, munakuyniykitataj rikuchinki qanta munakusojkunaman, kamachisqasniykita junt'ajkunamampis.

Números 14:18

Imamantapis mana usqhayta phiñakusqaykita, munakuyniykeqa may jatun kasqanta, ima sajra juchamantapis perdonasqaykita, jinallataj qampa contraykipi oqharikojtapis. Nillarqankitaj juchayojtapis mana jasut'isqaykita, manachayqa tatasninkoj juchasninta jasut'isqaykita, wawasninkuta allchhisninkuta, allchhisninkoj wawasninkuta, allchhisninkoj allchhisninta ima.

Romanos 8:28

Yachanchej, Diosta munakojkunataqa tukuy ima allimpaj yanapasqanta, paypa munayninman jina wajyasqasta.

1 Corintios 1:9

Diosqa junt'ampuni nisqanta, payraykutaj wajyasqas karqankichej, Churin Jesucristo Señorninchejwan khuska kanaykichejpaj.

1 Corintios 10:3

Jinallataj tukuyninku mikhorqanku Espirituman jina uj kikin mikhuyllata.

1 Corintios 8:3

Sichus mayqempis Diosta munakunman chayqa, Diospis payta rejsin.

2 Corintios 1:18

Astawanqa Dios yachan palabraykoqa qankunapaj mana “arí” nisqachu, nitaj “mana” nisqachu kasqanta.

Deuteronomio 32:39

Yachaychej noqalla Dios kasqayta. Yachallaychejtaj mana waj dios kasqanta. Noqalla kausayta qoni, qhechunitaj. Noqalla nanachini, thañichinitaj. Ni pipis noqaj makiymanta kacharikuyta atinchu.

Deuteronomio 32:4

Payqa jark'akuwajninchej, ruwasqasnenqa may sumajpuni. Tukuy ñankunasnenqa cheqampuni. Payqa mana llullakoj Dioschu. Payqa mana jayk'ajpis pantanchu. Payqa cheqanmin, cheqa kajta ruwajtaj.

Deuteronomio 4:35

Kay imasta rikuchisorqachej yachanaykichejpaj Señorlla Dios kasqanta, jinallataj waj Diosqa manapuni kasqanta.

Deuteronomio 4:39

Kunanqa yachaychej unanchaychejtaj. Señorlla Diosqa kasqanta janaj pachapi, kay pachapipis, jinallataj manapuni waj Dios kasqanta.

Deuteronomio 5:10

Khuyakuyniytaqa waranqa waranqasman rikuchini, pikunachus munakuwanku, kamachisqasniytataj kasuwanku chaykunaman.

1 Tesalonicenses 5:24

Tukuy imapi junt'ajmin qankunata wajyajqa, chayta tukuychanqa.

2 Tesalonicenses 3:3

Cheqamanta Señorqa palabranta junt'ampuni. Pay sayachisonqachej waqaychasonqachejtaj sajramanta.

2 Timoteo 2:13

Sichus manaña paypi creesunmanchu chayqa, Diosqa kikillampuni sayan, qosqaykichej nisqanta junt'anampaj, imaraykuchus pay kikinta mana qhesachakuyta atinchu.

Tito 1:2

Wiñay kausay suyaypi, mayqentachus mana llullakoj Dios qosqaykichej nerqa, manaraj kay mundo ruwasqa kashajtin.

Hebreos 10:23

Suyayninchejpa yachachiyninta sinch'ita jap'ina, mana iskayrayaspa, Diosqa junt'anmin qonan kasqanta.

Hebreos 11:11

Creesqanrayku kikin Sarapis, payaña kaspa mana wachakoj, wijsallikorqa kallpata jap'ispa; imaraykuchus payqa creerqa Dios imatachus qosaj nisqanta junt'ananta.

Hebreos 6:18

Kay iskay mana kuyurikoj imasrayku, Diosqa manapuni atinchu llullakuyta. Chayrayku, sumajta sonqochakuspa jaku rina, ñaupaqenchejpi churasqa kashan chay suyaymanta jap'iykukunanchejpaj.

Santiago 1:12

Kusikuyniyojmin tentacionta atipaj runaqa; imaraykuchus chay tentacionta atipasqanman jina jap'inan tiyan wiñay kausay pilluta, mayqentachus Dios nerqa qonanta payta munakojkunaman.

1 Juan 1:9

Juchasninchejtachus Diosman willakusunman chayqa, yachanchej payqa junt'aj cheqantaj kasqanrayku juchasninchejta pampachananta. Payqa tukuy sajra kayninchejtapis pichawasunchej.

Jueces 2:1

Señorpa angelnin rerqa Gilgalmanta Boquinman, israelitasmantaj nerqa: Noqa Egiptomanta orqhomorqaykichej qankunata, ñaupa tatasniykichejman qosqaykichej nerqani chay jallp'akama pusamorqaykichej, chaypacha paykunaman nerqani: Mana jayk'ajpis qankunawan tratoyta p'akisajchu, sichus qankuna chay llajtayojkunawan waj tratota mana ruwankichejchu chayqa, manachayqa altaresninkuta phirinkichej nerqani. Qankunataj mana kasuwarqankichejchu. Imaraykutaj jinata ruwarqankichejrí?

Jueces 5:31

Señor, tukuy enemigosniyki phirisqas kachunku; Qanta munakusojkunataj k'ancharichunku, imaynatachus inti llojsimushaspa may sinch'ita k'ancharin jinata. Chaymanta qhepaman tawa chunka watasta chay jallp'api allin tiyayllapi kausakorqanku.